NORDDAL KOMMUNE

Arkiv: 014

Saksmappe: 06/00634-2

Dato: 04.10.2006

Møtebok

Invitasjon til å delta i forsøk med direkte val av ordførar - kommunestyrevalet 2007

Saksnr. utval	Utval	Møtedato
112/06	Formannskapet	16.10.06
059/06	Kommunestyret	18.10.06

Utsendte saksdokument:

Brev frå Kommunal- og regionaldepartementet datert 12.09.06

Forskrift om direkte val av ordførar i Norddal kommune 2003-2007

Forskrift om vedtekt for utvida mynde for ordførar 2003-2007

Ikkje utsendte saksdokument:

Evalueringsrapport ”Når folket får velge” - Kommuneforlaget 2006

Handsaming i Formannskapet 16.10.2006:

Ordføraren kom med slikt forslag til vedtak:

Norddal kommune vedtek å søkje om vidareføring av ordninga for direkte val av ordførar for perioden 2007-2011.

Det er ønskje om å delta på forsøk om utvida mynde til ordførar.

Svein Linge, Al kom med slikt forslag til vedtak:

Norddal kommune vedtek å ikkje delta i vidareføring av ordninga for direkte val av ordførar for perioden 2007-2011.

Røysting:

2 røysta for ordføraren sitt forslag som fall

5 røysta for Svein Linge sitt forslag

Handsaming i Kommunestyret 18.10.2006:

Merete Løvoll Rønneberg, Sp kom med slikt forslag til vedtak:

1. Norddal kommune vedtek å søkje om vidareføring av ordninga med direkte val av ordførar for perioden 2007-2011.

2. Norddal kommune meiner at ordninga skaper større blest om valet, og at ein indirekte óg får meir fokus på politiske saker. Den viktigaste årsaka til at Norddal kommune ønskjer å halde fram med ordninga med direkte ordførarval, er likevel omsynet til veljarane sine mulegheiter til innverknad. Norddal kommune meiner ordninga er langt meir demokratisk enn tradisjonelt ordførarval.

3. Det er ønskje om å delta på forsøk med utvida mynde til orførar.

Røysting:

14 røysta for innstillinga

7 røysta for Merete Løvoll Rønneberg, Sp sitt forslag som fall

Saksgrunnlag:

Det ligg føre brev frå Kommunal- og regionaldepartementet datert 12.09.06, der kommunane vert inviterte til å søkje om å delta i vidareføringa av forsøket med direkte val av ordførar ved kommunstyrevalet 2007. Departementet foreslo i høyringsnotat av 9. september 2005 at ordninga skulle lovfestast etter preferansemodell som vart foreslått i høyringsnotatet. Etter høyringsrunden kom ein til at det var ønskjeleg med ytterlegare utprøving av den valtekniske gjennomføringa, og då etter den preferansevalmetoden som var foreslått i høyringsnotatet, jfr. pkt. III i invitasjonen.

Saksopplysningar:

Norddal deltok både i 1999 og i 2003 i forsøksordninga. I 2003 var Norddal ein av 36 kommunar som var med og departementet ønskjer å auke tale på forsøkskommunar til om lag 50 ved valet i 2007. Dei forsøkskommunane som var med i 2003 er prioritert plass.

Det er kommunestyret som skal vedta om kommunen skal søkje om å vere med i forsøket. Det er viktig at søknaden vert grunngjeven. Dersom ein vel å delta og vert uttatt til å vere med i forsøket, må kommunestyret fastsette vedtekter/ lokale forskrifter for forsøket. Desse må formelt godkjennast av departementet.

Forsøket med endra myndigheit til ordførar vert også vidareført i neste valperiode. Dei kommunane som blir valde ut til å vere med i forsøket med direkteval av ordførar, får invitasjon i løpet av hausten om å delta også på dette forsøket. Departementet vil gjerne at det allereie i søknaden om direkteval vert gitt signaler og skisser for eventuell deltaking i forsøket med endra myndigheit.

Søknadsfrist er sett til 1. november 2006.

Saksvurdering og konklusjon:

Saka vert lagt fram for formannskapet som vert bedt om å fremme ei av følgjande tilrådingar overfor kommunestyret:

Alt. 1:

Norddal kommune vedtek å søkje om vidareføring av ordninga for direkte val av ordførar for perioden 2007-2011.

Grunngjeving for søknaden er:

· Norddal kommune deltok også i forsøket ved kommunestyrevala 1999 og 2003

· Få større engasjement/interesse for lokaldemokratiet

· Ønskje om større valdeltaking

· Innbyggarane i kommunen får større innverknad på kven som blir vald til ordførar

Det er ønskje/ikkje ønskje om å delta på forsøk om utvida mynde til ordførar.

Alt. 2: