Møtebok
Deling av grunneigedom gnr
11, bnr 4 - Nils
og Nelly Gjerde
|
Saksnr.
utval
|
Utval
|
Møtedato
|
|
040/07
|
Det faste utvalet for plansaker
|
27.08.07
|
Utsendte saksdokument:
Ikkje utsendte
saksdokument:
Søknad frå Nelly og Nils Gjerde, dagsett 20.11.06
Kartutsnitt, M=1:2000
Gjenpart av nabovarsel (20.11.06)
Gjeldande kommuneplan, arealdelen
Notat frå næringssjef Klokkehaug av 16.01.07
Sak 021/07, møte 13.03.07, Det faste utvalet for plansaker
Klage dat. 07.04.07 frå Nelly og Nils Gjerde
Sak 028/07, møte 14.05.07, Det faste utvalet for plansaker
Sak 072/07, møte 06.06.07, formannskapet
Rådmannen si innstilling:
Det faste utvalet for plansaker har til hensikt å gi
dispensasjon frå arealdelen av kommuneplanen for at tomt til nytt bustadhus på
gnr. 11 bnr. 4 på Gjerde i Valldal kan delast frå i samsvar med søknad dagsett
20.11.06.
Handsaming i Det faste utvalet for plansaker 27.08.07:
Forslag frå Signe Brenna:
Det faste utvalet for plansaker vil gå imot å gje
dispensasjon frå arealdelen av kommuneplanen for tomt til bustadhus på gnr 11,
bnr 4 på Gjerde i Valldal, slik det er bede om i søknad datert 21.11.06.
Bakgrunnen for avslaget er tomta si plassering, i nær tilknyting til
tunområdet.
Røysting:
Vedtak i samsvar med innstillinga med 5 mot 2 røyster
Mindretalet røysta for forslaget frå Signe Brenna
Det faste utvalet for plansaker har til hensikt å gi
dispensasjon frå arealdelen av kommuneplanen for at tomt til nytt bustadhus på
gnr. 11 bnr. 4 på Gjerde i Valldal kan delast frå i samsvar med søknad dagsett
20.11.06.
Saksgrunnlag:
Søknaden av 20.11.06 gjeld løyve til å dele frå tomt på om
lag 1 daa. til tomt for nytt bustadhus på gnr. 11, bnr. 4 på Gjerde i Valldal.
Det er son til grunneigarane som vil bygge på tomta.
I gjeldande kommuneplan arealdelen er området avsett til
LNF-område der spreidd busetnad er tillate.
Møre og Romsdal fylke har skriftleg klargjort (mail av
27.06.07) at ei slik sak skal handsamast som dispensasjon frå arealdelen av
kommuneplanen, då det for den einskilde tomt skal vere konkret i høve omfang og
lokalisering.
Saksopplysningar:
Som det går fram av saksdokumenta har denne saka hatt ei
noko lang vandring med vedtak i Det faste utvalet for plansaker og
formannskapet; jfr. ikkje utsendte vedlegg.
I møte den 06.06.07 i sak 072/07 gjorde formannskapet
følgjande fleirtalsvedtak:
- Norddal kommune viser til § 12 i
jordlova og gir løyve til frådeling av omsøkte parsell på ca 1 daa.
- Av busettingsomsyn vil det vere riktig
å godkjenne frådeling i denne saka. Det er også lagt vekt på at ei
frådeling er positivt for tilflyttinga til bruket, og at den som skal
tilflytte bruket har odel på heile landbrukseigedomen.
Saksvurdering og konklusjon:
Arealbruken er i samsvar med gjeldande arealdel av
kommuneplanen.
Saka er avklara i høve det landbruksfaglege og det ligg føre
løyve etter § 12 i jordlova (sak 072/07 i formannskapet).
Ein rår til etter ei samla vurdering at det kan gjevast
dispensasjon frå arealdelen i kommuneplanen i denne saka. Vedtak med heimel i §
7 i PBL (dispensasjon) kan gjerast av utvalet etter at saka har vore til uttale
etter dei vanlege sakshandsamingsreglane.
Sjølve søknaden om å dele frå skal handsamast på vanleg måte
etter PBL.
