NORDDAL KOMMUNE

Arkiv: 223 Saksmappe: 07/00805-2 Sakshandsamar: Toralv Klokkehaug Dato: 19.10.2007

Møtebok

Søknad frå Petrines Gjestgiveri om tilskot til profilering av Norddal kommune på Grüne Woche

Saksnr. utval	Utval	Møtedato
128/07	Formannskapet	29.10.07

Utsendte saksdokument:

Søknad av 16.10.07 frå Petrines Gjestgiveri AS

Ikkje utsendte saksdokument:

Rådmannen si innstilling:

Norddal kommune er positiv til tilbodet frå Petrines Gjestgiveri med omsyn til profilering av Norddal kommune og verdsarvområdet på den Internasjonale messa Grüne Woche. Norddal kommune løyver kr 65.000,- til tiltaket. Midlane skal takast frå næringslivstiltak konto 6111.1471.

Handsaming i Formannskapet 29.10.2007:

Audun Skjervøy, Nl kom med slikt tilleggsforslag til innstillinga:

Løyvinga skjer på vilkår av at brosjyrar på tysk blir utarbeidde og ligg føre før messa Grüne Woche.

Røysting:

Samrøystes i samsvar med innstillinga og Audun Skjervøy sitt tilleggsforslag.

Vedtak i Formannskapet - 29.10.2007:

Norddal kommune er positiv til tilbodet frå Petrines Gjestgiveri med omsyn til profilering av Norddal kommune og verdsarvområdet på den Internasjonale messa Grüne Woche. Norddal kommune løyver kr 65.000,- til tiltaket. Midlane skal takast frå næringslivstiltak konto 6111.1471. Løyvinga skjer på vilkår av at brosjyrar på tysk blir utarbeidde og ligg føre før messa Grüne Woche.

Saksgrunnlag:

Petrines Gjestgiveri er i januar 2008 invitert som utstillar til den store messa Grüne Woche i Tyskland saman med Tind Spekevarer AS. I samband med marknadsføring av Petrines Gjestgiveri på messa spør Petrines om det også er aktuelt at dei gjer ein jobb med profilering av Norddal kommune

og verdsarvområdet.

Saksopplysningar:

Grüne Woche er ei kjempestor messe i Tyskland som spesielt retter seg mot mat og reiseliv og den tyske marknaden. Her kjem det folk frå heile verda, og Norddal kommune har her høve til å syne fram sine kvalitetar.

Petrines Gjestgiveri har skissert framdrifta av prosjektet slik:

Utarbeide trykksak på tysk med fokus på lokal mat, verdsarv og geoturisme i Norddal kommune.

Bevisst bruk av media før, under og etter messa.

Oppsummering og tilbakemelding til kommunen.

Petrines ser for seg eit kontaktnett der Tind, DGT og Verdsarvprosjektet deltek i tillegg til bygde- og næringsorganisasjonane.

Samla kostnad for profileringa er kr 88.000,-. Av dette vert det søkt om kr 65.000,- i kommunalt tilskot.

Saksvurdering og konklusjon:

Petrines Gjestgiveri har hatt ei svært positiv utvikling med omsyn til drift, kontaktnett og satsingsområde. Bedrifta var tidleg ute med å satse på lokale matkvalitetar, og har frå starten av vore ein motor i lokalmiljøet for å få fram dei gode lokale matopplevingane. Det syner seg no at dette var ei riktig satsing da mat knytt til oppleving, kultur og lokale varer har blitt meir og meir etterspurt.

Oppslag i media, aviser, vekeblad og tildelinga av ulike prisar syner at bedrifta er eit godt døme på framtidretta og riktig satsing.

Når Petrines no skal delta på Grüne Woche, er dette ein svært god representant for kommunen. Kommunen si satsing på natur, kultur og helse er også i samsvar med Petrines sine satsingsområde.

For Norddal kommune er den tyske marknaden svært viktig. Ein stor del av turistane som reiser gjennom bygda er frå Tyskland, og dei er svært opptekne av gode opplevingar der mat og natur er heilt sentralt. Kommunal profilering gjennom Petrines si deltaking på Grüne Woche er noko kommunen bør satse på.

Stig Holmstrøm

rådmann