Møtebok
Tilbygg fritidshus gnr 1,
bnr 30 – klage - Kirsti
Longva
|
Saksnr.
utval
|
Utval
|
Møtedato
|
|
059/07
|
Driftsutvalet
|
29.08.07
|
Utsendte saksdokument:
Klage dat. 14.06.07 m/vedlegg frå Kirsti Helen Longva
Ikkje utsendte
saksdokument:
Situasjonsplan, M=1:1000, som syner tilbygg
Situasjonsplan , M=1:1000, som syner eksisterande
bygningsplassering
Plan- og fasadeteikningar av tilbygg.
Søknad dagsett 19.02.07
Kommunen sitt brev av 15.02.07
Byggemelding (skjema)
Kvittering for nabovarsel
Sak 041/07, møte 23.05.07, driftsutvalet
Driftsutvalet har vurdert innkomen klage dagsett 14.06.07 på
utvalet sitt i sak 041/07 vedkomande bygging av veranda på langveggen (syd) på
gnr. 1, bnr. 30, Skorpa på Linge.
Driftsutvalet finn etter ei samla vurdering at oppført
veranda/planar ikkje stettar krava etter Plan- og bygningslova § 74 nr. 2, og
verandaen vert såleis å ta ned når tilbygget er ferdig og seinast innan
01.08.2008. Klaga av 14.06.07 vert ikkje å ta til følgje.
Saksgrunnlag:
Driftsutvalet gjorde i sitt møte den 23.05.07 i sak 041/07
slikt vedtak:
I medhald av 86 a i Plan- og bygningslova vert byggemelding sist
dagsett 19.02.07 for tilbygg på gnr. 1, bnr. 30 på Skorpa godkjent med
følgjande endring:
Veranda på langveggen (syd) på eksisterande bygning går ut.
I medhald av Veglova § 29 vert det gjeve dispensasjon for bygging av
tilbygg til eksisterande bygning på gnr. 1, bnr. 30 inntil 7,0 m frå midt av
kommunevegen på følgjande vilkår:
Kommune er utan ansvar for skade på bygning m.v. på grunn av den
reduserte avstanden til kommunevegen.
Det ligg føre klage på driftsutvalet sitt vedtak i sak
041/07; klaga frå Kirsti Helen Longva er dagsett 14.06.07; jfr. saksvedlegg.
Klaga er komen inn i rett til høve reglane i
Forvaltningslova.
Saksopplysningar:
Klaga dat. 14.06.07, Kirsti Helen Longva.
Det er forslag om å ta vekk den høge
leveggen mot vest og å kle under verandaen med bordkledning.
Vidare er det forslag om å plante i forkant av verandaen for
å gjere den mindre synleg.
Det vert poengtert at verandaen på den gamle huset har same
”uttrykket” som verandaen på tilbygget vil få.
Etter klagaren sitt skjønn er ikkje arkitekturen på det
gamle huset særleg god.
I samband med saksutgreiinga i sak 041/07 leigde som kjent
kommunen inn arkitekthjelp for å vurdere det som låg føre i byggemeldinga med
tillegg av bilder teke i område av eksisterande veranda; dette utifrå at Linge
har for kommunen ein spesiell status som grend når det gjeld kulturlandskap og
byggeskikk.
Området Lingebugen ligg dessutan nær nasjonal turistveg
(riksveg 63) og ”Skorpa” er svært synleg for dei farande både på veg og sjø.
På ny har kommunen leigd inn arkitekthjelp for å vurdere det
føreliggande i klaga av 14.06.07 frå Longva på driftsutvalet sitt vedtak i sak
041/07.
Saksvurdering og konklusjon:
Norddal kommunen har arbeidd aktivt med byggeskikk sidan på
slutten av 1980-talet. Kommunen har oppretta byggeskikkpris, tilskotsordninga
”fri arkitekthjelp” og har utarbeidd heftet ”Byggeskikk og estetikk”. Såleis
var det naturleg for kommunen å innhente arkitektfagleg bistand (sivilarkitekt)
i denne klagesaka.
Reint fagleg er konklusjonen at eksisterande
verandakonstruksjon langs langveggen mot syd på eksisterande bygning, ser ein
på etter ein samla vurdering som uheldig totalt sett for huset og omgivnadane,
og kan ikkje aksepterast slik den er/planlagt.
Det kan derimot aksepterast ein vesentleg mindre veranda på
langveggen; ein slik veranda må klart underordne seg huset i omfang og
fasadeuttrykk.
Dersom driftsutvalet vel å ikkje ta klaga til følgje, vert
saka på vanleg måte å sende over til Fylkesmannen for avgjer.
