Møtebok
Reguleringsplan Vikaberga
|
Saksnr.
utval
|
Utval
|
Møtedato
|
|
044/07
|
Det faste utvalet for plansaker
|
27.08.07
|
|
053/07
|
Kommunestyret
|
13.09.07
|
Utsendte saksdokument:
Mailar dagsett 10.07.07 og 16.07.07
Referat frå møte 22.06.07 fylkeshuset, Molde
Referat frå meklingsmøte på Molde 04.10.06
Kystverket, høyringsuttale dat. 15.06.06
Reguleringsplankart, M= 1: 1000, rev 17.08.07
Reguleringsføresegner §§ 1-4, dagsett 08.04.06, rev.
17.08.07
Ikkje utsendte
saksdokument:
Skriv frå Anne Inger og Kåre Strøm dat. 14.08.07 vedk. 5
hyttetomter mindre
Førespurnad om mekling, brev dat. 21.06.07
Sak 041/07, møte 20.06.06, Det faste utvalet for plansaker
Fiskeridirektoratet, merknad dat. 09.05.06
Statens vegvesen, merknad dagsett 26.05.06
Møre og Romsdal fylke, fråsegn/motsegn av 02.06.06
Annonsetekst – offentleg ettersyn til 03.06.06
Brev til partane dat. 02.05.06 vedk. offentleg ettersyn
Brev frå MD av 09.05.06 til kommunen vedk. beredskap
Sak 027/06, møte 24.04.06 i Det faste utvalet for plansaker
Privat forslag til reg.plan Vikaberga, brev dat. 11.04.06
Plansituasjon med innkomne merknader, dat. 08.04.06
Planbeskrivelse dagsett 08.04.06
Brev frå Miljødepartementet av 02.02.2004 vedk. motsegn
Landskapsanalyse frå Aurland Naturverkstad BA av juli 2005
(Rapport nr. 3-2005)
Referat frå møte 03.06.05 mellom fylket, grunneigar og
kommunen
Annonse om oppstart av reguleringsarbeid (merknadsfrist
16.09.05)
Brev frå Anne Inger og Kåre Strøm dat. 15.08.05 vedk.
oppstart av regulering
Kartutsnitt, M= 1: 5000, som syner avgrensing av planområde
Brev frå Kystverket av 05.09.05, førehandsuttale
Brev frå Statens vegvesen dat. 08.09.05 vedk. avkøyrsle
Fråsegn, Møre og Romsdal fylke, dagsett 10.09.05
Uttale etter synfaring, Møre og Romsdal fylke, kulturavd.,
dat. 21.12.05
Merknad av 10.09.05 frå adv. Olav V. Myklebust (Jon Ole
Viken)
Delplan for Fjørå, arealdelen
I samsvar med § 27-2 i plan- og bygningslova vedtek Norddal
kommunestyre reguleringsplan for VIKABERGA i samsvar med kart og føresegner
sist dagsett 17.08.07.
Saksgrunnlag:
Det faste utvalet for plansaker gjorde i sitt møte den
20.06.06 slikt vedtak:
I samsvar med § 27-2 i
plan- og bygningslova vedtek Norddal kommunestyre reguleringsplan for VIKABERGA
i samsvar med kart og føresegner dagsett 08.04.06 med følgjande justering:
1. Byggeområda
som ligg under kote 11 har midlertid godkjenning og kan ikkje byggast på før
godkjent beredskap for flodbølgjer ligg føre. Dette skal markerast på kartet og
innarbeidast i reguleringsføresegnene.
2. I
reguleringsføresegnene skal innarbeidast at i området kan oppførast tilkomst og
tiltak for ålmenta som til dømes fiskeplassar, landfeste for fritidsbåt og
liknande.
3. Før
reguleringssaka for VIKABERGA vert lagt fram for kommunestyret til vedtak, skal
det gjennomførast mekling i saka med Fylkesmannen.
Etter førespurnad om mekling (vårt brev dat.14.06.06) med
Fylkesmannen vart mekling gjennomført på fylkeshuset på Molde den 04.10.06;
jfr. vedlagte referat dagsett 17.10.06 frå meklingsmøtet.
Etter meklinga har saka hatt fleire møter med lokal- og
fylkespolitiske representantar samt møter på fylkeshuset.
Frå møte mellom fylket og kommunen den 22.06.07 ligg føre
referat; jfr. vedlegg i saka.
Vidare ligg føre mailar frå ordføraren dat. 10.07. 07 og
16.07.07; jfr. vedlegg.
Det ligg no føre skriv (mail) frå Anne Inger og Kåre Strøm
dagsett 14.08.07 der det vert bede om at saka vert teke opp til handsaming, men
då med at 5 hyttetomtar vert tekne ut av planforslaget.
Kystverket sin høyringsuttale dat. 15.06.06 på utlegginga
til offentleg ettersyn 1. gong, låg føre først etter at planutvalet hadde si
handsaming i sak 041/06 og den vert såleis lagt fram no; jfr. saksvedlegg.
Saksopplysningar:
Møre og Romsdal fylke, meklingsmøte 04.10.2006.
