NORDDAL KOMMUNE

Arkiv: Q14

Saksmappe: 07/00652-2

Dato: 17.09.2007

Møtebok

Opprusting av Kleivavegen - tekniske planer og budsjett

Saksnr. utval	Utval	Møtedato
070/07	Driftsutvalet	26.09.07
068/07	Kommunestyret	17.10.07

Utsendte saksdokument:

Ikkje utsendte saksdokument:

Tekniske planer over utbetring av Kleivavegen

Anbod

Vedtak i Kommunestyret - 17.10.2007:

1. Kommunestyret har vurdert tekniske planer for utbetring av Kleivavegen og finn dei kvalitetsmessig tilfredsstillande for å oppretthalde vegen si bruksklasse BkT8 jfr. gjeldande Vegliste.

2. Kommunestyret gjer vedtak om at det vert inngått kontrakt med entreprenør om utbetring av Kleivavegen innan for vedteken ramme på 2 mill for 2007.

3. For fullføring av planlagt utbetring av Kleivavegen vert ny rammekostnad sett til 3,5 mill inkl. mva og vert å finansiere ved hjelp av auka låneopptak på 1,5 mill i 2008.

Saksgrunnlag:

I 4-årsplanen til administrasjonen for utbetringstiltak på kommunale vegar vart det sett av 75 000 for 2007 til forberedande tiltak på Kleivavegen og naudsynt asfaltering i 2009. Etter budsjettbehandlinga med vedtak til Økonomiplan for 2007 vart det sett av 2 mill til utbetring av Kleivavegen i år.

Saksopplysningar:

Tilstanden for Kleivavegen er over kortare og lengre parti både trafikkfarleg og ubehageleg å køyre på. Av tilmålte vegmidlar sette administrasjonen for 2007 opp 75 000 til forberedande tiltak som reinsking av asfaltkantar og grøftereinsk. Etter budsjettbehandlinga i fjor vart det sett av 2 mill i økonomiplanen for 2007 til utbetring av Kleivavegen. Bevillinga gir administrasjonen signal om at det er ynskje om ei langt raskare framdrift på utbetringa av vegen enn administrasjonen hadde lagt opp til.

Frå administrasjonen sin side er det ønskje om å starte opp med arbeid på Årset-robben i haust og fullføre resten av anlegget til sommaren 2008. Med omsyn til temperaturen kan ein ved godt vêrtilhøve greie å fullføre anlegget i år. Ein har valt alternativet med å frese opp gamal asfalt og nytte den til berelag. Parti som syner seg å vere dårleg eigna til forsterknings- /berelag vert å masseutskifte. For å oppnå best mogleg kvalitet på utbetringa kan ein rekne med at anlegget ikkje vert sluttført før til komande sommar. Planen for i år er å asfaltere frå riksvegen og opp til pel 630 med avkøyring til garden ”Plassen” (Pe-grova).

Anbodet er kontrollrekna og rimelegaste tilbod er valt.

KOSTNADSOVERSLAG

Anbodssum (inkl. asfalt)		2 663 620
mva - 15% av anbodssum		400 000
Prosjektering		50 000
Anleggsleiing		50 000
Administrasjon ca 3%		80 000
Påslag for usikkerheit ca 10%		300 000
SUM		3 543 620

Saksvurdering og konklusjon:

Ein har vurdert ei utbetring av Kleivavegen som er kvalitetsmessig tilfredssillande for ein kommunal veg i bruksklasse BkT8. For fullfinansiering av planlagt prosjekt vert det naudsynt med 1,5 mill utover dei 2 mill som alt er sett av til Kleivavegen.

Stig Holmstrøm
rådmann