NORDDAL KOMMUNE

Arkiv: 243 D

Saksmappe: 06/00055-2

Dato: 23.08.2006

Møtebok

Etablering av utsmykkingsordning for Norddal kommune

Saksnr. utval	Utval	Møtedato
061/06	Driftsutvalet	02.10.06
054/06	Kommunestyret	18.10.06

Utsendte saksdokument:

Utkast til vedtekter

Ikkje utsendte saksdokument:

Saksgrunnlag:

Stadig fleire kommunar etablerer utsmykkingsordningar som skal fremme estetiske verdiar i nærmiljøet/det offentlege rom gjennom kunstnarisk utsmykking. Kunstnarisk utsmykking er kunst sett i ein arkitektonisk samanheng. Norddal kommune bør også få på plass ei slik ordning.

Saksopplysningar:

For å kome i gang må kommunen vedta ei ”utstmykkingsordning” der ein fast prosent av kostnaden til alle byggjeprosjekt vert øyremerka til kunstnarisk utsmykking. I tillegg kan ein søkje om offentlege midlar på inntil ein tredjedel av total utsmykkingssum som kommunen har sett av.

Det er etablert eit ”Utsmykkingsfond for offentlege bygg” som ligg under Kulturdepartementet. Her kan ein søkje om tilskot to gongar i året. Dei skal bidra til at det offentlege gir plass for kunst av høgste kvalitet, plassert der mange menneske oppheld seg. Publikum, og særleg barn og unge, får på denne måten oppleve og lære at kunst er ein naturleg og berikande del av tilværet. Dette er ein unik formidlingsposisjon der kunst når ut til grupper som ikkje vanlegvis oppsøkjer dei tradisjonelle kulturinstitusjonane.

Eit lokalt utstmykkingsutval skal gjennomføre utsmykkingsprosjektet i kommunen. Kommunen syter for å etablere utval til kvart einskild prosjekt. Utvalet skal ha fire medlemmar. I kvart prosjekt blir det leigd inn ein kunstnarisk konsulent. Utgiftene til denne kan ein også få dekt gjennom Utsmykkingsfondet. Regionalt samarbeidsutval (RSU) er kontaktledd mellom Utsmykkingsfondet og kommunen. Her set ein biletkunstnar, ein kunsthandverkar og 1 representant for arkitektane. Kunstnarsenteret i Møre og Romsdal har sekretærfunksjon, og handterer den daglege aktiviteten. RSU kjem først inn i bildet når Utsmykkingsfondet innvilgar tilskot, men det er ofte lurt å rådføre seg før ein søkjer.

I form og uttrykk skal den kunstnariske utsmykkinga berike det offentlege miljø i møtet mellom kunst og arkitektur.

Kommunar kan søkje tilskot, men det kan også private aktørar der kommunen deltek i prosjektet, og bidreg med ein del av finansieringa. For å kunne søkje må søkjaren sjølv bidra med eigne midlar til prosjektet.

Saksvurdering og konklusjon:

Kunstnarisk utsmykking bidreg til å vitalisere vår omgivnader. Kunst kan gi oppleving og nye inntrykk, skape identitet, og kan vere langt meir enn rein dekorasjon. Utforming av det offentlege miljø har fått stadig meir merksemd, og ein veit at kunst er med og gir særpreg til stader og bygningar. Det vi ser rundt oss er utslagsgivande for vår trivsel.

Dei kommunane som har hatt ordninga ei stund kan vise til gode resultat. Ein har hausta positive erfaringar med formidling av den kunstnariske utsmykkinga.

Ordninga inneber ein eigenandel. Dei fleste kommunane set av 1 % av byggjekostnaden til kunstnarisk utforming.

Kommunen bør etablere utsmykkingsordning, og vedta utkast til vedtekter.

Stig Holmstrøm
rådmann