NORDDAL KOMMUNE

Arkiv: L12

Saksmappe: 04/00034-10

Møtebok

Reguleringsplan for hytteområde på Gjerde gnr 11, bnr 2 og 3

Saksnr. utval	Utval	Møtedato
057/06	Det faste utvalet for plansaker	16.10.06
071/06	Kommunestyret	16.11.06

Utsendte saksdokument:

Vedlegg:
1	Merknad frå Statens vegvesen, dagsett 27.07.06
2	Merknad frå Møre og Romsdal fylke, dagsett 17.08.06
3	Plankart og føresegner

Ikkje utsendte saksdokument:

Rådmannen si innstilling:

1. Med bakgrunn i innkomne merknader blir pkt.6.5 under friluftsområde endra med slikt tillegg:

6.5 Det skal kunne drivast skogsdrift i området. Deretter uendra tekst.

2. Med heimel i § 27-2 i plan- og bygningslova vedtek Norddal kommunestyre reguleringsplan for hytteområde på Gjerde gnr 11 bnr 2,3 i samsvar med plankart og føreegner dagsett 25.01.06, sist revidert 09.10.06.

Innstilling i Det faste utvalet for plansaker - 16.10.06:

1. Med bakgrunn i innkomne merknader blir pkt.6.5 under friluftsområde endra med slikt tillegg:

6.6 Det skal kunne drivast skogsdrift i området. Deretter uendra tekst.

Vedtak i Kommunestyret - 16.11.2006:

1. Med bakgrunn i innkomne merknader blir pkt.6.5 under friluftsområde endra med slikt tillegg:

6.7 Det skal kunne drivast skogsdrift i området. Deretter uendra tekst.

Saksgrunnlag:

Framlegg til reguleringsplan for hytteområde på Gjerde gnr 11 bnr 2,3, har lege ute til offentleg ettersyn i tida 12.07. – 26.08.06. Det er kome 2 merknader til saka.

Saksopplysningar:

Merknad 1. Statens vegvesen

Det er ikkje merknader til arealbruken. Tilkomst frå Rv 63 er utafor planområdet. Statens vegvesen vil gje løyve til utvida bruk av avkøyrsle mot Rv 63 med vilkår om tekniske krav etter vegnormalane. Dette må det søkast om etter veglova.

Merknad 2. Møre og Romsdal fylke

Det er ikkje registrert viktige natur- og miljøverninteresser i området.

Det blir bedt om at det blir tatt omsyn til dyrka mark på eigedomen eller at tilkomst ikkje kjem i konflikt med dyrka mark. Skogsdrift må kunne drivast i reguleringsfeltet, men det blir bedt om at det blir klargjort betre i føresegnene der det er vist til pkt.6.5. Det blir sett på som positivt at kommunen vil sjå dette i ein større plansamanheng.

Det er ikkje registrert automatisk freda kulturminne i området.

Det er vist til at lokalisering bør skje i kommuneplansamanheng, men det er godteke at denne planen blir fremma.

Det er elles ingen merknad til plan eller føresegner.

Kommentar

Merknaden sitt punkt om skogbruk. Det er vist til pkt.6.5 i føresegnene under friluftsområde:

6.5 Skogsdriften skal forvaltes på en slik måte at landskapets karakter i hytteområdet ikke endres. I god tid før ev. skogsdrift skal planer forelegges feltets hytteforening til uttale.

Punktet kunne starte med: Det skal kunne drivast skogsdrift i området, og så fortsette med teksten slik den alt står.

Saksvurdering og konklusjon:

Ut over endringa i føresegnene om skogsdrift er det ingen endringar i planframlegget. Denne endringa er berre ei presisering og krev inga ny utlegging. Saka går til kommunestyret.

Stig Holmstrøm
Rådmann