Møtebok
Klage - Oppføring av
sjølvaskeanlegg for bilar gnr 4, bnr 61
Valldal
Auto-Maskin
|
Saksnr.
utval
|
Utval
|
Møtedato
|
|
012/07
|
Driftsutvalet
|
28.02.07
|
Utsendte saksdokument:
Klage frå Valldal Auto-Maskin dagsett 14.11.06
Brev til Fylkesmannen frå Valldal Auto-Maskin dat. 11.12.06
Brev til Valldal Auto-Maskin av 07.12.06 (m/kopi til
Fylkesmannen)
Notat frå møte 01.12.06 med Fylkesmannen/BE/kommunen m.fl.
Sak 086/06, møte 30.10.06 i Driftsutvalet
Ikkje utsendte
saksdokument:
Sak 059/06 – Det faste utvalet for plansaker
Klage frå Valldal Auto-Maskin dat. 14.09.06
Sak 053/06 – Det faste utvalet for plansaker
Søknad frå Valldal Auto-Maskin dat. 09.08.06
Kart som syner påtenkt plassering av vaskeanlegg
Teikning av overbygt vaskeanlegg
Kvittering for nabovarsel
Brev frå Miljøverndepartementet av 09.05.06
Saksgrunnlag:
Det ligg føre klage på frå Valldal Auto-Maskin på vedtaket i
sak 086/06 i Driftsutvalet; jfr. vedlagte klage dagsett 14.11.06.
Kommunen sitt brev til Valldal Auto-Maskin av 07.12.06
m/kopi til Fylkesmannen i Møre og Romsdal; jfr. saksvedlegg.
Valldal Auto-Maskin sitt brev datert 11.12.06 til
Fylkesmannen m/kopi til kommunen; jfr. vedlegg i saka.
Saksopplysningar:
I møte den 30.10.06 gjorde Driftsutvalet i sak 086/06 slikt
vedtak:
Driftsutvalet viser til vedtaket i Det faste utvalet for
plansaker i sak 059/06 der det mellom anna vart gjeve dispensasjon frå bygge-
og deleforbodet på Murigrandane.
Driftsutvalet finn etter ei samla vurdering etter § 68 i
PBL at før vilkår om beredskapstiltak mot flodbølgjer er fastsett, kan det ikkje gjevast byggeløyve for
planlagt vaskeanlegg i samsvar med søknad dat. 09.08.06 frå Valldal Auto-Maskin
slik risiko er fastsett no.
Så snart vilkår om beredskapstiltak mot flodbølgjer er
fastsett for Murigrandane/dette tiltaket, vil søknaden om byggeløyve verte
handsama.
Driftsutvalet ber om at vaskeanlegget si takform vert
sett inn i ei totalvurdering av framtidig takform/fasadeuttrykk for bygning på
eigedomen.
Klaga frå
Valldal Auto-Maskin v/Randi og Jostein Tafjord på vedtaket i sak 059/06 i
Driftsutvalet er komen i rett tid i høve reglane i Forvaltningslova.
Klagar tek føre
seg kommunen si vurdering om kva fareklasse bygget skal plasserast i, og
uttrykkjer at administrasjonen burde i den samanhengen kontakta Valldal
Auto-Maskin.
Vidare reiser klagar spørsmål om det er skilnad i
sakshandsaming dei siste åra for bygg på Murigrandane og nemner Næringshagen og
Muritunet som eksempel.
I klaga av
14.11.06 vert det bede om at byggeløyvet for sjølvaskeanlegget for bilar vert
vurdert på nytt, og meinar at denne utbygginga ikkje vil representere ein auka
risiko, då kundane er der også utan vaskeanlegget.
Når det gjeld
det estetiske med utbygginga, opplyser klagar at den viste takforma på
vaskeanlegget er tenkt i høve framtidig oppgradering av verkstad-/butikkbygg.
Saksvurdering og konklusjon:
§ 68 i PBL om byggegrunn, miljøforhold har i første avsnitt
slik ordlyd:
”Grunn kan bare deles eller bebygges dersom det er
tilstrekkelig sikkerhet mot fare eller vesentleg ulempe som følge av natur-
eller miljøforhold.”
I alle saker som vedkjem § 68 i PBL, dette gjeld tryggleik i
høve snøskred, steinsprang, flodbølgje mv., har det vore vanleg og naturleg å
nytte Fylkesgeologen som fagleg rådgjevar, noko som også vart gjort i denne
saka. Den spisskompetanse som Fylkesgeologen har er naturleg å legge til grunn
når administrasjonen utgreiar slike saker for politisk handsaming, men det er
kommunen som gjer vedtaket og står
ansvarleg for sitt vedtak.
I etterkant av vedtaket i denne saka vart det den 01.12.06
halde eit møte på Molde mellom Fylkesmannen, Statens bygningstekniske etat,
Åknes/Tafjord prosjektet, m.fleire samt kommunen representert med ordførar,
rådmann og planansvarleg; jfr. vedlagte notat frå møtet.
Vidare kan det opplysast at kommunen har fått opplyst frå
Fylkesmannen sitt kontor at dei aktuelle kommunane i høve flodbølgja vil verte
kalla inn til eit fellesmøte, men det ligg enno ikkje føre noko innkalling for
dette.
Viktige milepelar på Murigrandane for administrasjonen i
høve handsaming/vurdering av aktuelle byggesaker er vedtaket om bygge- og
deleforbod for området (vedtak 24.04.06 i Det faste utvalet for plansaker).
Når det gjeld dei estetiske tilhøva på Grandane generelt,
kan ein vel uttrykke at her finn ein bygningar i mur og stål med flate tak,
mønetak med varierande takvinkel osv. Frå Valldal Auto-Maskin si side har vi
kun deira ord om framtidsplanane for verkstad-/butikkbygget med anna takform og
kan såleis ikkje godt vurdere om bygningane vil ”spele på lag”. Generelt kan
ein vel seie at bensinstasjonar osv. ikkje har gode tradisjonar å vise til når
det gjeld estetisk utforming, og så lenge nabobygningar har svært varierande
form og materialbruk, er det ei relativ vanskeleg arkitektoppgåve å få til
”samspelet mellom bygningane” på Murigrandane.
Ein kan vel i denne omgang seie det slik at eit
sjølvaskeanlegg av denne storleik, uavhengig av forma på nabobygg, neppe vil
verte det bygget som vil dominere det estetisk bilde, men at det er ynskjeleg
at bygningane i området har god estetikk.
Ein antek og føreset at reguleringsplanen for området
Murigrandane som er under arbeid tek opp i seg også dei estetiske spørsmål.
Slik denne byggesaka står i høve vurderinga av tryggleiken
etter § 68 i PBL og med manglande fellesdirektiv frå Fylkesmannen til kommunen,
kan ein ikkje rå til at klaga frå Valldal Auto-Maskin av 14.11.06 kan takast
til følgje.
Saka vert å oversende Fylkesmannen for avgjer.
