NORDDAL KOMMUNE

 

Arkiv:                    NF-VAM

Saksmappe:          06/00511-4

Sakshandsamar:   Toralv Klokkehaug

Dato:                      21.06.2007

 

Møtebok

                                  

 

 

 

 

Valldal Automaskin - Omdisponering av midlar løyvd frå næringsfondet  

 

Saksnr. utval

Utval

Møtedato

086/07

Formannskapet

25.06.07

 

Utsendte saksdokument:

Søknad av 20.06.07 frå Valldal Auto – Maskin

Løyving av tilskot. Formannskapet 21.08.06, sak 088/06

 

 

Ikkje utsendte saksdokument:

 

 

 

Rådmannen si innstilling:

Norddal kommune er positiv til at løyvde midlar til Valldal Auto – Maskin på kr 150.000,- som er tenkt nytta til utandørs vaskeanlegg kan omdisponerast og nyttast til finansiering av ei ”ny” bilvaskemaskin.

 

 

Handsaming i Formannskapet  25.06.2007:

Samrøystes i samsvar med innstillinga.

 

 

 

Vedtak i  Formannskapet - 25.06.2007:

Norddal kommune er positiv til at løyvde midlar til Valldal Auto – Maskin på kr 150.000,- som er tenkt nytta til utandørs vaskeanlegg kan omdisponerast og nyttast til finansiering av ei ”ny” bilvaskemaskin.

 

 

 

Saksgrunnlag:

Valldal Auto – Maskin fekk den 21.08.06 løyvd kr 150.000,- frå næringsfondet til utandørs vaskeanlegg. Det vert no søkt om å få nytte desse midlane til utskifting av eksisterande bilvaskemaskin.

 

Saksopplysningar:

Arbeidet med etablering av eit utandørs vaskeanlegg har ikkje kome i gang på grunn av manglande byggeløyve for det tiltaket som har fått tilskot. Vidare utvikling av bedrifta blir på denne måten hindra, og ein vil no prøve å finne nye løysingar for vekst og utvikling.

 

Bilvaskemaskina som bedrifta har i dag, er langt frå tidsmessig og må skiftast ut med det første. Bedrifta har no fått eit svært godt tilbod på ei brukt maskin som har svært mange vaskeprogram.

Denne investeringa vil føre til at det ikkje er nødvendig med bygging av eit utandørs anlegg for bilvasking.

 

Valldal Auto – Maskin opplyser at dei har svært kort svarfrist når det gjeld den aktuelle maskina.

 

Saksvurdering og konklusjon:

Omdisponering av tidlegare løyvde midlar til ”ny” bilvaskemaskin er positivt for vidare drift og utvikling av bedrifta på same måten som eit utandørs vaskeanlegg. Når det no er lagt ned dele- og byggeforbod i området, er det naturleg at søkjaren vurderer andre løysingar for vidare utvikling og drift, og at løyvde tilskot kan nyttast til andre og tilsvarande tiltak som ikkje vil krevje byggeløyve.

 

 

 

Stig Holmstrøm

 

Rådmann