Saksgrunnlag:
Brukarane av Båthamn Camping Tafjord har teke kontakt med
kommunen om bruk av areal kring campingplassen og båthamna. Til dette er det laga ein rapport som
oppsummerer den første sesongen som er gått, og som syner planar og behov for
dei neste 5 åra. Ein oppfattar dette
som ein førespurnad om tilrettelegging frå kommunen, og førespurnaden vil bli
vurdert i høve til eigedomstilhøve, gjeldande planar og bruk av tilgrensande
areal.
Saksopplysningar:
1. Samandrag av Framtidige planer
for båthamn camping Tafjord, fra 2006 til 2010
Frå 2005: totale
overnattingar 621
Gj.sn.opphald 4,5 netter
Nederlandske
turister 37 familier
Det blir drive aktiv marknadsføring i Belgia, Tyskland og
Nederland
Ein har erfaringar som kan gjere at ting kan bli betre.
Negative ting som var:
-
trafikk og parkerte bilar kring campingplassen hindra
turistane i å kome seg opp på campingplassen
-
campingvognene står annleis enn på teikninga fordi det er
fylling med stein der vogner ikkje kan stå
Positive ting som var:
-
at ein fekk nytte toaletta til bassenget, men det var ikkje
praktisk
Nye planar:
-
samtalar om trafikkavvikling
-
ønsker grasmarka mot elva ved sida av vegen og vegen i området
-
parkeringsplass på den andre sida av fylkesvegen for gjestane
til bassenget, og TK er positive til dette.
Det vil gi betre oversikt på campingområdet, og betre plass for
parkering. Det går ikkje an slik som
no.
-
Vil tilby gjestene eigne plassar for bilparkering slik at
vogner og telt står for seg. Bilane tek
for mykje plass av campingplassen
-
Vil installere nytt og eige sanitair units
-
Ha plassar for bobil mot elva
-
Tømestasjon for bobilar foran der kiosken er i dag
-
Eco-turisme, plass for små telt ved moloen mot elva
-
Plassering av hytter i vasskanten mot småbåthamna og i nordaustre
hjørne med utfylling
-
Ekstra terrasse i hjørne på moloen mot fjorden
Avsluttingsvis blir det vist til at det var aldri skikkeleg
camping på området. Norddal kommune
ønskte å skape området for turistar, og det er ei oppgåve dei vil ta tak i.
Det er laga ein tidsplan for tiltaka slik:
1. Betre inngang til
campingplass 2006
2. Nye toalett og
dusjar 2006
3. Bobil/hytter
terrassar 2006
4. Hytter 2006
– 2008
5. Eco-terreng 2006
6. Stasjon for
bubilar 2008 –
2009
7. Skilting ved
kommunen 2006
2.
Planstatus og utbygging
Gjeldande plan for området er reguleringsplan Del av
Tafjord, vedtatt av kommunestyret 22.11.84.
Den viser eitt friområde F1 for symjebasseng og eitt friområde F2
innanfor dette. Vidare er småbåthamn,
tilgrensande fylkesveg og veg ned til småbåthamna frå fylkesvegen vist som
trafikkområde. Arealet mellom elva og
denne vegen er og sett av som trafikkområde.
Etter reguleringsføresegnene skal det på område F1 oppførast
symjebasseng. Det kan også på F1
oppførast andre bygg og anlegg som kan ha direkte tilknyting til den
aktiviteten som er knytt til symjebassenget.
Området skal opparbeidast parkmessig med tilstrekkeleg
parkeringsareal. Det er og vist felles
tilkomst for F1 og F2 i søraustre hjørne.
Denne planen er det oreigna grunn etter, og denne er det
bygt ut etter. Friområdet og
småbåthamna er fylt ut med masser frå utbygginga av K5. Symjebassenget ligg på denne steinfyllinga. På friområde F2 er det ikkje fylt på inste
delen.
Symjebassenget er bygt ut etter ein samla plan laga av
arkitekten med hovudbasseng, fotbasseng, teknisk rom, kiosk og garderobar. Seinare kom plaskebasseng til. Kring bassengområdet går det eit høgt
gjerde. Utom det høge gjerde er det eit
grøntområde med eit lågt gjerde i kring.
Småbåthamnelaget søkte kommunen om å få nytte arealet på F2
utanom bassengområdet inntil vidare til kommunen fann bruk av arealet, og å
nytte det til oppstilling av campingvogner.
