NORDDAL KOMMUNE

Arkiv: 614

Saksmappe: 06/00759-15

Sakshandsamar:

Dato: 21.08.2007

Møtebok

Saksnr. utval	Utval	Møtedato
091/07	Formannskapet	27.08.07
094/07	Formannskapet	17.09.07

Utsendte saksdokument:

Framlegg til leigekontrakt mellom Norddal kommune som utleigar og Tineke og Jos Verpaalen som leigetakar vedk. leige av Fjørå skule

Ikkje utsendte saksdokument:

Vedtak i Formannskapet - 17.09.2007:

Formannskapet vil leige ut Fjørå skule i ein tre-årsperiode, i samsvar med avtale vedlagt saka, med denne endringa:

- Husleiga vert sett til kr. 4.500,-

Saksgrunnlag:

Med tanke på framtidig bruk av Fjørå skule har administrasjonen fått i oppgåve å gå i forhandlingar med Jos og Tineke Verpaalen om utleige av Fjørå skule.

Saksopplysningar:

Fjørå skule er ei trebygning frå 1936 beståande av kjellar, 1. etg., loft og kaldloft. Tilbygget med eit bruttoareal på 120 m² stod ferdig i 1996 og er bygd på eit plan, der loftet som er over kan nyttast til lager. Skulen er utrekna med eit totalt bruttoareal på 415 m². Leigetakar ser nybygget som den delen dei vil nytte til forretning medan ”gamleskulen” er tenkt til bustad.

Kommunen har i dag følgjande årlege utgifter med bygget:

UTGIFTER	BELØP (kr.)

Kapitalkostnader (renter og avdrag) berre nybygget	112 500
Kommunale avgifter (renovasjon, kloakk, slam)	6 500
Vassavgift til Fjørå vassverk	2 500
Forsikring med innbu	5 000
Nettleige straum (snitt av 2004-2006)	20 000
Straum (snitt av 2004-2006)	11 000
Vedlikehald (kr. 100 pr. m2 pr. år)	40 000

Å rekne forretningsmessig ved at kommunen skal dekke inn alle sine utgifter med bygget, må ein sjå som uaktuelt i dette høvet. Aktuell leigetakar har kome med eit tilbod som lyder på kr. 4 000 pr. månad i husleige. I avtalen har ein lagt fram forslag om at utleigar dekker alle utvendige vedlikehaldsutgifter og større tekniske installasjonar innvendig i bygget. Leigetakar dekker innvendig evnt. nye installasjonar som er til forbetringar når det gjelder komfort. Vidare går det fram av avtaleforslaget at leigetakar betaler for straum, brensel, telefon, internett, tv og brøyting. Kommunen står elles for alle kommunale avgifter innkl. feieavgifta, forsikring av bygget med kommunalt innbu og sist men ikkje minst kapitalkostnadane for nybygget. Leigeavtalen vert tidsavgrensa med ei leigetid på tre år med høve til forlenging.

Saksvurdering og konklusjon:

På vilkår som går fram av framlegg til leigeavtale mellom Norddal kommune og Tineke og Jos Verpaalen legg administrasjonen fram sitt forhandlingsresultat vedk. utleige av Fjørå skule.

Det synast ikkje mogleg å få til ein leigeavtale som gir inndekning av kommunen sine kostnader ved bygget. Med utgangspunkt i den leigeprisen som synest realistisk, ligg det tvert imot inne ei kommunal ”subsidiering” på ca. kr. 116 000 i året. Ut i frå dette vil ein på ny tilrå sal av bygningen.

Stig Holmstrøm
rådmann