|
|
NORDDAL KOMMUNE |
Arkiv: NF-SMO
Saksmappe: 06/00496-2
Sakshandsamar: Torill Monstad Dato: 15.08.2006 |
Søknad om støtte til båten
Marco Polo
|
Utval |
Møtedato |
|
|
Formannskapet |
21.08.06 |
|
|
106/06 |
Formannskapet |
16.10.06 |
Utsendte saksdokument:
Kopi av søknaden
Nytt vedlegg datert 09.10.06, samt stipulert driftsbudsjett for 2007
Søknaden vert innvilga med kr 89.000, som i hovudsak skal gå til marknadsføring og mindre investeringar. Tilskotet skal ikkje gå til intern fakturering av kurskostnader.
Handsaming i Formannskapet 21.08.2006:
Ordføraren kom med slikt forslag:
1. Saka vert utsett.
2. Saka vert teken opp på nytt når det ligg føre driftsbudsjett med likviditetsoversikt og ei stadfesting på fullfinansiering av prosjektet.
Røysting:
Samrøystes i samsvar med ordføraren sitt forslag.
Søknaden vert innvilga med kr 89.000, som i hovudsak skal gå til marknadsføring og mindre investeringar. Tilskotet skal ikkje gå til intern fakturering av kurskostnader.
Næringsfondsakene vert lagt fram som individuelle saker, men med ei orienteringssak som skal bidra til å skape oversikt over innkomne søknader og lette prioriteringa.
Namn på bedrifta: Marco Polo.
Eigarar: Mari og Svein Ruset-Moland
Etablert: Dette næringslivstiltaket er etablert i 2006. Tiltaket er likevel ikkje etablert som eige selskap, men går under enkeltpersonforetaket til Svein Ruset-Moland, Moland Kompetanse og Rådgiving.
Bransje: Servicenæring/reiseliv/transport.
Tilsette: Ingen tilsette til no. Eigarane planlegg å alltid ha to personar på arbeid, og ser for seg å leige inn arbeidskraft som kan føre båten, servere og guide. Båtførarane må minimum ha båtførarprøven, samt intern sikkerheitsopplæring.
Tidlegare tildelingar: Dette er eit nytt tiltak, som ikkje har fått støtte frå næringsfondet før. Men eigaren av bedrifta, Svein Ruset-Moland, har fått støtte frå næringsfondet både i 2005 og 2006 til bedrifta Moland Kompetanse og Rådgiving (MKR) på til saman kr 60.000.
Søkt om:
Det vert søkt om støtte til investeringar og marknadsføring av fjordturer med yachten Marco Polo på 45 fot. Søknadssummen er kr 400.000 fordelt på kr 200.000 i år 2006, og kr 100.000 i år 2007 og 2008.
Totalkostnaden med innkjøp og klargjering av båten er rekna å verte ca kr 1.600.000, sjå budsjett. Det vil seie at søknadssummen er rundt 25 % av totalkostnaden.
Investeringane gjeld kostnader knytt til sertifisering, godkjenning, sikkerheitsopplæring for personellet, samt intern opplæring knytt til sikkerheit, service og kvalitetssikring.
Det er tenkt at båten skal liggje tilgjengeleg i Valldal i sommarsesongen, med ein skipper og ein guide klar, samt ta turar som er førehandsbestilt. Det er òg tenkt at dette kan vere ein del av det tilbodet MKR har til sine kundar. Dei reknar at dei allereie i 2006 vil vere på marknaden, og ta turar på slutten av sesongen.
Dei ynskjer å servere både mat og drikke om bord, og skal søkje om servering- og skjenkebevilgning. Dei har allereie vore i kontakt med Mattilsynet.
Dei har søkt om godkjenning frå Sjøfartsdirektoratet om konsesjonsfri skysstrafikk med inntil 12 personar. Etter ein samtale med Sjøfartsdirektoratet i Ålesund, kjem det fram at dei har fått godkjenning, men må utføre mindre sikkerheitsmessige forbetringar.
Norddal kommune er svært nøgd med at ein no ser potensialet i Norddalsfjorden. Dette er ei god utvikling, som kan bidra til at kommunen kan samarbeide betre for ei auka næringsutvikling og eit auka næringsgrunnlag.
No har næringsfondet støtta eit liknande tiltak i 2005, jamfør søknaden til Vidar Hareide. Han fekk kr 200.000 i 2005, samt kr 100.000 i 2006 og 2007. Dette er òg noko som søkjar viser til. Hareide har kjøpt ein båt som skal nyttast til fiske om vinteren, og til guiding, taxibåt og skyss i sommarsesongen. Han skal ikkje liggje disponibel slik Marco Polo er tenkt, men baserar seg i større grad på førehandsbestillingar.
Spørsmålet er då om det er konkurransevridande å gje støtte til Ruset-Moland sitt prosjekt òg.
Dersom ein ser til andre offentlege organisasjonar som yter tilskot, som til dømes Innovasjon Noreg, så støttar ikkje dei tiltak som vert vurdert å vere konkurransevridande.
Det kan òg stillast spørsmålsteikn ved å gå inn og støtte prosjektet i stor monn sidan det truleg kun vil vere i drift i rundt 3-4 månadar i året.
Eit tilbod om båtskyss over fjorden er etterspurt, særleg på sommarstid. No er det fleire verksemder som tilbyr transport på fjorden, ein av desse 62 ° Nord med ruter mellom dei fleste bygder i kommunen, med mulegheit for ilandstigning etter ynskje.
Rådmannen vil gjerne signalisere at ein er svært glad over at næringsaktørar tek initiativ og etablerar ulike verksemder og tiltak. Men dette kan ikkje bety at alle skal få store tilskot frå næringsfondet. Konklusjonen vert at ein ynskjer å støtte delar av søknaden, dvs det som i hovudsak går til marknadsføring og mindre investeringar. Tilskotet skal ikkje gå til intern fakturering av kurskostnader. Rådmannen innstiller på at søknaden får eit tilskot på
kr 89.000.
|
Stig Holmstrøm |
|
|
rådmann |
|
|
|
|
|
|
|
