NORDDAL KOMMUNE

Arkiv: K12 Saksmappe: 06/00041-36 Sakshandsamar: Toralv Klokkehaug Dato: 01.10.2007

Møtebok

Samarbeidsavtale - Kontaktutvalet for Reinheimen

Saksnr. utval	Utval	Møtedato
117/07	Formannskapet	15.10.07
069/07	Kommunestyret	17.10.07

Utsendte saksdokument:

Samarbeidsavtale – Kontaktutvalet for Reinheimen (KUR)

Ikkje utsendte saksdokument:

Rådmannen si innstilling:

Norddal kommune vedtek å delta i vidareføring av Kontaktutvalet for Reinheimen (KUR).

Samarbeidsavtalen for Kontaktutvalet for Reinheimen blir vedteken slik den er framlagt.

Handsaming i Formannskapet 15.10.2007:

Samrøystes i samsvar med innstillinga.

Innstilling i Formannskapet - 15.10.2007:

Norddal kommune vedtek å delta i vidareføring av Kontaktutvalet for Reinheimen (KUR).

Samarbeidsavtalen for Kontaktutvalet for Reinheimen blir vedteken slik den er framlagt.

Handsaming i Kommunestyret 17.10.2007:

Samrøystes i samsvar med innstillinga.

Vedtak i Kommunestyret - 17.10.2007:

Norddal kommune vedtek å delta i vidareføring av Kontaktutvalet for Reinheimen (KUR).

Samarbeidsavtalen for Kontaktutvalet for Reinheimen blir vedteken slik den er framlagt.

Saksgrunnlag:

Vidareføring av KUR som vart danna i 1990 er no nedfelt i eit forslag til samarbeidsavtale mellom kommunane Lesja, Rauma, Skjåk, Lom, Vågå og Norddal.

Saksopplysningar:

Ei av dei viktigaste sakene som KUR har arbeidet med gjennom åra er å få forvaltningsmynde for verneområdet delegert ned på kommunalt nivå.

Direktoratet for naturforvaltning (DN) kom i brev, dagsett 13.02.07 med tilbod til kommunane

om delegasjon av forvaltningsmynde. Gjennom KUR har kommunane arbeidet aktivt med å

få lagt forholda best mogleg til rette for ein slik delegasjon. Norddal kommune har frå Direktoratet for Naturforvaltning fått delegert forvaltning av Reinheimen nasjonalpark frå 01.10.07 saman med dei 6 andre kommunane. KUR arbeider no med ein forvaltningsplan som vil bli framlagt for kommunane. Høyringsrunden blir ein viktig del av arbeidet.

KUR har gjennom prosessen vore eit samrådingsorgan for kommunane. I samband med at kommunane får delegert forvaltningsmynde har KUR arbeidet med spørsmålet rundt vidareføring av samarbeidet over kommunegrensene. Kommunane meiner det trengst ei overbygging over den kommunale forvaltninga. Det meiner og DN som i sitt delegasjonsbrev bl.a. seier: ”- Direktoratet vil vidare presisere at delegeringa krev at det vert etablert samarbeidsmodellar og rutiner som sikrar ei heilskapleg forvaltning og lik handsaming i heile området.”

Saksvurdering og konklusjon:

Vidareføringa er av KUR nå nedfelt i eit forslag til samarbeidsavtale mellom kommunane. I KUR sitt møte på Åndalsnes den 13.06.07 vart forslaget til avtale framlagt frå arbeidsutvalet og nøye gjennomgått og korrigert. Ein har i prosessen kome fram til at det ein treng er ein samarbeidsavtale. Forvaltningsmynde ligg til den enkelte kommune så det er ikkje her spørsmål om overføring av forvaltningsmynde.

Godkjenning av samarbeidsavtalen må skje i den enkelte kommune av kommunestyret.

Stig Holmstrøm

rådmann