Møtebok
Dispensasjon frå kommuneplan
- deling av grunneigedom gnr. 8/4
|
Saksnr.
utval
|
Utval
|
Møtedato
|
|
048/06
|
Det faste utvalet for plansaker
|
21.08.06
|
Utsendte saksdokument:
Møre og Romsdal fylke, fråsegn dat. 26.06.06
Statens vegvesen, uttale dagsett 23.06.06
Ikkje utsendte
saksdokument:
Sak 031/06 i Det faste utvalet for plansaker
Søknad i brev av 03.04.06
Kartutsnitt dat. 23.03.06
Søknad (skjema) m/vedlegg dagsett 03.04.06
Gjeldande kommuneplan, arealdelen
Handsaming i Det faste utvalet for plansaker 21.08.2006:
Signe Brenna sette fram slikt forslag:
På grunn av argumentasjonen frå fylket går Norddal planutval
mot deling.
Røysting:
4
røysta for innstillinga
3
røysta for forslaget frå Signe Brenna
--------------------------------Dette er slutten på
behandlingsteksten (denne teksten skrives ikke
ut)------------------------------------------------
Saksgrunnlag:
Det faste utvalet for plansaker gjorde i møte 08.05.06 i sak
031/06 slikt vedtak:
Det faste utvalet for plansaker har til hensikt å
dispensasjon frå arealdelen av kommuneplanen for at eksisterande bustadhus på
gnr. 8, bnr. 4 på Tegane i Valdal kan delast frå i samsvar med søknad dagsett
03.04.06.
På vanleg måte vart planutvalet sitt vedtak gjort kjent og
det ligg føre to fråsegner i saka; jfr. saksvedlegg.
Saksopplysningar:
Møre og Romsdal fylke, fråsegn dat. 26.06.06
Fylket kan ikkje sjå at det er særlege grunnar tilstades for
å kunne dispensere i denne saka. Fylket finn det uheldig at det vert delt frå
eit frittståande hus i nærleik til tun/produksjon og viser vidare til at huset
til no har gjeve leigeinntekter og at ei frådeling vil svekke ressursane på
bruket.
Statens vegvesen, uttale dagsett 23.06.06
Vegvesenet har ikkje merknader til ei frådeling som omsøkt.
Vegvesenet gjer merksam på at denne frådelinga kan gjere det vanskelegare å få
skilt frå ytterlegare frå hovudbruket eller å få byggje hus nr. 2 på bruket
seinare.
Saksvurdering og konklusjon:
Søknaden av 03.04.06 gjeld løyve til å dele frå tomt på om
lag 1 daa. med påståande bustadhus på gnr. 8, bnr. 4 på Tegane, Valdal.
I gjeldande kommuneplan arealdelen er området avsett til
LNF-område der spreidd busetnad er tillate.
Sjølv om kommuneplanen arealdelen tilseier føremålet det her
vert søkt om, må saka likevel ha dispensasjon frå planen då den landbruksfaglege
delen av saka skal vere ivareteken.
Næringssjefen har hatt saka til uttale; næringssjefen har
igjen merknader i høve det landbruksfaglege til at det eksisterande bustadhuset på gnr. 8/4 kan delast frå med ein
tomt på 1 daa. slik det er søkt om.
I denne saka har Møre og Romsdal fylket gjennom si fråsegn
av 26.06.06 eit klart anna syn enn den landbruksfaglege og planutvalet i
kommunen.
I kartutsnittet som ligg ved denne søknaden om å dele frå
dette bustadhuset går det fram at ein får produksjonsareal på tre kantar av
hustomten.
Vår arealdel av kommuneplanen har som prinsipp LNF-område
der spreidd busetnad er tillate for alle grender/gardar. Såleis vil ein, dersom
ein skal gjennomføre arealplanen sine prinsipp, få produksjons-areal rimeleg
nær busetnaden med dei ulemper det kan ha (lukt, støy osv.). Det positive for
grendene er at dei kan vert folkerikare.
Ein har stor forståing for Fylket sitt syn i saka, men
utifrå dei prinsipp som er vedtekne i gjeldande arealplan og ei samla
vurdering, vel ein å rå til at dispensasjon kan gjevast i denne saka.
