NORDDAL KOMMUNE

Arkiv: M00

Saksmappe: 06/00648-1

Dato: 25.09.2006

Møtebok

Veg, vatn og avløp i industriområdet Djupøyna

Saksnr. utval	Utval	Møtedato
064/06	Driftsutvalet	02.10.06

Utsendte saksdokument:

Kartskisse, nedfotografert frå M=1:1000 over forslag til trase for vass-, kloakkleidning og trekkerør for kabel.

Ikkje utsendte saksdokument:

Saksgrunnlag:

Som fyrste ledd i ”Muriparkprosjektet” skal ein i industriområdet Djupøyna få ført fram vass-, kloakkleiding og trekkerør for kabel med tilhøyrande koplingskummar samt bygge tilkomstveg for industritomtane i området.

Saksopplysningar:

Administrasjonen har i saka lagt fram prosjektert forslag til framføring av vass-, kloakkleidning og trekkerør for kabel. Regulert tilkomstveg for området er også prosjektert ferdig.

Vassforsyninga er i dag ført fram i sandtaket og endar nordaust for krysset til Valldal skule om lag 70 meter inn frå riksvegen i VK01 (Vasskum 01).

Det er etter ei teknisk vurdering uaktuelt å gå med vass- eller kloakkleidning langs med riksvegen og rundt Storhaugen. Staten vegvesen har erosjonssikra skråninga til Storhaugen og ein ser det som uheldig å rokke ved denne stabiliseringa. For både vass- og kloakkleidningen har ein vurdert det som den beste løysinga å gå i felles grøft i frå VK01 og vidare 170 meter nordaust og inn i sandtaket der traseen dreier aust og følgjer i regulert tilkomstveg for industriområdet. Nivået grøfta er prosjekter på er i nivå der sanddrifta er avslutta for godt.

Ut i frå ei samla vurdering har ein kome til at den mest rasjonelle løysinga for kloakkleidningen er å legge den frå VK01 og gravitere ho nedover mot avkøyringa til Valldal skule SP09 (Spillvasskum 09) og legge leidningen gjennom krysset i kommunal veg og vidare halde fram om lag 30 meter syd til SP10. Frå SP10 skal leidningen gå under riksvegen og inn på området til Elvebakken camping. Kloakkleidningen skal då leggast i vegen som går syd gjennom Elvebakken camping i om lag 130 meter. Den 160 mm PVC leidningen ender her inn i ein pumpestasjon som skal pumpe kloakken om lag 8 meter opp og ende i SP15 som ligg på platået mellom bygga Elvetun og Sylte omsorgsbustadar.

Tar man utgangspunkt i SP10 har ein vurdert å ikkje pumpe kloakken parallelt med riksvegen forbi bedehuset og vidare fram til våningshuset på Larsgarden. Situasjonen i dag er framleis slik at dei fire nyare husa på Larsgarden og tre eldre hus samt bedehuset ikkje er tilknytt kommunal kloakkleidning. I staden har desse sju bygga her godkjende separate avløp. Skal ein få fanga opp desse bygga med ei felles kloakkleidning må ein legge ned ei pumpeleidning og ei gravitasjonsleidning i same grøfta. Så nære riksvegen vil det være uunngåeleg å ikkje kome i konflikt med riksvegen. Ein ser det også som lite heldig å legge føringar vedk. ein plan for gangveg forbi her. Det må nemnast at kloakkering for bygga her er mogleg, men er lite teknisk og økonomisk tenleg i dette prosjektet.

Etterslep vedk. overvatn etter bygginga av ny veg til Valldal skule vert no å fullføre ved å føre overvatnet under riksvegen.

Trekkerør for kabel/breiband med trekkekummar skal leggast i heile grøfta si lenge.

Regulert tilkomstveg har ei total lenge på 210 meter der den asfaltert vegbreidda er regulert til fire meter med skuler på 0,25 meter.


KOSTNADSOVERSLAG

Rør og rørdelar vatn		190 000
Gravekostnad vatn		170 000
Rør og rørdelar avløp		238 000
Gravekostnad avløp		450 000
Pumpestasjon - avløp		60 000
Tilstelling camping - avløp		160 000
Boring gjennom RV - avløp		80000
Kabelrør med kabelkummer		55 800
Veg ferdig asfaltert		380 000
Administrasjon 3%		50000
Påslag for usikkerheit 15%		270000
Mva		30000
SUM		2 133 800

Alt i 2004 var det i investeringsbudsjettet sett av ei grov ramme på kr. 1 150 000 til vatn, avløp og veg samt kr. 1 035 000 til kjøp av grunn i Djupøyna. På investeringsbudsjettet vart attståande beløp på kr. 1 140 000 etter grunnkjøp overført til investeringsbudsjettet for 2006. Attståande overført investeringsbeløp vedk. flytting av Hovebygget til Djupøyna frå 2003 står på investeringsbudsjettet for 2006 med kr. 4,2 mill. Flytting av Hovebygget vart i vedtak skrinlagt og ein gikk for å sette opp eit nytt bygg for FDV og brannstasjon. Forprosjektet med nybygg er i år kome i gong, men bygginga vil først i 2007 starte opp. For årsbudsjettet 2007- 4-årsplanen er det lagt inn ytterligare 4 mill til bygg for FDV/brannstasjon og 5 mill til utleigebygg i Djupøyna.

Saksvurdering og konklusjon:

Ein har etter ei samla vurdering kome fram til ein forslag for trase for framføring av vass-, kloakkleidning og kabelrør til industriområdet i Djupøyna. Prisane etter at anbod er kome inn vil gje eit meir nøyaktig grunnlag for prosjektkostnaden, men ser ein samla på prosjekta som skal gjennomførast i Djupøyna er ramma tilstede for å gjennomføre Muriprakprosjektet del 1snarleg.

Totaliteten i prosjektet vil ein fyrst få når forprosjektet på både bygg for FDV/brannstasjon med miljøstasjon og utleigebygg ligg føre.

Stig Holmstrøm
rådmann