NORDDAL KOMMUNE

Arkiv: M00 Saksmappe: 06/00648-14 Sakshandsamar: Elisabeth Mansfield Dato: 20.06.2007

Møtebok

Forprosjekt vedk. brannstasjon/bygg for teknisk drift og miljøstasjon

Saksnr. utval	Utval	Møtedato
051/07	Driftsutvalet	27.06.07
046/07	Kommunestyret	28.06.07

Utsendte saksdokument:

Plan brann- og driftsbygning dagsett 19.06.07

Fasade og snitt brann- og driftsbygning dagsett 19.06.07

Plan og snitt miljøstasjon dagsett 19.06.07

Kostnadsoverslag brann-, drifts- og miljøstasjon dagsett 19.06.07

Ikkje utsendte saksdokument:

Rådmannen si innstilling:

1. Kommunestyret gjer med grunnlag i forprosjekt dagsett 19.06.07 over brann-, drifts- og miljøstasjon i Djupøyna vedtak om å la byggje- og anleggsnemnda straks sette i gong prosjektering og utarbeiding av anbod.

2. Ny rammekostnad blir sett til 14,2 mill inkl. mva og vert å finansiere ved hjelp av auka låneopptak i storleik 6,0 mill kr. Om lag 8 mill av heile investeringa er sjølvfinansierande låneopptak.

Handsaming i Driftsutvalet 27.06.2007:

Petter Melchior kom med slikt forslag om eit nytt pkt. 3:

Oversikt over driftskostnader blir lagt fram.

Røysting:

Samrøystes i samsvar med innstillinga og Petter Melchior sitt tilleggsforslag.

Innstilling i Driftsutvalet - 27.06.2007:

1. Kommunestyret gjer med grunnlag i forprosjekt dagsett 19.06.07 over brann-, drifts- og miljøstasjon i Djupøyna vedtak om å la byggje- og anleggsnemnda straks sette i gong prosjektering og utarbeiding av anbod.

2. Ny rammekostnad blir sett til 14,2 mill inkl. mva og vert å finansiere ved hjelp av auka låneopptak i storleik 6,0 mill kr. Om lag 8 mill av heile investeringa er sjølvfinansierande låneopptak.

3. Oversikt over driftskostnader blir lagt fram.

Handsaming i Kommunestyret 28.06.2007:

Svein Linge kom med slikt forslag til vedtak:

Kommunestyret ber Norddal Eigedomsselskap KF gå gjennom forprosjektet over brann-, drifts- og miljøstasjon i Djupøyna, og ta over ansvaret for å reise bygget.

Røysting:

16 røysta for innstillinga

3 røysta for Svein Linge sitt forslag som fall

Vedtak i Kommunestyret - 28.06.2007:

1. Kommunestyret gjer med grunnlag i forprosjekt dagsett 19.06.07 over brann-, drifts- og miljøstasjon i Djupøyna vedtak om å la byggje- og anleggsnemnda straks sette i gong prosjektering og utarbeiding av anbod.

2. Ny rammekostnad blir sett til 14,2 mill inkl. mva og vert å finansiere ved hjelp av auka låneopptak i storleik 6,0 mill kr. Om lag 8 mill av heile investeringa er sjølvfinansierande låneopptak.

3. Oversikt over driftskostnader blir lagt fram.

Saksgrunnlag:

Driftsutvalet gjorde vedtak 24.01.07 om å gå vidare med eit forprosjekt basert på skisseprosjekt dagsett 07.12.06 med endring av 17.01.07 over brann-, drifts- og miljøstasjon i Djupøyna til ein kostnadsramme av 13 mill eks mva.

Saksopplysningar:

Arkitektkontoret BBW i Molde har i samarbeid med ei arbeidsgruppe med tilsette frå FDV og PBO vidareført skisseprosjekt over brann-, drifts- og miljøstasjon i Djupøyna dagsett 07.12.06 med endring av 17.01.07 til forprosjektnivå dagsett 19.06.07. Vidareføring av planleggingsarbeidet har i denne fasen omfatta evaluering og justering frå brukarhald, formgjeving samt utarbeiding av fagvis spesifisert omfangsbeskriving inkl. tilhøyrande kostnadsoverslag.

Med forventa tillegg og sikkerheitsmargin er total rammekostnad blitt kalkulert til 14,2 mill. Arkitekten har basert sitt kostnadsoverslag på bruk av databasen til Holteprosjekt. På grunn av tidspress og store arbeidsmengder har arkitekten ikkje hatt tid til å vurdere kostnadene eller gjort mengdeberekning for å sjekke avvik.

Til nytt bygg i Djupøyna var det i 2004-05 gjort eit overslag på i overkant av 8 mill. Kommunestyret har gjeve ei samla løyving på 8,2 mill til dette bygget.

Seinare har miljøstasjon kome til. Løyving til dette føremålet er enda ikkje gjort.

I forprosjektet til fdv-bygget blir det no opplyst ein rammekostnad 9,73 mill kr. Differansen på 1,5 mill må sjåast i samanheng med omfattande prisauke over 3 år innanfor byggemarknaden og prispresset i dette entreprenørområdet særleg dei siste 2 åra. (einskilde byggevarer er stige med 40% dei siste månadene).

Miljøstasjonen er sett til ein rammekostnad på 4,5 mill, dette er i samsvar med tidlegare stipulat.

Samla gir dette ny rammekostnad på 14,2 mill inkl mva.

Driftsutvalet har i sak 7/07 sett maks ramme på 16,2 mill kr inkl mva.

Saksvurdering og konklusjon:

Ein har no kome fram til ei utforming av ein brann- og driftsstasjon som brukar kan vere tent med. Plan og fasadar syner ein enkel, rasjonell og arkitektonisk pen bygningskropp. Miljøstasjonen har i hovudtrekk same utforming og storleik som opphavleg skisseprosjekt. Om ein ser bort i frå prisauka ein no har hatt dei siste månadane innan byggje- og anleggsbransjen, syner vedlagt kostnadsoverslag at ein har greidd å halde seg under alt vedteken ramme.

Stig Holmstrøm

rådmann