Møtebok
Disp. frå krav om
regulering, hytteområde - Ove-Vegard Selboskar
|
Saksnr.
utval
|
Utval
|
Møtedato
|
|
008/06
|
Det faste utvalet for plansaker
|
06.02.06
|
Utsendte saksdokument:
Søknad i brev dagsett 29.01.06
Kartutsnitt (målestokken større enn 1:1000)
Ikkje utsendte
saksdokument:
Søknad (skjema m/kartvedlegg) dat. 25.11.05
Gjeldande kommuneplan, arealdel, delplan Fjørå
Gjeldande bestemmelsar for arealdelen
Rådmannen si innstilling:
I medhald av § 7 i Plan- og
bygningslova vert det gjeve dispensasjon frå plankravet i gjeldande
kommuneplan, arealdelen, for å kunne dele frå ei hyttetomt på om lag 500 m2
frå gnr. 31, bnr. 5 i Fjørå,
søknad sist datert 29.01.06 og kartutsnitt datert 26.01.06.
-----------------------------------------------------
Handsaming i Det faste utvalet for plansaker 06.02.06:
Det var synfaring på staden.
Magne Almstad kom med slikt forslag til vedtak:
Det faste utvalet for plansaker finn ikkje grunnlag for
dispensasjon frå kravet til reguleringsplan for det omsøkte området. Ein
reguleringsplan bør omfatte heile feltet som er avsett i arealdelen i
kommuneplanen.
Røysting:
3 røysta for Almstad sitt forslag som fall
4 røysta for innstillinga
--------------------------------Dette er slutten på
behandlingsteksten (denne teksten skrives ikke
ut)------------------------------------------------
I medhald av § 7 i Plan- og
bygningslova vert det gjeve dispensasjon frå plankravet i gjeldande
kommuneplan, arealdelen, for å kunne dele frå ei hyttetomt på om lag 500 m2
frå gnr. 31, bnr. 5 i Fjørå,
søknad sist datert 29.01.06 og kartutsnitt datert 26.01.06.
----------------------------------------------------------------------------
Saksgrunnlag:
Søknaden gjeld ein hyttetomt som vert søkt delt frå gnr. 31/5 i Fjørå, området vert kalla
Høgste-hauane.
På gjeldande kommuneplan, arealdelen,(delplan Fjørå) er det
på Høgste-hauane avsett eit samanhengande mindre område for om lag totalt 3
hytter.
Kommuneplanen har krav om det skal ligge føre
reguleringsplan for byggeområde før deling kan gjennomførast.
Hyttetomten søknaden gjeld, merka med 1 på kartvedlegget,
ligg mot ytterkanten (vest) av hytteområdet i arealplanen.
Det er ikkje oppgjeve eit areal for tomten, men ein antar at
om lag 500 m2 er tilstrekkeleg.
Saksopplysningar:
Frå hovudregelen om at eit byggeområde skal vere regulert,
før deling og bygging, kan det gjerast unntak ved dispensasjon frå kravet om
reguleringsplan; dispensasjonen kan gjevast etter § 7 i PBL.
Kravet til å kunne gje dispensasjon er at det føreligg særlege grunnar.
Tidlegare har det vore praksis å kunne gje dispensasjon for
ei tomt i eit større område, når tomten ligg i utkanten og slik at den med
visse ikkje kan skape vanskar for seinare gjennomføring av reguleringsplan
(vegframføring, bygningsplassering, evt. avløp m.v.)
Saksvurdering og konklusjon:
Søknaden som ligg føre for å dele frå ei hyttetomt på om lag
500 m2 frå gnr. 31/5, kan ikkje handsamast som delingssak etter PBL
før det ligg føre reguleringsplan eller dispensasjon frå kravet om regulering.
I denne saka gjeld det ein forholdsvis liten tomt og i
kanten av det avsette hytteområdet. Denne tomten kan, slik vi ser det, ikkje skape
vanskar for seinare utarbeiding av reguleringsplan for området.
Praksis i liknande saker har vore at ein ser på dette som
ein særleg grunn, og at forholda for å kunne gje dispensasjon etter § 7 i PBL
såleis ligg føre i denne saka.
Når forholda til regulering er avklara kan søknaden
handsamast på vanleg måte etter § 93 i PBL.
