Feie-/eldstadavgifter 2008

Vedtak i Kommunestyret - 08.11.2007:

Norddal kommunestyre vedtek i medhald av § 28 i Lov om brannvern m.v. høgding av feieavgiftene med verknad frå 01.01.2008:

1. Hus med ei pipe.

2007: kr 220,- endra til: kr 230,-

2. Hus med meir enn ei pipe.

2007: kr 110,- i tillegg pr. pipe endra til: kr 115,- i tillegg pr. pipe

Meirverdiavgift kjem i tillegg.

Saksgrunnlag:

Feieavgiftene vart sist høgda med verknad frå 01.01.07, jfr. sak 073/06 i Driftsutvalet- møte 30.10.06 og kommunestyresak 073/06 - møte 16.11.06.

Direktoratet for sammfunnssikkerheit og beredskap, DSB, (tidlegare DBE) la fram forslag til ny forskrift om feiing og kontroll av fyringsanlegg for departementet (KAD).

Dei nye feieforskriftene vart gjeldande med verknad frå 01.07.98.

Forskrifta avløyser kap. 5 om feiing i Forskrift om brannvern av 15. des. 1987, og er på denne måten ei vidareføring av revisjonen av forskriftene til Lov om brannvern m.v.

Målet i den nye forskrifta er å forbetre branntryggleiken i samband med fyringsanlegg, og å tilpasse føresegnene om feiing til det reelle behovet for feiing.

Det førebyggande arbeidet skal styrkjast. Når ein går over til feiing etter behov vil det (venteleg) bli frigjort ressursar som kan nyttast til ein betre kontroll av fyringsanlegg og tilhøyrande installasjonar m.v..

Etter gjeldande feieforskrifter (§ 2-2) skal feievesenet utføre:

a) Feiing av røykkanalar i fyringsanlegg for oppvarming av rom og bygningar

b) Kontroll med at fyringsanlegg for oppvarming av rom og bygningar er intakt, fungerar som forutsett og ikkje forårsakar brann eller anna skade

c) Kontroll av fyringsanlegg etter brann eller eksplosjon i eller i tilknytning til anlegget

d) Motivasjons- og informasjonstiltak om brannfaren ved fyring, og rett fyring og om opptreden ved brann i fyringsanlegget.

I § 2-6 i forskriftsutkastet finn ein om faglege kvalifikasjonar følgjande:

Feiing og kontroll etter denne forskrift skal utførast av personell som minst

innehar svennebrev i feiefaget eller tilsvarande.

Hyppigheita av feiing og kontroll er omskrive i § 4-1:

Brannsjefen avgjer kor ofte feiing skal gjennomførast, på grunnlag av erfaring frå tidlegare gjennomført feiing, fyringa sin art og omfang. Feiing skal likevel utførast minst kvart 4. år. Kontroll av fyringsanlegg for oppvarming av rom og bygningar i henhald til § 2-2 bokstav b skal foretakast minst kvart fjerde år.

Brannsjefen kan avgjere at kontroll skal foretakast hyppigare.

Som det går fram av saka vil feievesenet sine oppgåver verte endra i høve til i dag.

I tillegg til sjølve feiinga skal det no foretakast utvida kontroll, noko då som krev andre kvalifikasjonar til feiepersonell. For små kommunar vil det konkrete krav om svennebrev i feiefaget, føre til høvesvis store kostnader til utdanning for nokre månader med arbeid; noko som kanskje gjer sitt til at ein ser over kommunegrenser også i denne samanhengen.

Såleis har det på dei 8 –9 siste årsmøta i Det interkommunale brannvernet (DIB) teke opp att saka

om å utrede interkommunal feieteneste. Det var i utgangspunktet sett som ynskjeleg at ein

innan 01.07.98 hadde eit utkast (frå Ålesund brannvesen) til slikt interkommunal samarbeid, men dette stoppa opp. I 2003 var det likevel gjennom ÅRU (Ålesundsregionens utviklingsselskap) nedsett ei arbeidsgruppe til å arbeide med sak om nærare samarbeid i brann- og feieteneste. I denne arbeidsgruppa var kommunane Giske, Vestnes, Ålesund og Norddal representert og gruppa sitt arbeid vart sluttført i 2003; sluttrapport dagsett 30.10.03 vart lagt fram for politisk handsaming i kommunane.

Kommunestyret vedtok i møte 09.02.04 at Norddal kommune er positiv til eit kommunalt samarbeid innan brannvern i samsvar med forslaget i sluttrapporten av 30.10.03.

Sakshandsamar har vore vår kommune sin representant i gruppa og er valt til å representere kommunen vidare i saka.

