NORDDAL KOMMUNE

 

Arkiv:                    NF-LLL

Saksmappe:          07/00474-2

Sakshandsamar:   Toralv Klokkehaug

Dato:                      06.09.2007

 

Møtebok

                                  

 

 

Søknad frå Handverkshuset i Eidsdal om stønad frå Næringsfondet  

 

Saksnr. utval

Utval

Møtedato

100/07

Formannskapet

17.09.07

 

Utsendte saksdokument:

Søknad med vedlegg

 

Ikkje utsendte saksdokument:

 

 

Rådmannen si innstilling:

Næringsfondstyret vedtek eit tilskot på kr 40.000,- til Handverkshuset i Eidsdal frå det kommunale næringsfondet. Midlane skal nyttast i samband med etableringa i Geiranger.

 

 

 

Handsaming i Formannskapet  17.09.2007:

Merete Løvoll Rønneberg kom med forslag om å løyve kr. 30.000,-.

 

Røysting:

7 røysta for Merete Løvoll Rønneberg sitt forslag

0 røysta for innstillinga.

 

 

 

Vedtak i  Formannskapet - 17.09.2007:

Næringsfondstyret vedtek eit tilskot på kr 30.000,- til Handverkshuset i Eidsdal frå det kommunale næringsfondet. Midlane skal nyttast i samband med etableringa i Geiranger.

 

 

Saksgrunnlag:

Næringsfondet vert lagt fram som individuelle saker, men med ei orienteringssak som gir oversikt over innkomne søknader.

 

Saksopplysningar:

Handverkshuset i Eidsdal søkjer om tilskot i samband med oppstarting av ny avdeling i Geiranger. Denne avdelinga har vore i drift i sommar. I Eidsdal har det no vore drift i 2 år og etableringa i Geiranger blir gjort for å få større omsetting. Dette er nødvendig for at bedrifta skal gi betre inntening.

 

Handverkshuset har i dag ein som er tilsett i 80 % stilling og 2 sesongarbeidarar. Det er inngått avtale med Fjord 1 når det gjeld sal på 2 ferger i tillegg til etableringa i eit leigd naust sentralt i Geiranger.

Denne søknaden gjeld etableringa i Geiranger. Det er utarbeidd eit kostnadsoverslag som syner ein utgift på ca 75.000,- ved etablering i det aktuelle naustet i ein periode på 4 månader no i sommar.

Det vert søkt om 75 % ( kr 55.869) finansiering gjennom næringsfondet. Det er lagt ved driftsbudsjett.

 

Saksvurdering og konklusjon:

Dette er eit svært positivt tiltak og etableringa i Geiranger er ei viktig knoppskyting for ei ny bedrift. Handverkshuset er i dag kjent over store delar av distriktet, men det er tidkrevjande å bygge opp nye marknader. Auka omsetting er ein viktig i ein oppstartingsfase der utgiftene ofte er noko større enn seinare. Handverkshuset er viktig for sysselsetting i bygda, men også det at bedrifta kan vere med på å skape gode nettverk og positiv aktivitet i kommunen.

 

 

 

Stig Holmstrøm

 

rådmann