Møtebok
"Bakarhuset" -
disp. frå reg. plan - Frode
Rørhus A/S
|
Saksnr.
utval
|
Utval
|
Møtedato
|
|
046/07
|
Det faste utvalet for plansaker
|
15.10.07
|
Utsendte saksdokument:
Søknad i brev dagsett 08.08.07 frå siv.ark. Drageseth.
Utsnitt av gjeldande reguleringsplan for Ytterdal
Reguleringsføresegner
Situasjonsplan, M=1:500
3-D illustrasjon dagsett 03.08.07
Ikkje utsendte
saksdokument:
Gjenpart av nabovarsel av 04.08.07
Søknad om rammeløyve (skjema)
Planteikninga for 1.-4. etasje
I medhald av § 7 i Plan- og bygningslova vert det gjeve
dispensasjon frå reguleringsplanen Ytterdal for innreiing av ”Bakarhuset”, gnr.
73/45, i samsvar med søknad frå
siv.ark. Øyvind Drageseth dagsett 08.08.07 på følgjande vilkår:
På eigen grunn skal vere tilgjengeleg eit parkeringsareal
som tilsvarar normen i høve antal husvære på eigedomen (10 p-plassar).
Saksgrunnlag:
Det ligg føre søknad (rammeløyve) frå den nye eigaren av
”Bakarhuset” gnr. 73/45 i Eidsdal for utbetring av bygninga; jfr. saksvedlegg.
Planlagt ominnreiing av 1. høgda (tidlegare bakeri og
telefonstasjon) til to husvære inneber at det må ligge føre dispensasjon frå
gjeldande reguleringsplan; jfr. gjeldande plan m/føresegner.
Planane for utbetinga av bygninga er utarbeidd av
sivilarkitekt MNAL Øyvind Drageseth, Ålesund.
Saksopplysningar:
I gjeldande reguleringsplan for Ytterdal vedteken i 1992
ligg ”Bakarhuset” på forretningsområde F2 og reguleringsføresegnene har slik
ordlyd i første del av § 4:
a. Bygga skal vere i inntil 3 etasjar.
b. I 2. og 3. etasje av bygga
kan det innreiast husvære.
I søknaden frå eigar Frode Rørhus AS går det fram at det no
er planlagt i tillegg til dei to husværa i 1. etasje, to husvære i 2. etasje,
to husvære i 3. etasje og to mindre husvære i 4. etasje (loftet).
Vidare er det planlagt veranda/balkong for husværa både på
syd- og nordveggen og eksisterande ark mot nord vert utvida og nye arker mot
syd..
På nabovarsel føreligg ikkje merknader.
Saksvurdering og konklusjon:
Ved dispensasjon frå reguleringsplan har ein ikkje endra
reguleringsføremål, slik at til dømes dersom aktuell bygning skulle gå tapt, må
det eventuelt gjevast ny dispensasjon frå planen dersom ein skal føre opp att
bygning til anna enn reguleringsføremålet.
På situasjonsplanen er synt 6 parkeringsplassar for bil. Det
er ein føresetnad at eigedomen sitt parkeringsbehov vert dekt på eigen grunn
etter gjeldande norm. Normalt tal parkeringsplassar vil vere 1 parkeringsplass
+ 20 % pr. husvære, dvs. 8 x 1,2 = 9,6
dvs. 10 parkeringsplassar for personbil.
Utifrå at det mellom anna ikkje har vore aktuelt med
forretnings-/næringsdrift i ”Bakarhuset” på mange år, finn ein etter ei samla
vurdering i saka at ein kan tilrå dispensasjon frå reguleringsplanen i dette
høve.
Loftet får etter ombygging så stort nyttbart bustadareal at
det må definerast som eigen etasje, men huset vert ikkje høgare, berre endring
på ark mv. og ein kan ikkje sjå at dette skaper vanskar i praksis.
Dei brann- og bygningstekniske tilhøva m.v. i saka vert å
handsama på vanleg måte som byggesak etter PBL.
Når det gjeld samfunnstryggleiken ligg Eidsdal sentrum lite
utsett for flodbølgjer etter moglege fjellskred frå Hegguraksla og Åkneset så
langt ein har konkret kunnskap i dag. I følgje Åknes/Tafjord-prosjektet, vil
flodbølgjer frå Hegguraksla dimensjonere faresona for flodbølgjer med sannsyn
større enn 1/1000 pr. år i Norddalsfjorden. Det er lagt til grunn at skred frå
Hegguraksla gir faresone tilsvarande utbreiing av flodbølgjene ved
Tafjordulykka i 1934. I Eidsdal gjorde bølgjene i 1934 ingen nemnande skade;
den gamle naustrekka vest for fergjekaia må vere eit eksempel her.
Dersom Åknes/Tafjord-prosjektet tilfører ny kunnskap (t.d.
ved modellforsøk av ras til fjord-systemet), så må det naturleg nok leggast inn
i aktuelle byggesaker i kommunen.