Ålesund brannvesen er imidlertid no omgjort til kommunalt føretak (KF) med verknad frå 01.01.2005 og har seinast i brev dagsett 17.10.05 til samarbeidskommunane (DIB), varsla om reforhandling av den etablerte samarbeidsordninga og då med eventuell verknad frå 2007. Det har vore eitt møte i saka om reforhandling så langt i år (før ferien 2006), men alt tydar no på at verknad tidlegast kan verte frå 2009. Ålesund har ganske nyleg endeleg tilsett brannsjef og det er forventa at saka om reforhandlinga av DIB-avtalen kjem snart på sakskartet.

Når det gjeld kor ofte ein skal føreta feiinga/kontroll, så opnar forskriftene for behovsprøving og med feiing/kontroll minst kvar 4. år.

Før ein kan fastsette frekvens på gjennomføring av feiing/kontroll lyt ein ha eit erfaringsgrunnlag å bygge på. Slikt grunnlag kan vi ikkje seie vi har fullstendig i dag.

Såleis lyt ein komande feiesesong i tillegg til feiing/kontroll føreta registrering av sotmengde m.v. Det kan nok vere aktuelt å føreta registreringa meir enn eitt år, før ein fastset feie-/kontrollfrekvensen for den einskilde eigedomen/pipa, då ein vinter ikkje er lik ein annan når det gjeld bruk av eldstadane.

I vår kommune skal ein vel ikkje sjå vekk i frå at det nokre stader kan vere aktuelt med feiing oftare enn 1 gong for året.

Ålesund kommune har til dømes praktisert behovsprøvd feiing i fleire år no;

feieavgifta for eit pipeløp inntil 3 etasjar er der kr 225,-.

I høve til nabokommunane Stranda og Stordal ligg Norddal litt høgare enn Stordal, men vesentleg lavare enn Stranda. Å feie 1 pipe i Stordal kostar kr 191,-(Norddal kr 220,-), medan i Stranda kostar dette kr 274,-.

Ein må her skyte inn at avgiftsregulativet (2007) ikkje er utforma på same måten, slik at t.d. eit hus med 2 pipeløp får kr 344,- i feieavgift i Stordal og kr 548,- i Stranda (Norddal kr 335,-).

Når det gjeld dei faktiske utgiftene med feieordninga i kommunen, er det for inneverande år bra balanse mellom utgifter og inntekter, sjølv om vi også dette året måtte leige inn eit firma (frå Skodje) for å få feiinga gjennomført.

Utifrå forventa lønns- og prisstigning det komande året (om lag 3,5 %), og at feietenesta kanskje også då må leigast inn synest det naturleg av feieavgiftene vert høgda.

For 2008 vil ein då få følgjande budsjett for feieordninga:

Løn feiar, (inkl. arb.gjevaravg/pensjon m.v.)................... kr 120.000,-

Driftsutgifter bil ................................................................ " 18.000,-

Utstyr og reiskap .............................................................. " 5.000,-

Skyss-/kursutgifter ........................................................... " 9.000,-

Kontoradministrasjon .................................................. " 18.000,-

__________

kr 170.000,-

==========

Medrekna dei kommunale husa har vi her i kommunen omlag 860 piper.

Ein del av bygningane har meir enn ei pipe, og det har vore vanleg at avgifta for pipe nr. 2 har 50 % feieavgift i høve til pipe nr. 1 osv.

Dersom ein går utifrå at 30 % av bygningane har 2 piper og dei resterande har ei pipe vil ein få følgjande teoretisk avgift pr. pipe:

kr 170.000,-

__________________ = kr 232,60

860 –( 0,3 x 860 x 0,5)

Saksvurdering og konklusjon:

Utifrå føreliggande saksopplysningar legg ein fram saka med tilråding om at avgiftssatsane for feiing vert høgda slik at feiing av 1 pipeløp aukar frå kr 220,- til kr 230,- og at avgifta for pipe nr. 2 vert høgda frå kr 110,- til kr 115,-.

Grunnen til auken på gjennomsnittleg 4,5 % i avgiftsatsane skuldast forventa lønns- og prisstigning i komande år samt justering til heile 10-kronar og 5-kronar.

Avgiftssatsane gjeld utan meirverdiavift; meirvediavgifta er for tida 25 %.

Stig Holmstrøm
rådmann

Saksnr. utval	Utval	Møtedato
077/07	Driftsutvalet	31.10.07
078/07	Kommunestyret	08.11.07

NORDDAL KOMMUNE

Arkiv: 231 M80

Saksmappe: 05/00786-5

Møtebok

Rådmannen si innstilling:

Innstilling i Driftsutvalet - 31.10.2007:

Vedtak i Kommunestyret - 08.11.2007:

Saksgrunnlag:

Saksvurdering og konklusjon: