Møtebok
Reguleringsplan Norddal
Sentrum - Dispensasjon
|
Saksnr.
utval
|
Utval
|
Møtedato
|
|
049/06
|
Det faste utvalet for plansaker
|
21.08.06
|
Utsendte saksdokument:
Møre og Romsdal fylke, fråsegn dat. 09.06.06
Statens vegvesen, uttale dagsett 26.05.06
Ikkje utsendte
saksdokument:
Reguleringsføresegner, Norddal Sentrum
Utsnitt av reg.plan Norddal Sentrum
Rådmannen si innstilling:
I medhald av § 27-1 i Plan- og bygningslova vedtek Det faste
utvalet for plansaker å gje dispensasjon frå reguleringsplanen Norddal Sentrum,
slik at gnr. 49/31 kan oppføre tilbygg i 3 m breidde til eksisterande uthus
nord for fylkesvegen i samsvar med søknad dat. 20.02.06.
-----------------------------------------------------
Saksgrunnlag:
I møte den 08.05.06 i Det faste utvalet for plansaker vart
det i sak 030/06 vart det gjort følgjande vedtak:
Det faste utvalet for plansaker har til hensikt å gje dispensasjon frå
reguleringsplanen Norddal Sentrum, slik at gnr. 49/31 kan oppføre tilbygg i 3 m
breidde til eksisterande uthus nord for fylkesvegen i samsvar med søknad dat.
20.02.06.
Særleg grunn for dispensasjon er at friområdet har vore regulert i 26
år utan å vere aktuelt, og at eventuelle framtidige behov for friområde kan
gjerast ved å endre tilsvarande regulert industriområde.
Saka har på vanleg måte vore lagt fram for uttale og det
ligg føre 2 fråsegner, frå Møre og Romsdal fylke og Statens vegvesen.
Saksopplysningar:
Saka har sitt utspring i at det til kommunen ligg føre
søknaden frå Jorunn Yttredal v/Jan Kåre Eide om eit tilbygg i 3 m breidde til
garasje/lager for gnr. 49/31 på vestsida av eksisterande uthus (tidlegare fjøs)
på nordsida av fylkesvegen.
Søkjar ser ikkje andre aktuelle plasseringar for garasje på
eigedomen.
Gjeldande reguleringsplan for Norddal Sentrum vedteken i
1980 har det aktuelle arealet for tilbygg avsett til friområde, og såleis må
saka planavklarast før byggemelding kan handsamast.
Møre og Romsdal fylke, fråsegn dat 09.06.06
Fylket vil gå i mot
søknaden. Det vert mint om at eventuelt vedtak om dispensasjon ikkje vil
oppheve gjeldande reguleringsplan. Vidare skriv fylket ved eventuell endring av
gjeldande plan med sikte på
lokalisering av nytt friområde innan området, bør rikspolitiske
retningslinjer for å styrke barn og unges interesser vektleggast.
Statens vegvesen, fråsegn av 26.05.06
Vegvesenet vil ikkje klage på eit vedtak om dispensasjon i
denne saka. Det er ikkje ei ideell løysing å ha garasje og hus på kvar side av
vegen, men utifrå at trafikkmengda på staden er liten kan dette aksepterast.
Vegvesenet minner om at løyve til avkøyrsle må handsamast i tråd med Veglova om
det vert gjeve dispensasjon frå reguleringsplanen.
Saksvurdering og konklusjon:
Det regulerte friområdet i Norddal Sentrum nord for
fylkesvegen er knapt 20 m lang og 5 m breitt og var avsett for å kunne plassere
informasjonstavle, rastebord og liknande. Det står eit gamalt morellbærtre på den
vestlege delen av området. Om lag 5 m (aust) av lengda på området ligg under
gnr. 49/31. Det føreligg ikkje merknader frå naboane i saka.
Kommunen har ikkje registrert ynskjer om å plassere noko på
det regulerte friområdet sidan planen var vedtek for vel 26 år sidan.
Korkje Møre og Romsdal fylke eller Statens vegvesen vil gå
imot at kommunen gjer vedtak om dispensasjon i denne saka.
Etter ei samla vurdering av plansituasjonen i Norddal
Sentrum og søknaden om å bygge eit tilbygg for garasje/uthus til eksisterande
uthus på gnr. 49/31, finn ein å kunne rå til at det vert gjeve dispensasjon frå
reguleringsplanen i denne saka.
Eit vedtak om dispensasjon ikkje vil oppheve gjeldande
reguleringsplan.
Sjølve byggesaka må handsamast på vanleg måte etter Veglova
og Plan- og bygningslova.
