Møtebok
Halvårsrapport økonomi,
drift mv 2007
|
Saksnr.
utval
|
Utval
|
Møtedato
|
|
089/07
|
Formannskapet
|
27.08.07
|
|
057/07
|
Driftsutvalet
|
29.08.07
|
|
051/07
|
Kommunestyret
|
13.09.07
|
Utsendte saksdokument:
Hovudoversyn budsjett – rekneskap per 30. juni
Oversyn over politiske saker per 30. juni
Halvårsrapportar frå verksemdene
Ikkje utsendte
saksdokument:
Framlagte halvårsrapport blir godkjent.
Frå 2008 blir økonomirapporteringa endra til
tertialrapportering. Endringa blir innarbeidd i reglementet for politiske
utval.
Saksgrunnlag:
Kommunestyret skal ha informasjon om kommunen sin økonomiske
situasjon kvart kvartal. Kommunestyret skal to gongar i året ha oversyn over
framdrifta til vedtak gjort i politiske organ.
Saksopplysningar:
Oppstillinga syner at tenestene/tenesteleiarane har god
kontroll over dei ulike delbudsjetta. På nokre få ansvarsområde er det
etterslep i rekneskapen. Det blir føreutsett at dette vedlikehaldet skal vere
fullført fram til rapport og revisjonen ved 3. kvartal. Dette gjeld
forsikringar, innkrevjing av refusjonar frå verksemder mm frå fdv, fordeling av
sekkepostar knytt til lønsoppgjer og næringsfondet. Dette gir eit mindre heldig
utgangspunkt for framskriving av budsjetta og med det lågare heilskapsoversyn.
Dei ulike botnlinene bør ikkje ligge over 45,5%.
Det går fram av oppstillinga at kommunen har hatt god
likviditet 1. halvår. Dette har ført til at nye investeringar så langt er sett
i verk utan nye låneopptak.
Skatteinngangen per 1. juli ligg som prognostisert, Det ser
ut til at utslaga av likning/avrekning for 2006 saman med skattane i september
og november blir avgjerande for totalsummen.
Det er grunn til å vere vaktsam i høve
investeringsrekneskapen. I inntektsdanninga er det føreutsett at kommunen kan
nytte 2,5 mill som momskompensasjon frå investeringar. Per 1. juli viser
rekneskapen 0,82 mill. Dette er lågare enn på same tid i 2006.
Dei einskilde vedtaka har vore sendt ut til saksbehandlarane
for innhenting av moglege kommentarar. Det er den einskilde saksbehandlar som
har ansvar for å fullføre dei ulike oppgåvene knytt til ei oppgåve/ei sak. Det
er ikkje kome attende opplysningar som tilseier at det har oppstått uventa
eller kompliserande moment i dei opplista vedtaka, og det store fleirtalet av
vedtak er såleis avslutta eller under vanleg utvikling. Nokre heilt få har ei
særs låg framdrift.
Saksvurdering og konklusjon:
Kommuneøkonomien er framleis solid. Han blir likevel
utfordra ved at:
-
alle investeringar blir fullfinansiert ved lån, eigenkapitalen
er 0. Kommunen nyttar alle disponible inntekter til drift av tenestene.
-
driftsutgiftene blir auka relativt ukritisk i ein situasjon
som eigentleg tilseier reduksjonar og etterspurnad etter produktivitet
-
Likviditeten i 2007 er uvanleg god, noko som skriv seg frå eit
særs heldig sal av kraft hausten 2006. Det er ikkje venta at dette held fram i
2008.
-
Det ligg ikkje føre noko behov for budsjettendringar, og ei
slik sak blir derfor ikkje lagt fram ved dette høvet.
Framdrifta av dei ulike ansvarsområda/-oppgåvene synest å
vere tilfredsstillande med unnatak av nokre heilt få investeringsoppgåver.
På nytt blir politiske utval oppmoda om å drøfte frekvensen
av økonomirapporteringa. Mange kommunar nyttar tertialrapportering. Ein av
grunnane er at halvårsrapporten må bli lite god grunna ferietida i juli.
