Norddal kommune har for sin del ikkje merknader til og
vedtek dei nye vedtektene, administrativ del,
for interkommunalt utval mot akutt forureining på Sunnmøre (IUAS) slik
dei ligg føre dagsett 23.04.07 frå styret i IUA Sunnmøre.
Saksgrunnlag:
Forslaget til nye vedtekter for Sunnmøre interkommunale
utval mot akutt forurensing (IUAS) – administrativ del- er vedteken av styret i
IUAS etter at alle kommuane m.v. har hatt saka til høyring; jfr. vedlegg i
saka.
For Norddal sin del gjorde Driftsutvalet i møte 04.12.06 i
sak 099/06 slikt samrøystes vedtak:
Norddal kommune viser til motteke høyringsutkast til nye
vedtekter for interkommunalt utval for akutt forureining på Sunnmøre (IUAS) i
brev dagsett 20.10.06 og har følgjande uttale:
Norddal kommune sluttar seg til prinsippa som er
lagt i forslag til nye vedtekter for IUA Sunnmøre kapittel 1-7 med slik
merknad:
Første setning i andre avsnitt i
kap. 5, pkt. 5.1 må strykast slik at pkt. 5.1 får denne ordlyden:
Årlige driftsmidler og
nødvendige investeringar sikres gjennom en avgift fra kommunene utregnet etter
folketalet pr. 01.01. i driftsåret. Representantskapet vedtar størrelsen av
avgiften.
Årsavgiften medregnet det
faste beløpet betales innen 30.06. i driftsåret.
Saksopplysningar:
Gjeldande beredskapsplan mot akutt forureining for
IUA-Sunnmøre, administrativ- og operativ del, vart for Norddal sin del vedtek
av kommunestyret den 11. mars 1997. Dette interkommunale sam-arbeidet femner om
alle kommunane på Sunnmøre.
Vår delplan, Kommunal beredskapsorganisasjon mot akutt
forureining, vart vedteken av Driftsutvalet den 22. mars 2004. Denne delplanen
tek føre seg detaljar omkring varsling, aksjonering, øvingar, vedlikehald av materiell,
mannskap, utstyr på kommunalt depot, maritime resursar i kommunen m.v.
Dette interkommunale samarbeidet om akutt forurensing på
Sunnmøre (IUAS) er meint å vere eit beredskapsfellesskap oppretta i medhald av
Kommunelova (kap. 5, § 27). IUAS vil ikkje juridisk vere eit eige rettsobjekt
(kommunelova § 27.4).
Saksvurdering og konklusjon:
Kommunen har allereie signalisert gjennom vedtak i sak
099/06 i Driftsutvalet at den er positiv til forslaget om nye vedtekter for
Sunnmøre IUAS; jfr. vedtaket i saka.
Skilnaden på eksisterande samarbeid og forslaget til ny
administrativ del som her ligg føre er i hovudsak:
-brannsjefen i vertskommunen (Ålesund) er fast styreleiar og
dagleg leiar
-havnefogden i vertskommunen er fast vara for brannsjefen i
vertskommunen
Som før vert samarbeidskommunane leia av eit styre
(representantskap) som vert valt av samarbeidskommunane med ein representant
for kvar kommune.
Representskapet peikar ut eit beredskapsstyre som har 8
representantar; desse vert utpeikt/valt slik:
- Brannsjef
og havnefogd i vertskommunen er faste medlemmar
- Politimesteren
i Sunnmøre er fast medlem
- Berdskapspliktig
industri utpeikar sjølv ut ein representant
- Øvrige
medlemmar vert valt med 1 representant for kvar valgruppe, totalt 4
styremedlemmar.
Dei 16 kommunane er delt i 4 valgrupper; Norddal er i
valgruppe III saman med kommunane Ørskog, Stranda og Stordal.
At brannsjefen i Ålesund som juridisk person er fast leiar
for det interkommunale utvalet, er ein klar styrke i høve organisering og rask
start av eventuelle IUA-aksjonar mot akutt forureining.
I høve framdrifta i saka er det meininga at dei nye
vedtektene skal vere gjeldande frå 01.01.2008.
Når det gjeld vår vedtekne Delplan mot akutt forureining frå
mars 2004, kan det vere aktuelt med ei mindre justering i samsvar med dei nye
vedtektene (vedtakast av Driftsutvalet), men hovudelementa i planen treng ikkje
endring.
