NORDDAL KOMMUNE

Arkiv: 142 Saksmappe: 06/00689-1 Sakshandsamar: Øystein Klempe Dato: 10.10.06

Møtebok

Arealdelen til kommuneplanen 2007 - 2018, rullering og planprogram

Saksnr. utval	Utval	Møtedato
058/06	Kommunestyret	18.10.06

Utsendte saksdokument:

Ikkje utsendte saksdokument:

Rådmannen si innstilling:

1. Med heimel i § 20-1 i plan- og bygningslova vedtek Norddal kommunestyre at arealdelen til kommuneplanen skal takast opp til revisjon med utarbeiding av ny plan.

2. Det faste utvalet for plansaker blir oppnemnt til å utarbeide planprogram og legge dette ut til høyring. Planprogrammet skal vere retningsgjevande for planutvalet sitt vidare arbeid med planen i samsvar med forskrift om konsekvensutredninger. Planutvalet vedtek planprogrammet.

-----------------------------------------------------

Handsaming i Kommunestyret 18.10.2006:

Samrøystes i samsvar med innstillinga.

--------------------------------Dette er slutten på behandlingsteksten (denne teksten skrives ikke ut)------------------------------------------------

Vedtak i Kommunestyret - 18.10.2006:

1. Med heimel i § 20-1 i plan- og bygningslova vedtek Norddal kommunestyre at arealdelen til kommuneplanen skal takast opp til revisjon med utarbeiding av ny plan.

2. Det faste utvalet for plansaker blir oppnemnt til å utarbeide planprogram og legge dette ut til høyring. Planprogrammet skal vere retningsgjevande for planutvalet sitt vidare arbeid med planen i samsvar med forskrift om konsekvensutredninger. Planutvalet vedtek planprogrammet.

----------------------------------------------------------------------------

Saksgrunnlag:

Gjeldande arealdel til kommuneplanen var vedteken i 2002. Planen før det var frå 1996. Etter plan- og bygningslova skal kommunestyret vurdere kommuneplanen minst 1 gong i løpet av valperioden. Det faste utvalet for plansaker har vedteke at arealdelen skal takast opp til rullering, dvs ny handsaming med endra innhald.

I løpet av våren kom det endring av lova si føresegn om konsekvensutgreiing med planprogram. Planprogram skal lagast for kommuneplanar og kommunedelplanar samt for reguleringsplanar som har eit omfang som kjem under faste kriterier. Alle kommunar som var i gong med planarbeidet måtte starte på nytt med planprogram.

Saka til kommunestyret no gjeld startvedtak på planarbeidet og plassering av mandat for planprogrammet. Dette vil vere planutvalet.

Saksopplysningar:

1. Arealdelen til kommuneplanen

I dei 4 åra planen har virka, har den vore eit styringsverktøy for arealbruken. I det meste har planen vore følgt i dei einskilde sakene. Det har likevel vore ei rekke med dispensasjonar, og kommunestyret har og godteke nokre framlegg til reguleringsplanar som ikkje har vore i samsvar med planen. Men tilhøva og føresetnader endrar seg, og det er lettare grunn til å avvike ein plan som er 4 år gamal enn ein plan som nett er vedteken.

I høve til 2002 har ein rekke faktorar endra seg og det er behov for å trekke inn nye element og vurderingar i planen. Ein skal ikkje gå i detalj med evaluering av gjeldande plan, men likevel nemne spesielt tilhøve til område for spreidd bebyggelse som erfaringsmessig synte seg problematisk samt at planen har vore ufullstendig på somme område.

Ein vil nemne nokre nye moment som døme på endringar som vil betinge ein revidert plan.

Dette er:

- ein vil no ha ein samfunnsdel av kommuneplanen som grunnlag for arealplanen

- verneområda Reinheimen og Geiranger/Herdalen med verdsarvområdet ligg føre

- kommunen si satsing på Na-Ku-Hel

- hyttemelding kom etter at planen var vedtatt. Vurdering av hytteutbygging.

2. Planprogram

Føresegnene om planprogram er nedfelt i Forskrift om konsekvensutredninger og er frå 01.04.05. Planprogrammet går ikkje så mykje inn på innhaldet som skal vere i planen, men er ein rapport om korleis planarbeidet skal gjennomførast. Først kvar arbeidet skal plasserast. Forskriften har ikkje klare reglar for det slik at kommunestyret må gjere eit slikt vedtak. Det vil vere planutvalet som former eit innhald. Planprogrammet skal ta for seg framdrift, organisering, korleis arbeidet skal gjerast kjent, medverknad, aktuelle problemstillingar med evnt. alternativ og strategiar, naudsynt metodikk og utgreiingar. Planprogrammet skal leggast ut til høyring i 6 veker. I denne tida skal det vere eit oppstartsmøte med stat/fylke og lokale politikar og ope for alle. I samband med kunngjering av høyring skal og oppstart av planarbeidet gjerast kjent og det blir opna for innspel.

Saksvurdering og konklusjon:

Med bakgrunn i ovannemnde tilrår ein at kommunestyret vedtek at ein skal take opp arealdelen til kommuneplanen til rullering. Vidare tilrår ein at planutvalet får til oppgåve å arbeide ut planprogrammet, legge det ut til ettersyn og å vedta det.

Planutvalet si oppgåve vidare i utarbeiding og handsaming av arealplanen følgjer av reglane i plan- og bygningslova.

Stig Holmstrøm

rådmann