NORDDAL KOMMUNE

Arkiv: U00

Saksmappe: 06/00022-6

Dato: 15.08.2006

Møtebok

Andre fordeling av næringsfondsaker 2006

Saksnr. utval	Utval	Møtedato
085/06	Formannskapet	21.08.06

Utsendte saksdokument:

Vedtektene og retningslinjene for næringsfondet.

Saksgrunnlag:

Jamfør vedtak i kommunestyret 10.03.04, sak 15/04, om retningslinjer for næringsfondet skal søknader til næringsfondet sakshandsamast kvartalsvis av formannskapet som er fondsstyre. Søknadsfristen skal annonserast, og for andre kvartal 2006 var denne 30. juni. Pr. første halvår skal ein i regelen nytte om lag halvparten av disponibel kapital.

Sakene vert lagt fram som individuelle saker, med denne orienteringssaka som skal bidra til å skape oversikt over innkomne søknader og lette prioriteringa.

Saksopplysningar:

For 2006 er det sett av totalt kr 1.794.638 i budsjettet for næringsfondet til fordeling til næringslivet i kommunen. I tillegg har administrasjonen trekt tilbake nokre tilskot, slik at total potten vert på totalt kr 2.194.638. Dette vart formannskapet orientert om i orienteringssaka knytt til første tildeling av næringsfondet 2006. I tillegg er det allereie bevilga kr 1.009.000 til ulike tiltak av 2006-potten. Til saman er det totalt kr 1.185.638 til fordeling i 2006.

Delt på fire søknadsomgongar vart det ca kr 296.000 til disposisjon i første kvartal. Formannskapet valde å dele ut kr 316.000 i første kvartal. Dette betyr at ein då har

kr 869.638 igjen til fordeling. Delt på dei tre siste fordelingsrundane er det då kr 289.879,33, avrunda til kr 289.000 til fordeling i dette kvartalet.

Oversikt over innkomne søknader andre kvartal 2006:

Nr	Søkjar	Tiltak	Søknads sum	Totalkostnad
1	Mari og Svein Ruset-Moland	Støtte til investeringar og marknadsføring av fjordturer med yachten Marco Polo	400 000	1 600 000
2	Valldal Auto-Maskin	Støtte til bygging av vaskeanlegg	150 000	235 000
3	Utvikling Fjørå AS	Støtte til bygging av småbåthavn i Fjørå	450 000	1 075 800
		Til saman	1 000 000	2 910 800

Stig Holmstrøm
rådmann