NORDDAL KOMMUNE

 

Arkiv:                    L33

Saksmappe:          07/00240-2

Sakshandsamar:   Toralv Klokkehaug

Dato:                      19.10.2007

 

Møtebok

                                  

 

 

 

 

Søknad frå Vanja Gjerde om frådeling av hus nr. 2 på gnr. 8 bnr. 5 - jordlovsak  

 

Saksnr. utval

Utval

Møtedato

129/07

Formannskapet

29.10.07

 

 

 

 

Utsendte saksdokument:

Søknad av 01.03.07 med vedlegg

Kart over området

 

 

 

Ikkje utsendte saksdokument:

 

 

 

Rådmannen si innstilling:

Norddal kommune viser til jordlova § 12 og godkjenner frådeling av hus nr. 2 på bruket med eit areal på ca 1,0 daa. Grunngjevinga er at hus nr. 2 ikkje ligg i sjølve gardstunet på bruket, og at ei frådeling vil ha positiv innverknad på busettinga i området.

 

 

 

Handsaming i Formannskapet  29.10.2007:

Audun Skjervøy, Nl gjekk frå som ugild – Jon Kåre Løvoll, Nl møtte i han sin stad.

 

Røysting:

Samrøystes i samsvar med innstillinga.

 

 

 

Vedtak i  Formannskapet - 29.10.2007:

Norddal kommune viser til jordlova § 12 og godkjenner frådeling av hus nr. 2 på bruket med eit areal på ca 1,0 daa. Grunngjevinga er at hus nr. 2 ikkje ligg i sjølve gardstunet på bruket, og at ei frådeling vil ha positiv innverknad på busettinga i området.

 

 

 

 

 

 

 

 

Saksgrunnlag:

Det vert søkt om frådeling av hus nr. 2 på gnr. 8 bnr. 5. Arealet ein ynskjer å dele frå er på ca 1 daa.

 

Saksopplysningar:

Bruket ligg på Valldal og omfattar ca 127 daa der ca 60 daa er jordbruksareal. Hus nr. 2 er bygd på nedsida av gardstunet, og det ligg sør for gardsvegen på eit lågare plan enn sjølve tunet. Det nye våningshuset grenser ikkje til dyrka mark, og søkjaren opplyser at det er frådelt fleire hustomter i same område. I søknaden går det fram at bruket no står framfor eigarskifte. Den nye kjøparen vil busette seg i gamlehuset på bruket.

 

Saksvurdering og konklusjon:

Dette er ei sak som reiser mange spørsmål om korleis bygdene skal utvikle seg framover. I denne konkrete saka er det ynskje om å dele frå hus nr. 2 på bruket noko som ikkje er vanleg praksis i landbruket. At bruket ligg i skrånande terreng og at hus nr. 2 ikkje er i god kontakt med resten av tunet er eit viktig moment. Det som også er avgjerande, er at ei frådeling vil fremme busetnaden i området utan at frådelinga vil føre til store ulemper for framtidig drift av bruket. Ei frådeling der bygningane ligg tett inntil kvarandre på flat mark omkransa av større jordvidder, vil ikkje vere ynskjeleg.

 

På grunnlag av desse opplysningane bør søknaden om frådeling godkjennast.

 

 

 

Stig Holmstrøm

 

rådmann