NORDDAL KOMMUNE

Arkiv: 1/30

Saksmappe: 06/00503-7

Møtebok

Klage - Utfylling av masse rundt naust gnr 1, bnr 30 - Kirsti Longva

Saksnr. utval	Utval	Møtedato
049/07	Det faste utvalet for plansaker	29.10.07

Utsendte saksdokument:

Klage dagsett 20.09.07 frå Kirsti H. Longva

Ikkje utsendte saksdokument:

Sak 043/07 i Det faste utvalet for plansaker

Søknad dagsett 19.06.06

Situasjonskart, M= 1:1000

Teikningar dat. 20.02.07 som syner planlagt tiltak

Brev av 28.03.07 om uttale - Kystverket

Uttale frå Kystverket dagsett 27.04.07

Vedtak i Det faste utvalet for plansaker - 29.10.2007:

Det faste utvalet for plansaker har vurdert klaga dagsett 20.09.07 frå Kirsti Helen Longva på

utvalet sitt vedtak i sak 043/07.

Utvalet vil etter ei samla vurdering halde på sitt vedtak i sak 043/07.

Saksgrunnlag:

Det faste utvalet for plansaker gjorde i møte den 27.08.07 i sak 043/07 slikt vedtak:

Søknaden av 19.06.06 om utfylling rundt naust og flytebrygge i Lingebugen under gnr. 1, bnr 30, Skorpa, vert godkjent på følgjande vilkår:

1. Utfyllinga skal innskrenkast til å omfemne ei fylling som maksimalt går 2 m nedom langveggen (syd) på naustet og med ei vanleg stø med vor vendt utover (vest).

2. Det faste utvalet for plansaker vedtek at det så snart som muleg vert utarbeidd forslag til ein strandsoneplan med retningsliner for arealbruken på strekninga Muribugen – Linge ferjekai.

Det ligg føre klage dagsett 20.09.07 frå eigar av gnr. 1/30, Kirsti H. Longva; jfr. saksvedlegg.

Saksopplysningar:

Klaga frå Longva på vedtaket i sak 043/07 er dagsett 20.09.07 (journalført 02.10.07).

Det vert sett på som at klaga er komen i rett tid i høve reglane i Forvaltningslova.

Klage dat. 20.09.07:

Det vert opplyst at Skorpa hadde ei stø vendt innover tidlegare.

Vidare vert det bede om å fylle ut i sjøen som søkt om, slik at flytebrygga kan ligge på innsida, då det er svært verutsett i Lingebugen.

Longva kan ikkje sjå at denne saka kan skape presedens.

Vidare vert det tilføyd at klagar har stor respekt for Linge og riksvegen (nasjonal riksveg) og at Kystverket har godkjent utfyllinga.

Kommentar:

Så vidt ein kjenner historia hadde Skorpa opphavleg eit lite og lavt naust i lafta tømmer med stø i vinkel vendt innover. Dette naustet kom midt i lina ved bygginga av riksvegen mellom Lingeneset og Sylte og naustet vart rive. I staden for det gamle naustet vart det bygt eit nytt naust på nedsida av vegen på betongpålar med renne/rampe av trematerialar vendt utover.

Grunnen til at naustet vart sett på pålar, ein måte som er uvanleg, var truleg mangel på lageleg stein og kanskje at det var kostnadssparande.

Renna/rampen på naustet stod heilt til den vart teken av orkanen i årsskiftet 1990/1991 (truleg noko sliten av ”tidens tann”).

Kor vidt Lingebugen er svært verutsett kan nok diskuterast, men ein kan undre seg over at ved etableringa av eksisterande naust var renna/rampen vendt utover. Kanskje fordelen med ei rett stø var mest teljande reint praktisk. Ei endring med stø vendt innover vil i alle høve medføre ei ombygging/endevending av naustet.

Kystverket skal i slike saker sjå til at tiltak som flytebrygger m.v. ikkje kjem i konflikt med den alminnelege ferdsel på fjorden.

Saksvurdering og konklusjon:

Vedtaket i Det faste utvalet for plansaker i sak 043/07, pkt. 2, har slik ordlyd:

Det faste utvalet for plansaker vedtek at det så snart som muleg vert utarbeidd forslag til ein strandsoneplan med retningsliner for arealbruken på strekninga Muribugen – Linge ferjekai.

Det kan opplysast at dette arbeidet med ein plan for strandsona på strekninga Muribugen-Linge ferjekai allereie er starta; det er firma Nordplan frå Ålesund som er hyra inn for lage denne reguleringsplanen. Ein kan forvente at dette planarbeidet er fullført medio 2008.

I prinsippet har det vore ynskjeleg at forholda i strandsona (naust, utfyllingar, flytebrygger mv.) var teke stilling til gjennom denne planen, før ein måtte ta endeleg stilling til søknaden om utfylling/ flytebrygge frå eigaren av Skorpa.

Det mest ryddige her ville vere å legge ned eit midlertidig bygge- og deleforbod i medhald av § 33 i Plan- og bygningslova no, alternativt kan ein vente med bygge- og deleforbodet til denne klaga er handsama av Fylkesmannen; ein legg i dette til grunn at utvalet vel ikkje å ta klaga til følgje.

Etter ei samla vurdering vil administrasjonen rå til at utvalet held på sitt vedtak i sak 043/07 og avventar eit eventuelt vedtak om midlertidig bygge- og deleforbod etter § 33 i PBL.

Stig Holmstrøm
rådmann