NORDDAL KOMMUNE

Arkiv: C50

Saksmappe: 05/00310-20

Dato: 04.10.2006

Møtebok

Finansiering - kravspesifikasjon forprosjekt Skredsenter

Saksnr. utval	Utval	Møtedato
107/06	Formannskapet	16.10.06

Utsendte saksdokument:

Rapport Astor Furseth mai 2005

Ikkje utsendte saksdokument:

F.sak 100/06

Rapport MRB 1999 Geogagleg senter i Tafjord

Handsaming i Formannskapet 16.10.2006:

Signe Brenna, Nl kom med slikt forslag til vedtak:

Arbeidet med Skredsenteret i Tafjord og midlar til eit forprosjekt til dette vert utsett til etter at prosjektet ”Galerie Tafjord” er avklart.

Røysting:

1 røysta for Signe Brenna sitt forslag som fall

6 røysta for innstillinga

Saksgrunnlag:

Formannskapet handsama sak om dette i møte 25.09.06. Saka vart utsett då ein ønskte meir informasjon om arbeidet som er gjort, og dei rapportar som ligg føre. Ein ville og ha klartgjort kvar mynde rådmann og ordførar har til å løyve midlar frå næringsfondet.

Saksopplysningar:

Interimstyret har hatt 3 møte i perioden mai – august. Det vart gitt ei orientering om arbeidet i formannskapsmøte 29.05. Interimstyret har arbeidd for å få fram ein kravspesifikasjon til kva eit forprosjekt bør innehalde, og korleis skaffe finansiering til dette. I tillegg har Astor Furseth møtt fylkesutvalet, og orientert om prosjektet. Fjordhagen har arbeidd fram ein søknad som seier noko om ønskt innhald, kostnad, og forslag til finansiering. Dette arbeidet har ein kostnad på 18.000 kr + mva.

Ordførar og rådmann har ingen fullmakter til å løyve midlar til ulike prosjekt. Det har over tid etablert seg ein praksis der ordførar/rådmann har gått inn og løyvd inntil 15.000 kr til marknadsføringstiltak. Det har ikkje vore naturleg å nytte slik fullmakt i dette høvet.

Det ligg føre ein rapport signert Astor Furseth frå mai 2005, og ei utgreiing om geofagleg senter frå MRB frå 1999, som har vore noko av grunnlaget for utarbeiding av søknaden, og som også vil bli brukt i vidare arbeid.

Saksvurdering og konklusjon:

Det vart halde eit stort møte 16. mai der ein ønskte å avklare situasjonen, og beslutte vidare prosess for planane om skredsenter. Her deltok både eksterne fagfolk, politikarar og personar frå lokalpolitikk og administrasjon. Referat frå møtet er lagt fram for formannskapet.

I møtet vart det konkludert med at det skulle etablerast eit interimstyre. Første steg var å førebu ein presentasjon til fylkesutvalet, og dette vart gjennomført på ein god måte. Neste steg var å arbeide fram ein kravspesifikasjon for bestilling av forprosjekt, og søkje finansiering av dette.

Ønskt innhald er no i grove trekk definert, og ein søknad med forslag til finansiering ligg klar.

Stig Holmstrøm
rådmann