Saksgrunnlag:
Søknaden dat. 22.06.04 frå eigar av gnr. 64, bnr. 6,
”Bjørkli” på Indreeide, gjeld å få dele
frå eit område for hytter med i alt 4
tomter ; på den nedste (vestre) delen av dette området vart det i 1960 åra bygt
ei hytte (Eli og Karl Skuseth).
Sidan søknaden kom inn til kommunen har Olagarden hatt
eigarskifte (2005) og dermed også gnr. 64/6, men det påtenkte hytteområdet på
om lag 3 daa. er det avtalt mellom gamal og ny eigar at det skal arbeidast for
at det kan bli i alt 4 tomter for slekta til tidlegare eigar av Olagarden.
I gjeldande kommuneplan, arealdelen gjeldande for perioden
2002-2013, som vart vedteken av kommunestyret i 2002, er det aktuelle område
for hytter under gnr. 64/6 avsett til LNF-område.
Den gamle kommuneplanen, arealdelen vedteken i 1995 for åra
1996-2007, var området avsett til hytter.
I samråd med søkjar er det klarlagt at søknaden no vert å
sjå på i to delar:
Del 1:
-det vert søkt om førehandsvurdering og dispensasjon (eks.
hytte) frå arealplanen for området
-det vert søkt dispensasjon frå kravet om reguleringsplan
for å dele frå eksisterande hytte med tomt
Del 2:
-det skal lagast reguleringsplan for hytteområdet og den
skal vere godkjent før frådeling av dei resterande 3 tomtene kan gjennomførast
Saksopplysningar:
Det spesielle i denne saka, og noko av grunnen til at den
har drege ut i tid, er at den sist godkjente kommuneplanen ikkje har med område
for hytter på austsida av riksvegen på strekninga frå vegkrysset til Indreeide
og framover (syd), medan den gamle arealplanen har med dette.
Så langt som ein har funne ut av arbeidet omkring og
sakgangen til den siste arealplanen, er der ikkje noko som tydar på at dette
området bevist skulle haldast utanfor.
Ein må ha lov å konkludere med at det er av redaksjonell art
(”glipp”) at dette hytteområdet ikkje er med på gjeldande arealplan.
At garden har hatt skifte av eigar har også gjort sitt til
tida har gått noko i denne saka.
Det er praksis for at det kan gjevast dispensasjon frå
plikta til å laga reguleringsplan for eit området når det gjeld å dele frå 1-2
tomtar, ein føresetnad for dette er at frådelinga ikkje vil skape vanskar for
gjennomføring av reguleringa.
Denne saka gjeld i første omgang å kunne få dele frå tomten
for den eksisterande hytta som var bygt for om lag 45 år sidan.
Fylkesgeologen har vore på synfaring på staden den 26.09.06;
det ligg føre rapport dagsett 09.10.06.
Frå næringssjefen ligg føre i saka følgjande landbruksfagleg
vurdering etter Jordlova:
Det aktuelle området var i den gamle arealdelplanen avsett
til hytteområde. Kvifor dette arealet i gjeldande plan no har blitt LNF- område
er uklart.
Når det gjeld eksisterande hytte, vil det vere heilt
naturleg å gi delingsløyve for denne eine hytta.
Ei frådeling her er eigentleg ei opprydding av noko som
skulle ha vore ordna tidlegare. Bruken av området vil bli uendra etter
frådelinga.
Dei 3 andre hytteparsellane som vert omfatta av denne
søknaden, ligg også innanfor eit område som i tidlegare planar var utlagt til
hytteområde. Utarbeiding av ein reguleringsplan for dette området vil vere
heilt naturleg og nødvendig for å få best mogleg utnytting og framtidig
utvikling av dette området. Næringssjefen vil tilrå at det kan settast i gang
med regulering av det aktuelle området.
Saksvurdering og konklusjon:
Ein ser det som ”særleg grunn” at utpeika hytteområde i den
gamle arealplanen ikkje vart overført til den nye gjeldande arealplanen, når
det ikkje føreligg saklege grunnar for det.
Før heile det omsøkte hytteområdet under Olagarden på
Indreeide, gnr. 64/6, kan delast frå må det føreligg godkjent reguleringsplan
for området som inkluderar rassikring i samsvar med fylkesgeologen sin rapport.
Når det gjeld den eksistande hytta som har stått der i så
lang tid ligg den heilt nedst på området og såleis i alle fall på den
”tryggaste” del av området. For slike eksisterande bygg har føreskrifter/
rundskriv til § 68 i PBL opning for godkjenning.
I denne saka rår ein til at Det faste utvalet for plansaker
kan gje dispensasjon frå gjeldande kommuneplan, arealdelen, for den
eksisterande hytta med tomt (800 m2) og at det resterande arealet for tre
tomter er førehandsvurdert til at det kan avsettast som hytteområde i samsvar
med den ”gamle” arealplanen.
Vidare rår ein til at det kan gjevast dispensasjon frå
kravet om reguleringsplan (eiga seinare sak) for å kunne dele frå den
eksisterande hytta med høveleg tomt (ca 800 m2).
