Møtebok
Djupøyna industriområde -
sal av tomt
|
Saksnr.
utval
|
Utval
|
Møtedato
|
|
096/07
|
Formannskapet
|
17.09.07
|
Utsendte saksdokument:
Søknad frå REMPRO om kjøp av industritomt
Tomtedelingsplan for Djupøyna
industriområde av 06.09.06, rev. 10.09.07
Ikkje utsendte
saksdokument:
Sak 094/06, møte 11.09.06, formannskapet
Saka vert utsett til neste møte i formannskapet.
Administrasjonen legg fram kjøpsavtale etter same vilkår som nabotomten seld
til Remseth Maskin.
Saksgrunnlag:
Søknaden dagsett 13.06.07 frå REMPRO om kjøp av tomt i
Djupøyna er grunngjeven med at verksemda vil utvide eksisterande
produksjonshall med 600 m2; jfr. saksvedlegg.
Det vart gjennomført synfaring den 20.08.07 på
industriområde i Djupøyna med Stein Inge Rem frå verksemda og ordførar,
rådmann, verksemdsleiar og driftsing. FDV samt sakshandsamar frå kommunen.
Saksopplysningar:
Rempro leiger i dag 1250 m2 i samsvar med vedtak i
formannskapet 11.09.06 i sak 094/06 der det vart gjort slikt vedtak:
- Formannskapet tildeler tomt til Rempro
for oppføring av midlertidig produksjonslokale på tomt 3 i Djupøyna med
avgrensing slik det går fram av kart dagsett 06.09.06 og storleik 1250 m2.
- Det skal lagast leigeavtale gjeldande
til permament industribygg er ført opp og inntil 5 år.
- Det skal betalast årleg leige som 5 %
av kommunen sine grunnkjøpskostnader for arealet.
Det store problemet for den aktuelle tomten (tomt nr. 3) er
høgspentlina som går på skrå over. Dei i dag delen av tomten som fell utanfor
byggelinene er små, og dette var grunn til at det var gjeve løyve til
midlertidig plassering av eksisterande produksjonshall.
Reguleringsplanen føreset at permanente bygningar på tomtene
skal plasserast inntil byggelina mot riksvegen.
Saksvurdering og konklusjon:
Så vidt ein kjenner til er det enno 3-4 år fram i tid før
den aktuelle høgspentlina i område kan vere flytta slik at tomten kan nyttast
som reguleringa føreset. Verksemda har behov for å utvida lokala allereie til
komande sommar og såleis må ein sjå på andre løysingar.
Under synfaringa den 20.08.07 vart det mellom anna sett på
mogelegheitene til å kunne plassere eit tilbygg på 600 m2 mot sydaust i
”trekanten” som ligg utanfor byggelinene.
Dersom ein skal få til dette på ein praktisk måte må ein ha
ei kobling (mellombygg) mot vegen (syd) og det planlagte tilbygget.
Dette inneber at det må gjevast dispensasjon frå
byggelina/reguleringsendring. Her må innskytast at vegen allereie er bygt noko
justert i høve reguleringsplanen av praktiske omsyn og det såleis burde ligge
til rette for ei justering av planen som tek opp i seg ei mindre byggeline mot
vegen for tomt 3 og kanskje også tomt 4. Vidare har det vore samtalar med
grunneigar i høve meir areal til lagerområde med vidare knytt opp til kommunen
sin planlagde drifts- og miljøstasjon på tomt nr. 4.
Det kom fram under synfaringa av REMPRO ynskjer å kjøpe
heile tomt nr. 3 og då på same vilkår som tomt nr. 2 vert seld for til Remset
Maskin.
Så lenge det er knytt uvisse til om høgspentlina vert flytta
til fordel for jordkabel i området, finn administrasjonen etter ei samla
vurdering det vanskeleg å innstille på at tomt nr. 3 i si heilheit kan seljast
no.
Dersom prosessen omkring høgspentlina endar opp i at den
ikkje vert flytta, ser ein føre seg at arealet under linja kan nyttast til
opplag knytt til kommunal verksemd (til dømes kraftstolpar, kabeltrommlar osv.)
For å legge til rette for at REMPRO kan bygge til 600 m2 til
eksisterande produksjonshall, vil administrasjonen innstille på at det leigde
arealet vert utvida med om lag 370 m2 mot aust etter dei same vilkår som i
formannskapssak 094/06.
Ein har forståing for at firma REMPRO har behov for å sikre
seg mogelegheitene for framtidig ekspansjon, men her må ein skyte inn at tomt
nr. 3 har per i dag usikkerheit i seg (vedtaket om å nytte eksisterande
høgspentline er klage inn for OE departementet og avgjer ligg enno ikkje føre).
Kommunen kan gje REMPRO forkjøpsrett på heile tomt nr. 3
dersom/når den vert fri for hefte i høve straumframføringar.
