Saksgrunnlag:
Kontrollrapport frå Securitas etter utført skjenkekontroll
10.06.06.
Saksopplysningar:
Fjordheim Gjestegård hadde i samband med ”verdsarv” dans den
9. juni fått utvida skjenkeløyvet sitt for alkoholhaldig drikk med inntil 22
volumprosent alkohol. Dei hadde løyve til å skjenke fram til kl. 02.00 både ute
og inne. Dvs. at all skjenking skal opphøyre kl. 02.00 og at utskjenka alkohol
skal vere konsumert innan kl. 02.30.
Kontrollrapporten frå Securitas påpeiker brot på
alkohollova.
A
Rapporten beskriv ein
gjest som er tydeleg påverka.
Den same gjesten flytta seg sidan til eit anna bord og drakk
av ein annan gjest sit glas. Gjestane som sat ved same bordet fekk servert
alkohol.
Løyvehavar seier i si
uttale at ho hadde sagt til denne gjesten at ho ikkje fekk drikke.
B
Ein annan gjest tok med
seg eit glas øl ut av det inngjerda området kl. 02.30.
Iflg. løyvehavar var dette
ein glipp. Dørvakta var opptatt med rydding og var på kjøkkenet da vedkommande
tok med seg ølglaset og gikk. Til vanleg står det alltid folk i døra når
gjestane forlatar
huset.
C
All skjenking opphøyrte kl. 02.00. Kl. 02.30 signaliserte
ansvarshavande stengetid. Sjølv om det var stengt satt det nokre gjestar
attende ved to bord. Dei fleste av desse satt med glas framfor seg.
Kontrollørane observerte konsum av øl kl. 02.48.
Kontrollørane legitimerte seg og påpeikte at det var gjester som framleis satt
og drakk. Ansvarshavande sa da at det var bandet. Kontrollørane påpeikte at
reglane gjeld anten det var bandet eller ”vanlege” gjestar og de informerte om
at i tillegg til bandet var det også ”vanlege” gjestar som drakk.
Ansvarshavande vart tydeleg irritert på kontrollørane og ropte ut at
skjenkekontrollen var der og at alle måtte slutte å drikke. Ansvarshavande
meinte at reglane i alkohollova ikkje omfatta dei som var med i bandet som var
leigd inn.
Løyvehavar seier at ho aldri har opplevd så frekke
kontrollørar. Dei hadde eit språkbruk som ikkje var akseptabelt.
Løyvehavar vil presisere at ho er særs nøye med all
skjenking, at tidane for skjenking vert overhaldne og at ho avvisar gjestar som
er påverka.
Saksvurdering og konklusjon:
A
Jf. alkoholloven § 4 – 1 skal ikkje personar som er påverka
av rusmidlar ha adgang til skjenkestaden.
” Dersom en person
som er åpenbart påvirket av rusmidler befinner seg på skjenkestedet, har
bevillingshaver plikt til å sørge for at vedkommende forlater stedet.
Bevillingshaver har plikt til å sørge for at personer som trenger det, får
nødvendig bistand.”
§ 4 – 2 i same lov seier følgjande: ” Det må ikke
skjenkes alkoholholdig drikk til person som er åpenbart påvirket av rusmidler,
eller skjenkes på en slik måte at vedkommende antas å bli åpenbart påvirket.
Sitter flere personer sammen og en eller flere av dem er
åpenbart påvirket av rusmidler, må det ikke serveres alkoholholdig drikk til
noen av dem før den eller de påvirkede er fjernet. ”
I tilfelle A kjem det fram av rapporten at det har vore brot
på reglane i alkoholloven sin § 4 – 1
og 4 – 2.
B
Her kjem det fram frå rapporten at det har vore brot på
alkoholloven § 4 – 4.
§ 4 – 4 i alkoholloven seier at det må påsjåast at gjestar
ikkje nyt medbrakt alkoholhaldig drikk, eller tek med seg alkoholhaldig drikk
når dei forlatar skjenkestaden.
C
(Løyvet gjaldt skjenking
fram til kl. 02.00 både ute og inne. Dvs. at all skjenking skal opphøyre kl.
02.00 og at utskjenka alkohol skal vere konsumert innan kl. 02.30.) Jf. § 4-4,
5. ledd i forskrift om omsetning av alkoholhaldig drikk heiter det: ”Konsum
av utskjenket alkoholholdig drikk må opphøre senest 30 minutter etter
skjenketidens utløp.”
Det er skjenkestyrar som er ansvarleg for utøvinga av
løyvet. Han/ho skal sørgje for at verksemda er organisert slik at det ikkje
brot på reglane i alkohollova i samband med skjenking. Dette betyr at han/ho
har ansvar for at dei tilsette har naudsynt kunnskap om regelverket, at dei
følgjer regelverket som t. d. at det ikkje skjenkast til åpenbart ruspåverka
eller mindreårige. (Merknader til § 1 – 7c i alkohollova).
Alle brot på alkohollovgivninga med tilhøyrande forskrifter
kan gje grunnlag for inndraging av løyve.
Løyvehavar bør få åtvaring om at fleire avvik vil føre til inndraging av løyvet.
