NORDDAL KOMMUNE

Arkiv: L12 &21 Saksmappe: 05/00744-8 Sakshandsamar: Øystein Klempe Dato: 27.01.06

Møtebok

Reguleringsendring for Rv 63 Oppskredfonna - Berge, tomt for fritidshus

Saksnr. utval	Utval	Møtedato
005/06	Det faste utvalet for plansaker	06.02.06

Utsendte saksdokument:

Vedlegg:
1	Merknad frå Stetens vegvesen, dagsett 28.12.05
2	Merknad frå Møre og Romsdal fylkes, dagsett 13.01.05
3	Planframlegg, dagsett 10.11.05

Ikkje utsendte saksdokument:

Rådmannen si innstilling:

Med bakgrunn i innkome merknader frå Statens vegvesen og Møre og Romsdal fylke vil Det faste utvalet for plansaker ikkje fremme sak om reguleringsendring for utleigehytte ved Eidsvatnet vidare.

-----------------------------------------------------

Handsaming i Det faste utvalet for plansaker 06.02.06:

Magne Almstad kom med slikt forslag til vedtak:

Det faste utvale for plansaker har vurdert forslaget til reguleringsendring for RV 63 Oppskredfonna-Berge, tomt for generasjonseining/fritidshus, og vil fremme saka om regulering vidare.

Røysting:

2 røysta for Almstad sitt forslag som fall

5 røysta for innstillinga

--------------------------------Dette er slutten på behandlingsteksten (denne teksten skrives ikke ut)------------------------------------------------

Vedtak i Det faste utvalet for plansaker - 06.02.06:

Med bakgrunn i innkome merknader frå Statens vegvesen og Møre og Romsdal fylke vil Det faste utvalet for plansaker ikkje fremme sak om reguleringsendring for utleigehytte ved Eidsvatnet vidare.

----------------------------------------------------------------------------

Saksgrunnlag:

Framlegg til reguleringsendring for Rv 63 Oppskredfonna – Berge, tomt for fritidshus, har lege ute til offentleg ettersyn i tida 15.12. – 15.01.06.

Det er kome 2 merknader til saka.

Saksopplysningar:

Merknad 1. Statens vegvesen

Det blir rådd i frå omreguleringa. Tomta er for lita og for klemt inn i vegen, og ei utleigehytte bør ikkje ligge så nær vegen. I høve til trafikktrygging er det lite heldig med hytte på ei side og campingplass på hi.

Det er ikkje argument at søkjar skal take over gardsdrifta.

Kommentar

Det er opparbeidd gangveg mellom riksvegen og hyttetomta. Det vil bøte noko på trafikktrygginga, men gangtrafikken kjem nær opp til hytteveggen.

Det betyr ingen ting for saka om søkjar skal drive gard eller ikkje. Saka gjeld oppføring av utleigehytte på arealet.

Merknad 2. Møre og Romsdal fylke

Det blir peika på forslag skal førehandskunngjerast, og når det ikkje er gjort, ser ein på det utsendte som oppstartsmelding.

Fritidshuset blir liggande svært nær gangvegen. Plasseringa er ikkje tilrådeleg. Riksvegen er ein del av nasjonal turistveg, og tilgang til vatnet er sikra gjennom reguleringsplanen og bør ikkje reduserast ytterlegare.

Det blir rådd frå at det blir arbeidd vidare med planen, og det blir vurdert motsegn dersom reguleringsendring slik det er fremma blir lagt ut.

Kommentar

Førehandskunngjering av heilt små endringar, som denne, har ein tidlegare i liten grad teke førehandskunngjering på. Men reglane er slik, og samla tidsforbruk og den framstillinga som er gjort, hadde blitt den same.

Fylket har ikkje kome med motsegn, men det er varsla at dette kan skje. Det er vektlagt nasjonale omsyn og tilgang til vatnet.

Saksvurdering og konklusjon:

Med bakgrunn merknad frå fylket bør saka ikkje fremmast vidare.

Dersom planutvalet vil halde på at saka skal fremmast vidare, må planforslaget leggast ut til offentleg ettersyn ein gong til, dvs det blir same vedtaket som under den 1.handsaminga.

Dersom planutvalet ikkje vil fremme saka om reguleringsendring vidare, kan søkjar krevje å få lagt fram saka for kommunestyret om det skal fremmast reguleringsendring.

Stig Holmstrøm

rådmann