Konklusjonen i meklinga vart at det vart semje mellom partane
for det som gjeld utbyggingsområde i forhold til fare for flodbølgje.
Byggeområde under kote 11 blir vist som friluftsområde med
tanke på evt. seinare omregulering til byggeformål/reiselivsanlegg m.v.
Bestemmelse om ”permanent” plassering av campingvogner m.v.
under kote 11 på campingplass C3 utgår.
Tom nr. to frå aust i felt F6 blir godkjent med byggegrense
på kote 11.
Meklinga førte derimot ikkje fram når det gjeld
arealdisponering på sørsida av Vikaberget.
Frå fylket si side vart det peika på omsyna som låg bak
motsegnene. Ein såg at departementet sitt brev til ein viss grad opna for
skjønn, men fann det heller klart at retningslinene innebar at evt. utbygging
på sørsida skulle skje med tanke på utvikling av reiselivsanlegg – ikkje
”privathytter”. Vidare at byggeområdet på sørsida måtte reduserast vesentleg i
forhold til forslaget – og avgrensast til austlege delen.
Kystverket, høyringsuttale dat. 15.06.06.
Det vert signalisert at det ikkje kan påreknast at ny
aktivitet langs fjorden vil kunne nyttast som argumentasjon for restriksjonar
på båttrafikken, t.d. særskilte fartsbestemmelsar.
Reguleringsføresegnene gjev høve til bygging av mindre
anlegg som brygge, båtopptrekk etc, som har tilknyting til bygg på land.
Særskilt vert det gjort merksam på at alle tiltak i sjøen
skal handsamast og evt. gjevast løyve til etter ”Lov om havner og farvann”. Då
kommunen har ikkje oppretta eige hamnedistrikt, og det er såleis Kystverket som
handsamar slike tiltak etter lova.
Det vert bede om at føresegnene sin § 4, som gjeld
sjøarealet (spesialområdet ”friluftsområde i sjø”), tek inn teksten ”Før tiltak
i sjø vert sett i verk, skal det ligge føre løyve etter ”Lov om havner og
farvann”.
Kystverket er i tvil om kva ligg i aktiviteten ”sjøorientert
turistretta næring” på område for sjøbu, naust og meinar at plan og føresegner
bør bruke nemninga ”naust”.
Vidare vert det gjort merksam på landbelysning må vere slik
at det ikkje influerer på lyssignal frå Selstokkneset fyrlykt, og evt. anna
nyskapt belysning ikkje medfører vanskar for navigasjon for fartøy på fjorden.
Anne Inger og Kåre Strøm, skriv dat. 14.08.07.
I sitt skriv ber godkjenner dei at dei 5
austlegaste tomtene vert tekne ut av plan når no kommunen tek reguleringsplanen
opp til sak. Det vert då 23 tomter att.
Ordførar Sandnes, mail dagsett 10.07.07
og 16.07.07.
Det går fram av mailane at det har vore møter på høgt plan i
fylket som har klare føringar for denne saka.
Referat frå møte 22.06.07 på fylkeshuset.
Av referatet går det fram at på dette tidspunkt var sprik i
uttalane i saka. Der er ei formulering i dette referatet som skal vere henta
frå referatet frå meklingsmøtet ”like vest for avsett område etter ei
hensiktsmessig grense”, men vi kan ikkje finne dette i vårt tilsendte referat
frå meklingsmøte.
Fylket vil ha ei avslutning av denne saka.
Saksvurdering og konklusjon:
I høve utvalet sitt vedtak i sak 041/07 i punkta 1-3 vert
det tilrådd følgjande:
Punkt 1: Byggeområde under kote 11 går ut av planen i
samsvar med konklusjon i mekling med fylket. Alternativt kan ein vente med å
fremme planen til problematikken omkring flodbølgja er avklara.
Punkt 2: Det er innarbeid i reguleringsføresegnene i samsvar
med utvalet sitt vedtak.
Punkt 3: Mekling i saka er gjennomført i samsvar med utvalet
sitt vedtak.
Når det gjeld å justere planen med 5 hyttetomtar mindre, ved
at område F3 (2 tomtar) og dei 3 austlegaste av område F2, som godkjent av
Strøm i sitt skriv, vil dette vere på tvers av slik ein tolkar referatet frå
meklingsmøtet om byggeområde på sørsida av Vikaberget, men som i etterkant ser
ut for å vere klarert med fylkesordførar og fylkesdirektør.
At Strøm som grunneigar skrifteleg har bede om endringa
reguleringsplanframlegget med desse 5 tomtene, gjer at det ikkje skal vere
naudsynt med ny offentleg utlegging før ein gjer vedtak i saka.
Når ein tek ut dei aktuelle 5 tomter vil det vere 22
hyttetomter att ( ein tomt av område F6 ligg under kote 11).
Reint praktisk vil det vere slik at justeringane av planen
no må gjerast manuelt på A3-format, då det ikkje er mogeleg å få
oppteikna/justert dette til planutvalet sitt møte (firma står for
kartframstillinga), men eit justert
normalt reguleringsplankart for Vikaberga må ligge føre til kommunestyret skal
gjere vedtak i saka.
