Rådmannen si innstilling:
1.
Formannskapet stiller seg positive til at Rempro kan føre opp
midlertidig hall med brakke på Djupøyna
industriområde i påvente av etablering av kommunalt industriutleigebygg, jfr.
f-sak 60/60. Det vert å kome attende
til plassering og andre vilkår når ein har fått eit meir samla oversyn over
utnytting av området til hausten med eventuell justering av
tomtedelingsplanen.
2.
Etter at kommunalt næringsbygg er kome på plass, skal hallen
og brakkene fjernast.
-----------------------------------------------------
Handsaming i Formannskapet 04.07.06:
Ordføraren sette fram slikt forslag:
Pkt. 2 i innstillinga vert stroke
I pkt. 1 vert ”til hausten” stroke
Røysting:--------------------------------Dette er slutten på
behandlingsteksten (denne teksten skrives ikke ut)------------------------------------------------
Saksgrunnlag:
Det vert vist til handsaming i f-sak 60/06 om tilrettelegging
av industribygg i Djupøyna. Saka hadde
bakgrunn i brev frå Rempro som vil vere aktuell leigetakar.
Det har so vore møte om midlertidig løysing der tre
alternativ var framme med Valldal trevarefabrikk, hall i Djupøyna elller lokale
i nabokommunane.
Det er alt.2 som er blitt aktuelt, og Rempro har vendt seg
til kommunen og bedt om å få sette opp ein hall og to brakker som midlertidig
produksjonlokale i påvente av endeleg bygg.
Dette skal vere på kommunalt areal i Djupøyna.
Saksopplysningar:
Storleik på oppført hall vil vere 12 x 30 m pluss to
brakker, i alt 410 m2. Det blir støypt
ei plate som underlag. Hallen blir
midlertidig for Rempro sin bruk, men Rempro vil tilby denne til andre
seinare. Oppføring vil vere aktuelt i
september.
Saksvurdering og konklusjon:
Ei plassering må ikkje vere til hinder for oppføring av
permanente bygg. Nett no er det fleire
etableringar som kan synast aktuelle, men som enno ikkje er heilt klare. Dette bør ein kunne få betre oversyn over i
løpet av eit par månader, og det vil vere naudsynt med ein samla plan for
utnytting av området ut frå kva som då vil vere kjent. Det vil vere grunnlaget for å godkjenne ei
plassering då, men det vil vanskeleggjere framtidig utnytting å bestemme
plassering no.
Etter at Rempro har flytta ut, må hallen fjernast slik at
det blir ingen vidare bruk. Ein hall er
ikkje i samsvar med reguleringsføresegnene der ein har vektlagt utsjånaden til
industribygga. Også midlertidig
plassering vil krevje dispensasjon.
Rempro har prekære plassbehov, og ser dette som ei løysing
på kort sikt. Så langt har ein sett på
nordaustre hjørne på området, eller i alle høve den ytste delen, som mest
aktuelt, men denne vurdering kan endre seg.
Ein vil tilrå at det vert sett positivt på det som er tatt opp.
