Møtebok
Deling av grunneigedom gnr
11, bnr 4 - Nils
og Nelly Gjerde
|
Saksnr.
utval
|
Utval
|
Møtedato
|
|
050/07
|
Det faste utvalet for plansaker
|
29.10.07
|
Utsendte saksdokument:
Fråsegn frå Møre og Romsdal fylke dagsett 02.10.07
Uttale frå Statens vegvesen dat.
09.10.07
Ikkje utsendte
saksdokument:
Søknad frå Nelly og Nils Gjerde, dagsett 20.11.06
Kartutsnitt, M=1:2000
Gjenpart av nabovarsel (20.11.06)
Gjeldande kommuneplan, arealdelen
Notat frå næringssjef Klokkehaug av 16.01.07
Sak 021/07, møte 13.03.07, Det faste utvalet for plansaker
Klage dat. 07.04.07 frå Nelly og Nils Gjerde
Sak 028/07, møte 14.05.07, Det faste utvalet for plansaker
Sak 072/07, møte 06.06.07, formannskapet
Brev dat. 11.09.07 vedk. uttale – uttalefrist 10.10.07
Sak 040/07, møte 27.08.07, Det faste utvalet for plansaker
Handsaming i Det faste utvalet for plansaker 29.10.2007:
Audun Skjervøy, Nl kom med slikt forslag til vedtak:
Det faste utvalet for plansaker vil gå imot å gje
dispensasjon frå arealdelen av kommuneplanen for tomt til bustadhus på gnr. 11,
bnr. 4 på Gjerde i Valldal. Bakgrunnen for avslaget er tomta si plassering i
nær tilknyting til tunområdet.
Røysting:
2 røysta for Audun Skjervøy sitt forslag som fall
5 røysta for innstillinga.
I medhald av § 7 i Plan- og bygningslova gjev Det faste
utvalet for plansaker dispensasjon frå arealdelen av kommuneplanen for at tomt
til nytt bustadhus på gnr. 11 bnr. 4 på Gjerde i Valldal kan delast frå i
samsvar med søknad dagsett 20.11.06.
Saksgrunnlag:
Det faste utvalet for
plansaker har til hensikt å gi dispensasjon frå arealdelen av kommuneplanen for
at tomt til nytt bustadhus på gnr. 11 bnr. 4 på Gjerde i Valldal kan delast frå
i samsvar med søknad dagsett 20.11.06.
På vanleg måte har saka vore sendt ut for uttale og med
uttalefrist 10.10.07.
Det ligg to fråsegner i saka; jfr. vedlegg.
Saksopplysningar:
Møre og Romsdal fylke, fråsegn dat. 02.10.07:
Fylket kan ikkje sjå at det er særlege grunnar tilstades for
å kunne dispensere i denne saka. Fylket finn det uheldig at det vert oppretta
ein sjølvstendig bustadeigedom i eit landbruksområde, då dette aukar risikoen
for drifts- og miljømessige ulemper for landbruksdrift i nærleiken og medverkar
slik til fragmentering av landbruksareal.
Det er elles ikkje høve til å legge vekt på slektskap mellom
tomteervervar og grunneigar.
Det vert såleis av landbruksfaglege og formelle årsaker
sterkt rådd frå at det vert gitt dispensasjon frå arealdelen av kommuneplanen.
Statens vegvesen, uttale dagsett 09.10.07:
Vegvesenet har ingen spesielle merknader i saka. Det vert
føresett at eksisterande avkøyrsle frå RV 63 vert nytta.
Som det går fram av saksdokumenta har denne saka hatt ei
noko lang vandring med vedtak i Det faste utvalet for plansaker og
formannskapet; jfr. ikkje utsendte vedlegg.
Saksvurdering og konklusjon:
Søknaden av 20.11.06 gjeld løyve til å dele frå tomt på om
lag 1 daa. til tomt for nytt bustadhus på gnr. 11, bnr. 4 på Gjerde i Valldal.
Det er son til grunneigarane som vil bygge på tomta.
I gjeldande kommuneplan arealdelen er området avsett til
LNF-område der spreidd busetnad er tillate.
Møre og Romsdal fylke har skriftleg klargjort (mail av
27.06.07) at ei slik sak skal handsamast som dispensasjon frå arealdelen av
kommuneplanen, då det for den einskilde tomt skal vere konkret i høve omfang og
lokalisering.
Det er gjeve løyve for frådeling etter Jordlova gjennom
formannskapet sitt vedtak i sak 072/07 (møte 06.06.07).
Som det går fram av saksdokumenta har denne saka hatt ei
noko lang vandring med vedtak i Det faste utvalet for plansaker og
formannskapet; jfr. ikkje utsendte vedlegg.
I denne saka har Møre og Romsdal fylket gjennom si fråsegn
av 02.10.07 eit klart anna syn enn den landbruksfaglege og planutvalet i
kommunen.
Vår arealdel av kommuneplanen har som prinsipp LNF-område
der spreidd busetnad er tillate for alle grender/gardar. Såleis vil ein, dersom
ein skal gjennomføre arealplanen sine prinsipp, få produksjons-areal rimeleg
nær busetnaden med dei ulemper det kan ha (lukt, støy osv.). Det positive for grendene
er at dei kan vert folkerikare.
Ein har stor forståing for Fylket sitt syn i saka, men
utifrå dei prinsipp som er vedtekne i gjeldande arealplan og ei samla
vurdering, vel ein å rå til at dispensasjon kan gjevast i denne saka.
