NORDDAL KOMMUNE

Arkiv: 65/6

Saksmappe: 05/00896-2

Dato: 27.01.2006

Møtebok

Søknad om utsetjing av frist for buplikta på Nyhus gnr 65 bnr 6

Saksnr. utval	Utval	Møtedato
013/06	Formannskapet	06.02.06

Utsendte saksdokument:

Søknad datert 22.11.2005

Kart 1:3000

Ikkje utsendte saksdokument:

Lov om odelsrett 1974-06-28 nr.58

LMD - Rundskriv nr M-5/2001

Saksgrunnlag:

Søknaden. Delegert fullmakt til kommunen : ”Kommunen ved formannskapet skal avgjere søknaden”

Saksopplysningar:

Hilde Kristin Eide Marås har sidan 22.11.2004 eigd gnr 65 bnr 6.

Av søknaden går det fram at Hilde K Marås søkjer utsetjing for buplikta heimla i lov om odelsrett.

Sitat frå lov om odel:

§27a. ”Departementet kan etter søknad gi fritak frå bu- og driveplikta etter §27 antan heilt eller for ei viss tid. Ved avgjerd av søknad om fritak frå buplikta skal det leggjast særleg vekt på ønske om å styrkje eller oppretthalde busetjinga i området der eigedomen ligg, på kor nær tilknyting søkjaren har til eigedomen og på søkjaren sin livssituasjon. Vidare skal det mellom anna takast omsyn til bruksstorleik, avkastningsevna og hustilhøva på garden.”

Sitat frå rundskriv 5/2001

6.4.2.2 Eierens livsituasjon

”Søkerens livssituasjon er nå nevnt i loven selv. Det er et moment som skal tillegges særlig vekt, slik det har vært gjort i praksis fram til nå.

Livssituasjonen skal som tilknytningen veie tungt, enten saken går etter odelsloven eller konsesjonsloven.

Grunnene kan være knyttet til arbeids- eller utdannelsessituasjonen, familiære, helsemessige eller andre sosiale forhold. Det kan for eksempel være en bedrift som må avvikles, en utdannelse som må fullføres eller at barn eller ektefelle er avhengig av spesiell medisinsk behandling. De fleste sider ved søkers livssituasjon kan komme i betraktning”.

Saksvurdering og konklusjon:

Generasjonsskifte og flytting er ein prosess. Søkjar ynskjer meir tid for oppgradering av byggningane, og for å avklare situasjonen for overtaking og innflytting.

Ved slik søknad skal ein etter odelslova leggja særleg vekt på å styrkja og oppretthalde busetjinga, vidare tilknytinga til eigedomen, bruksstorleik, avkastningsevna og husforhold.

Rundskrivet M-5/2005 er skrive for å klargjere forhold rundt ”Bu og driveplikt”, her går det også fram at busetjingsmålet er viktig, og at eigars livsituasjon skal takast med i vurderingane.

Sidan søkjar held fram moment som er knytt til eigen livssituasjon og husforhold, er det desse som vil bli vurdert i denne sak.

Målsetjinga for praktiseringa av lover knytt til odel og konsesjon er samansette, men viktigast er busetjing. Dagens regjering har signalisert innstramming i denne samanheng.

Gardane i Norddal og på Eide er relativt små, og lønsam utvikling krev godt samarbeid mellom gardbrukarane og produktutvikling mot nye nisjer.

Søkjar er sterkt knytt til bruket, og ser moglegheit for lønsam forvaltning av garden i framtid.

For å utgreie og planlegge ein framtidig livssituasjon på Eide, treng ein meir tid enn det eine året lova gir. Eit ekstra moment er huset, som treng oppgradering til dagens standard.

Det er tilrådeleg å gi søkjar Hilde Kristin Marås utsetjing for fristen om buplikt, dette for å gje mulegheit for oppgradering av hus, og for at familien kan få ro til avklaring om livssituasjon.

Stig Holmstrøm
rådmann