NORDDAL KOMMUNE

Arkiv: L12

Saksmappe: 05/00722-11

Dato: 30.01.2006

Møtebok

Privat forslag til reguleringsplan for Bendiken, gnr. 10, bnr. 12

Saksnr. utval	Utval	Møtedato
006/06	Det faste utvalet for plansaker	06.02.06

Utsendte saksdokument:

Planomtale, brev dagsett 23.01.06

Forslag til reguleringsplan for Bendiken, dagsett 20.01.06

Reguleringsføresegner datert 20.01.06

Fråsegn frå Møre og Romsdal fylke av 21.12.05

Statens vegvesen, uttale dagsett 10.11.05

Norddal Elverk AS, uttale datert 10.11.05

Ola Omenås, merknad dagsett 24.11.05

Ikkje utsendte saksdokument:

Sak 066/05, møte 17.10.05, førehandsvurdering av areal

Brev frå ordføraren til fylket av 05.12.05

Møre og Romsdal fylke, fråsegn datert 21.11.05

Saksgrunnlag:

Det ligg føre privat reguleringsforslag for hytteområde med 5 utleigehytter på Bendiken, gnr. 10, bnr. 12 på Omenås. Reguleringsplanforslaget m/føresegner dagsett 20.01.06 og er utarbeidd av Nordvestplan.

Oppstart med reguleringsarbeidet for Bendiken har vore kunngjort i Sunnmørsposten og Storfjordnytt samt med brev m/kartvedlegg på vanleg måte (PBL §§ 30 og 27-1).

Det er innkome 4 merknader.

Saksopplysningar:

Merknad 1. Møre og Romsdal fylke.

I den nye fråsegna frå fylket dat. 21.12.05 går det fram at landbruksavdelinga er skeptisk til at området syd for riksvegen blir opna for slik aktivitet (utleigehytter), og rår frå å gå vidare med planarbeidet, men har likevel kome til at dei ikkje vil fremje motsegn om det skulle bli arbeidd vidare med planen.

Vidare viser fylket til og minner om at Valldøla (nedre del) er eit varig verna vassdrag. Ein sone på kvar side av elvelaupet er registrert å vere av regional verdi for friluftslivet. Parsellen gnr. 10/12 er etter fylket sitt syn ein del av hovuddraget i landskapet og må oppfattast som ein del av vassdragsnaturen knytt til Valldøla.

Kulturavdelinga ynskjer, på grunnlag av eit planforslag, å gjennomføre ei arkeologisk synfaring med ei eventuell påfølgjande registrering – jf. kulturminnelova § 9.

Merknad 2. Statens vegvesen (dat. 10.11.05)

Vegvesenet har for sin del ikkje innvendingar i saka. Dei ber om at avkøyrsla mot riksvegen vert utforma som eit kryss med dei krav som går fram av vegnormalane.

Merknad 3. Norddal Elverk AS (dagsett 10.11.05).

Elverket gjer merksam på den kryssande høgspentlinja og sona med byggeforbod minimum 4 m

(6 m for leikeplass) til kvar side frå ytterfasane på linja.

Merknad 4. Ola Omenås.

Omenås skriv at dei for sin del har planar om 2 hytter på sin eigedom gnr. 10/8 i ”skogholtet” aust for Bendiken og sør for haugen. Det vert bede om at planane for Bendiken vert forma slik at dei skisserte hytteplanane for gnr. 10/8 vert tilpassa kvarandre.

Saksvurdering og konklusjon:

Møre og Romsdal fylke si fråsegn i saka er rimeleg klar i si form. Kommunen vert rådd til ikkje å fremme plansaka.

Men det er klargjort at om kommunen likevel vel å gå vidare i planarbeidet, vil ikkje fylket fremje motsegn i saka. Kommunen står såleis att ”åleine” med ansvaret for at dette vert ei sak der dei nye tiltaka har i seg meir positivt enn negativt totalt sett som reguleringsmynde.

Ein må merke at ynskje frå fylket v/kulturavdelinga om å gjennomføre ei arkeologisk synfaring, kan ha i seg som konsekvens noko tidsbruk.

Statens vegvesen sitt krav om at avkøyrsla mot riksvegen vert utforma som eit kryss etter vegnormalane, inneber at planutkastet må justerast til ei frisiktsone på 72 m (ein auke på 12 m ) mot riksvegen. Ein kan ikkje sjå at det er siktsproblem i området.

Merknaden frå Norddal Elverk AS om avstandskrava i høve den kryssande høgspentlinja er i vareteken i planframlegget med eit eige fareområde for høgspentledning.

Ola Omenås sin merknad gjeld framtidige hytteplanar for 2 hytter i området av gnr. 10/8 aust og syd for Bendiken. Rekka på 5 utleigehytter som er planlagt på Bendiken er plassert om lag 9 m frå nabogrensa, og ein kan ikkje med det som ligg føre i saka sjå at her i prinsippet skulle kunne oppstå vanskar.

Etter ei samla vurdering vil ei rå til at føreliggande planutkast m/føresegner for Bendiken datert 20.01.06, justert for frisiktsona mot riksvegen i samsvar med vegnormalane, kan fremmast som offentleg plansak.

Planen vert på vanleg måte i samsvar med § 27-1 i PBL å legge ut for offentleg ettersyn i perioden 08.02.-08.03.06.

Det hadde vore ynskjeleg at plan og føresegner vart på nynorsk.

Stig Holmstrøm
rådmann