Handsaming i Det faste utvalet for plansaker 21.08.2006:
Arne Sandnes sette fram slikt forslag:
Saka vert utsett til ein har revidert hyttemeldinga.
Røysting:
3 røysta for forslaget frå ordføraren som fall.
Signe Brenna sette fram slikt forslag:
- Planutvalet
i Norddal kommune ynskjer ikkje å gå inn på prinsippet om auka hytteareal
i allereie vedtekne reguleringsplanar.
Vi viser til at mindre
utbyggingar kan det søkjast dispensasjon for i kvart enkelt høve.
- Norddal
kommune bør snarast råd få ein sams politikk på hyttestorleiken i høve til
utbyggingsprosjekt.
Utnyttingsgrad av tomta er den
som er enklast å handtere.
Røysting:
6 røysta for innstillinga
1 røysta for forslaget frå Signe Brenna
Signe Brenna ønskte å få fram mindretalsanke til
kommunestyret.
Dette fekk 1 røyst.
--------------------------------Dette er slutten på
behandlingsteksten (denne teksten skrives ikke
ut)------------------------------------------------
Saksgrunnlag:
Det faste utvalet for plansaker gjorde slikt vedtak i møte
29.05.06, sak 033/06:
I medhald av § 27-1 i Plan- og bygningslova vedtek Det faste utvalet for plansaker å fremme
forslag til reguleringsendring for
Hyttefelt på Linge, gnr. 1, bnr. 1.
Endringa gjeld å auke hytteareal til inntil 20 % BYA.
Forslaget til reguleringsendring vert lagt ut til ettersyn i perioden
31.05. – 23.06.06.
Eventuelle merknader skal vere skriftleg og sendast Norddal kommune,
Det faste utvalet for plansaker, Rådhuset, 6210 Valldal.
På vanleg måte (jfr. § 28-1 nr. 4 i PBL), ved annonsering i
avisene Sunnmørsposten og Storfjordnytt samt ved eige brev til alle eigarane av
hytteeigedom i feltet, vart vedtaket i planutvalet i sak 033/06 gjort kjent.
Frist for eventuelle merknader var sett til 23. juni 2006.
Saksopplysningar:
Reguleringsføresegnene § 2.1 for Hyttefelt på Linge har
mellom anna slik ordlyd:
-Tillate bebygd areal
BYA=10% i 1 etasje + loftsplan, maksimalt 100 m2 BYA.
Der tomtane er små og
landskapet tilseier at det kan byggast større enn BYA=10% kan dette godtakast.
Det kan i tillegg
oppførast eit frittståande uthus med tillate bebygd areal BYA=10 m2 i ein etasje.
Reguleringsplanen for hyttefeltet er frå 1997 med ei
revidering av plan og føresegner i 2001.
Det som løyser ut denne saka er ynsket frå eigar av tomt nr.
12 i feltet, Svein Hellandsvik, om å lage takoverbygde uteplassar og såleis
overskride reguleringsplanen sine krav om maksimalt 100 m2 BYA.
Søknaden går på at ein skal gå over til å definere
utnyttingsgrad på tomta til 16,5 % BYA.
Det er ikkje registrert innkomne merknader i saka.
Saksvurdering og konklusjon:
Fleire av tomtane i dette hyttefeltet har ein storleik på
700-800 m2 og ein utnyttingsgrad på til dømes 16,5 % BYA vil då tilsvare 115
m2– 132 m2 BYA.
Det har vore klare politiske signal om å akseptere større
hytter enn tidlegare i kommunen, og i dei nyaste hyttefelta har ein hyttestorleik på BYA 20 % (Hagardshjellen)
og BYA 25% (Lingås).
Administrasjonen har lenge hatt den haldninga til storleik
på bygningar, at det er tomten sin storleik og form m.v. som skal vere
avgjerande for storleiken på bygninga.
Ideelt sett burde reguleringsplanane ha vore så
gjennomarbeidde at hovudform på bygget, storleik og etasjetal var fastsett for
den einskilde tomt. Då hadde det også vore lettare å gjere dei tilreisande
nybyggarane innblikk i vår byggeskikk og tradisjon.
Det synest å vere ein generell tendens å bygge maksimalt
tillate, og arealreglane (BYA) gjer då til dømes at på ein tomt der det fagleg
var best å bygge i vidda, vert i staden i bygt i høgda. Altså vi får eit meir ruvande bygg i staden for
eit som ligg mot terrenget.
I denne saka rår ein til at i medhald av Plan- og
bygningslova vedtek Det faste utvalet
for plansaker forslag til
reguleringsendring for Hyttefelt på Linge, gnr. 1, bnr. 1.
Endringa gjeld å auke hytteareal til inntil 20 % BYA.