Til dette var det gitt
dispensasjon frå reguleringsplanen.
van der Meule har leigeavtale med kommunen på arealet mellom
det høge og det låge gjerdet. Dette har
ikkje vore handsama i høve til reguleringsplanen.
3.
Eigedomstilhøve
Tafjord Kraftselskap åtte den ytre del av området frå elva
og opp mot fylkesvegen, gnr 37 bnr 12, 83.
Grunneigarane i Tafjord, gnr 37 bnr 1 – 8, åtte frå elveosen og heile
strandlinja inn til Fjordlaks sitt anlegg.
Dette var oreigna som gjennomføring av reguleringsplan. Kommunen eig då gnr 37 bnr 142, 143,
144. Småbåthamna er festegrunn gnr 37
bnr 143 fnr 1 der van der Meule er festar.
Saksvurdering og konklusjon:
1. Vurdering av
dei einskilde tiltaka innanfor reguleringsplanen
1. Betre inngang til
campingplass 2006
Dette inneber at parkeringsplassen som er på vestsida av
bassengområde blir nytta til campingplassen, og gjestar til bassenget blir vist
til ny parkeringsplass på TK sitt område på sørsida av vegen.
Parkeringsplassen ligg i sin heilskap på friområde F1, og
etter reguleringsføresegnene er parkeringsplassen knytt til friområdet.
Parkering på TK sitt område skjer også i dag når det er
stort besøk på gode dagar. Det virkar,
men å vise all parkering hit vil ikkje vere funksjonelt i høve til
friluftsbadet.
2. Nye toalett og
dusjar 2006
Dette er eit mobilt anlegg og vil bli montert på område F2
på eks.campingplass der det er gitt dispensasjon.
3. Bobil/hytter,
terrassar 2006
Dette er på kanten langs elva. Dette er TK sin eigedom og er regulert til trafikkområde. I alle reguleringsplanar held ein ope ein
korridor langs elva. Det er neppe
aktuelt med bebyggelse her.
Terrasse er på ytste hjørne av moloen.
4. Hytter 2006
– 2008
Dette er plassert langs sjøkanten på småbåthamnområdet og i
inste hjørne på F2.
5. Eco-terreng 2006
Dette er på småbåthamnområdet og kan gå, men må regulerast
for føremålet.
6. Stasjon for
bubilar 2008 –
2009
Dette er foran noverande kiosk og kan neppe vere aktuelt
utan at kiosken opphøyrar.
7. Skilting ved
kommunen 2006
Offentleg trafikkskilt krev eigne vedtak.
2.
Oppsummering
Tiltak 1 (parkering) og tiltak 6 (tømestasjon) inneber ein
heilt ny struktur på området for friluftsbadet, og gjer det vanskeleg å drive
friluftsbadet som eiga eining. Skal
dette vere varig, krev det ei reguleringsendring.
Tiltak 2 (toalett- og dusjanlegg) vil vere på eks.
campingplassområde. Dette er greitt i
høve til plan- og bygningslova.
Tiltak 3 (bubilar på elvekanten) krev ei reguleringsendring,
men det haldning og praksis til no har vore at elvekantane skal vere frie. Terrasse på moloen kan inngå i eks.
reguleringsføremål, men det er dette
kan bli fiskeplass, og fisket ligg til grunneigarane (37/1-8).
Tiltak 4 (hytter langs sjøkanten). Hytter innanfor småbåthamnområdet må regulerast til
byggeområde. Utfylling med hytter på F2
er ikkje aktuelt.
Tiltak 5 (eco-terreng med teltplass på moloen i
elveosen). Dette krev
reguleringsendring. Avgrensing mot elva
må vere slik at det ikkje hindrar ferdsle langs elva, min. 5 meter, og då blir
det neppe plass.
Tiltak 6 (tømestasjon) inneber ein heilt anna bruk av
friluftsbadet, men dette tiltaket ligg noko ut i tid.
Spørsmålet er kva kommunen som grunneigar kan vere med på,
og så blir eventuelt reguleringsarbeid ein konsekvens for å gjennomføre
dette. Men det må vere realistiske
tiltak. Tiltak bør avgrensast til det
området som båthamn/camping har til rådvelde i dag dvs. festeområdet for
båthamn og det arealet det er leigeavtale på og å få det til å fungere i høve
til omgivnadene.
Etter oreigningslova kan oreigna areal i dette høvet nyttast
til anna enn kva det er oreigna for.
Ein bør likevel vurdere anna utnytting i høve til føremålet med
oreigninga.
