Rådmannen si innstilling:
1.
Formannskapet godkjenner dei momenta som er lagt fram i saka
som grunnlag for avtale med Berg-Jacobsen-gruppen om tomt for hotell på
Murigrandane.
2.
Formannskapet viser til vedtak i kommunestyret for utvikling
av området på Murigrandane, og finn ikkje grunn til å kunne overdra arealet til
bruk for anna verksemd slik det er søkt om.
-----------------------------------------------------
Handsaming i Formannskapet 11.09.2006:
Referat frå møte i grunnkjøpsutvalet 13.07.06 vart delt ut.
Møtet vart lukka medan referatet vart diskutert.
Signe Brenna, Nl kom med slikt forslag til vedtak:
Før Norddal formannskap kan godkjenne momenter som er lagt
fram som grunnlag for ein avtale, må saksgangen få ei juridisk
kvalitetssikring. Viser til EØS-avtalen §61 og §64c i plan og bygningsloven.
Det vart først røysta
over Signe Brenna sitt forslag:
1 røysta for forslaget som fall
6 røysta i mot
Endeleg avrøysting
punktvis:
Pkt. 1:
6 røysta for innstilling
1 røysta i mot
Pkt. 2:
6 røysta for innstilling
1 røysta i mot
--------------------------------Dette er slutten på
behandlingsteksten (denne teksten skrives ikke
ut)------------------------------------------------
Saksgrunnlag:
Med bakgrunn i møte 13.07.06 mellom grunnkjøpsutvalet og
Berg-Jacobsen-gruppen vil ein oppsummere eit grunnlag for å lage avtale. Utgangspunktet er notat frå møtet frå Erik
Berg som i stor grad oppsummerer dei drøftingane som har vore mellom
Berg-Jacobsen-gruppen og grunnkjøpsutvalet.
Det ligg og føre førespurnad om kjøp av tomta mellom elva og
Norddal elverk/Valldal Grønt frå Svein M.R.Andersen, Silje K.Tafjord, Stig
Johnny Hoel og Ann Kristin Godø, dvs Remseth Maskin. Brevet er vedlegg til saka.
Saksopplysningar:
Moment for avtale med Berg-Jacobsen-gruppen
1.
Norddal kommune overfører tomt til Berg-Jacobsen-gruppen for
oppføring av hotell på område regulert for føremålet, storleik om lag 8 500 m2,
som parsellar av 27/116, 117, 121, 122 og 4/33.
2.
Kjøpesum er kr 1. Kjøpar står for alle kostnader ved
overdraginga.
3.
Tomta skal vere byggeklar.
Norddal kommune fører fram stikkleidningar for vatn, avløp og kablar til
grunnmur.
4.
Norddal kommune fjerner eksisterande industribygg innan
oppstart for nytt bygg.
5.
Norddal kommune opparbeider parkeringsplass på tomta i samsvar
med vedtatt reguleringsplan og detaljplan for hotelltomt. Parkeringsplassen skal ha offentleg funksjon
ut over hotellet sitt behov. Plassen
blir opparbeid med fast dekke og beplanting.
Plassen blir eigd og driven av hotellselskapet.
I tilleg kjem og det sjølvsagte at vegnettet blir rusta opp
og omlagt med køyreveg og gangvegar og at beplantingar blir gjennomført. Alt dette i samsvar med reguleringsplanen og
planteplanen for å få ei gjennomført utvikling og standard av området. Dette treng ein ikkje take inn i ein avtale,
men kanskje noko om at gjennomføring av reguleringsplan og planteplan skjer
samstundes med tilrettelegging av hotelltomt.
Brev frå Remseth Maskin
Det blir retta førespurnad om å få kjøpe arealet mellom elva
og Norddal elverk/Valldal Grønt for 3 mill.kroner, inkl. påståande bygg. Ynskjemålet er å nytte dette til
vidareutvikling av eiga verksemd, men og vere positive til nyetableringar på
arealet. Men arealet må då regulerast
for slikt føremål. Det er vist til at
ekstern investor ynskjer å bygge på arealet med sterke føringar for den
kommunale økonomien. Det er så drøfta
føremuner med å gjere det på denne måten i høve til kva som no blir lagt
fram. Det blir vist til brevet i sin
heilskap.
Saksvurdering og konklusjon:
Moment til avtale
Kommentar til punkta:
1.
Endeleg areal vil ligge føre ved endeleg avgrensa areal og
oppmåling.
2.
Verdi kan settast til 1 mill.kr som er 117 kr/m2. Dette må skrivast på skøytet som grunnlag
for dokumentavgifta.
3.
Leidningsnettet ligg alt i området. Kostnadene med framføring av leidningar vil vere relativt små.
4.
Kostnad med riving av eksisterande industribygg ligg i
prosjektet Muriparken.
5.
Opparbeiding av parkeringsplass med beplanting vil ha kostnad
på om lag kr 500 000 for 2 daa.
Førespurnad frå Remseth Maskin
Ei slik overdraging som det er søkt om krev ei anna
regulering enn kva det er til no er lagt opp til. Det ligg i intensjonen for Muriparkprosjektet og arbeidet med
reguleringsplanen at området skal utformast med reiselivsprofil og som
grønt-/serviceområde. Det er og sagt at
arbeidet blir gjennomført slik uavhengig kva som måtte skje med einskildprosjekt
innanfor dette. Vi er komen i ein slik
fase i arbeidet no at det er ikkje opning for andre innspel og vurderingar
lenger. Innanfor dei rammene som er
sette er det ikkje rom for ei avhending og slik arealbruk som det blir retta
førespurnad om.
