Møtebok
Interkommunal avtale mellom
kommunane på Sunnmøre og Sunnmøre krisesenter - endring/oppdatering
|
Saksnr.
utval
|
Utval
|
Møtedato
|
|
050/07
|
Driftsutvalet
|
27.06.07
|
|
045/07
|
Kommunestyret
|
28.06.07
|
Utsendte saksdokument:
1.Brev frå Ålesund kommune til alle samarbeidskommunane dgs.
08.03.07
2.Gjeldande samarbeidsavtale
3. Retningslinjer for statstilskudd til krisesentrene i
2007, brev frå barne – og
likestillingsdepartementet, dgs. 05.02.07
4. Departementet sitt rundskriv om retningsliner for
statstilskott
5. Framlegg til ny avtale mellom kommunane og Sunnmøre
Krisesenter
6. Nye vedtekter for Sunnmøre Krisesenter, vedteke 27.02.07
Ikkje utsendte
saksdokument:
Kommunestyret gjer vedtak om å godkjenne avtalen mellom
samarbeidskommunane og Sunnmøre Krisesenter slik den ligg føre. (Vedlegg nr. 5)
Det er ein føresetnad at vedtektene for Sunnmøre Krisesenter
vert endra i samsvar med ny avtale.
Saksgrunnlag:
Brev frå Ålesund kommune dgs. 08.03.07 vedk. interkommunal
avtale mellom kommunane på Sunnmøre og Sunnmøre Krisesenter –
endring/oppdatering.
Saksopplysningar:
Sunnmøre Krisesenter er organisert som ei forening med eigne
vedtekter og eige styre.
Alle inntekter kjem frå statlege tilskott samt tilskott frå
samarbeidskommunar. Tilskottet frå den einskilde kommune er rekna ut etter
folketalet. (For Norddal sin del er tilskottet på om lag 10.000.- kr pr./år.)
Staten har gjort ei endring i finansieringsordningane slik at økonomien til det
einskilde senter vil bli betre og meir stabil. Statlege bidrag er avhengig av
at kommunane yter sitt.
Samarbeidskommunane er organisert gjennom ei styringsgruppe
med ein representant frå kvar kommune. Samarbeidsavtala mellom kommunane og
Sunnmøre Krisesenter er frå 1988 og treng ein revisjon.
Den nye avtalen, sjå vedlegg nr. 5, legg opp til at det
framleis skal vere ei styringsgruppe med representantar frå alle
samarbeidskommunane. Ålesund kommune, som er vertskommune, skal ha leiaren i
gruppa. Leiaren har dobbeltstemme. Krisesenteret sitt styre kan ha ein medlem i
styringsgruppa og i tillegg kan 2 representantar ha møte-, tale og forslagsrett
i styringsgruppa.
Ålesund kommune skal framleis ha sekretariatsfunksjonen. Dei
har også eit større ansvar for budsjett og rekneskap. Tidlegare var det slik at
vertskommunen ga eit ekstra bidrag på 10 % utover tilskottet pr innbyggjar. Det
er framlegg om å ta bort dette ekstra bidraget frå 2008. Dette er grunna i
arbeidet med sekretariatet og det overordna ansvaret Ålesund kommune har som
vertskommune.
Saksvurdering og konklusjon:
Arbeidet som blir utført av Sunnmøre Krisesenter er viktig
og det er behov for dette tiltaket i dagens samfunn. Brukarane kjem frå heile
Sunnmøre og mange kvinner og born får hjelp og vern. I og med at ei statleg
finansieringspakke har kome på plass er det moglegheit for ein forutsigbar
økonomi både for krisesenteret og samarbeidskommunane. I Ålesund har
krisesenteret kjøpt sitt eige hus.
Det er viktig at det er god kontakt mellom leiinga av
senteret, styret og medlemskommunane. Eigar/bidragsytar skal ha krav på innsyn
i korleis drifta går føre seg, det vil derfor vere rimeleg at styringsgruppa
har eit medlem i driftstyret.
For å få til eit best mogleg samarbeid mellom krisesenteret
og samarbeidskommunane er det viktig med ein god dialog mellom krisesenteret sitt styre og
styringsgruppa.
Rådmannen tilrår at avtalen i vedlegg nr. 5 vert vedteke.
Det er ein føresetnad at vedtektene for Sunnmøre Krisesenter vert endra i
samsvar med den nye avtalen.
