Handsaming i Det faste utvalet for plansaker 20.06.06:
Merete Løvoll Rønneberg. Sp kom med forslag om eit nytt
strekpkt. under pkt. 3.3 s. 17:
-
Stimulere til å kunne ta i bruk garden og gardbrukaren som ein
ressurs og aktiv medspelar for å skape nye arbeidsplassar t.d. innafor grøn
omsorg, særskilde opplegg retta mot born/ungdom eller menneske med særskilde
behov.
Rådmann endra si innstilling slik:
Norddal kommune vedtek Landbruksplanen som delplan for
Norddal kommune 2006 – 2009.
Ordføraren kom med forslag om at Landbruksplanen som delplan
for Norddal kommune
2006 – 2009 vert vedteken samstundes som samfunnsdelen i
kommuneplanen.
- utvalet slutta seg
til forslaget.
Røysting:
Samrøystes i samsvar med innstillinga og med Rønneberg sitt
tilleggsforslag.
--------------------------------Dette er slutten på
behandlingsteksten (denne teksten skrives ikke
ut)------------------------------------------------
Handsaming i Kommunestyret 08.03.2007:
Merete Løvoll Rønneberg, Sp kom med forslag om eit nytt pkt.
i tiltaksdelen:
5.6 Næring i verna områder og vidareutvikling av
tilleggsnæringar:
5.6.6
Pelsdyrhald med sølvrev og mink er den næringa innan
landbruket som siste året har gitt høgaste betaling pr. time. Med moderne
driftsformer, tette hallar, vakumutgjødsling etc. vil dette vere å sjå på som
ordinære driftsbygningar for nærmiljøet. Norddal kommune børe vere positive til
nyetableringar på dette området, og bidra med kompetanse for å styrke
eksisterande drift og busetjing.
Ansvar: Kommunen ved næringsavdelinga
Oppstart: 2007
Røysting:
Samrøystes i samsvar med Merete Løvoll Rønneberg sitt
tilleggsforslag.
Merete Løvoll Rønneberg, Sp kom med slikt endringsforslag:
s. 6. Ang. G-H landskapsvernområde:
Forslag til å byggje ut setninga slik:
Området omfattar areal knytt til bygdene Tafjord, Norddal og
Eidsdal, og område tilhøyrande Fjøråbygda på sørsida av fjorden. I tillegg er
delar av sjølve Tafjorden med i vår kommune.
Røysting:
Samrøystes i samsvar med Merete Løvoll Rønneberg sitt
endringsforslag.
Solveig Linge Stakkestad, Sp kom med slikt endringsforslag
til pkt. 5.2.2:
Dyrka mark bør ikkje disponerast til føremål som gjer areala
ueigna til matproduksjon utan at tungtvegande samfunnshensyn krev det som t.d.
tomtefelt. Spreidd bustadbygging bør ikkje skje på måtar som kan kome i
konflikt med dyrka mark.
Svein Linge, Al kom med forslag om første setning i
forslaget skal lyde:
Maskindriven produktiv dyrka mark bør ikkje…o.s.v.
Røysting:
11 røysta for Solveig Linge Stakkestad sitt endringforslag
til pkt. 5.2.2
8 røysta i mot
Det var røysta over
Svein Linge sitt presiseringsforslag:
4 røysta for Svein
Linge sitt forslag som fall
15 røysta i mot
Solveig Linge Stakkestas, Sp kom med slikt endringsforslag
til pkt. 4.5:
Innafor landbruket vert det frå sentralt hald satsa på
tiltak for å bevare kulturlandskapet.
Nytt: Norddal
kommune vil arbeide for at eksisterande ordningar bør forsterkast med særlege
verkemiddel som er statleg finansierte.
Røysting:
Samrøystes i samsvar med endringsforslaget til pkt. 4.5
Solveig Linge Stakkestad, Sp kom med forslag om eit slikt
nytt tillegg 4.8:
Lakesfiske i elvane har hatt mykje å seie som
tilleggsnæring. Det er difor svært viktig med kultivering. Kommunen vil fylgje
opp driftsplanar for slik kultivering.
Røysting:
Samrøystes i samsvar med Solveig Linge Stakkestad sitt
tilleggspunkt.
Endeleg avrøysting:
Norddal kommune vedtek Landbruksplanen som delplan for
Norddal kommune 2006 – 2009 med dei endringane som vart vedtatt i møtet.
--------------------------------Dette er slutten på
behandlingsteksten (denne teksten skrives ikke
ut)------------------------------------------------
Saksgrunnlag:
Bondelaga i Norddal kommune tok i eit brev av 27.11.03,
initiativ til at kommunen skulle utvikle ein landbruksplan. Formannskapet
vedtok i ei referatsak 08.12.03 at ein skulle utarbeide ein landbruksplan, og
at landbruksorganisasjonane skulle ta del i arbeidet. Det vart vinteren 2004
vedtatt og oppretta ei rådgjevande gruppe frå landbruksorganisasjonane og
reiselivslaget, som fekk namnet landbruksplangruppe og seinare landbruksforum.
Næringsavdelinga har vore sekretariat for landbruksforumet.
Saksopplysningar:
Jamfør vedtak i formannskapet i møte 06.02.06, vart planen
sendt ut til høyring i februar 2006 med frist 15. mars for innlevering av
merknader til planen. Det kom inn mange innspel, som vart nøye gjennomgått av
landbruksforumet og i stor grad innarbeidd i planen. Landbruksforumet har òg
prioritert mellom dei ulike strategiske tiltaka i planen, og planen er no klar
for å leggjast fram for planutval og kommunestyre.
Saksvurdering og konklusjon:
Rådmannen ser at det har vore ein lang prosess for å få
ferdig landbruksplanen. Landbruksforumet har vore eit konstruktivt og nyttig
forum i denne prosessen. Det er no viktig at denne kommunale delplanen vert
brukt aktivt i kommunen sitt arbeid med næringsutvikling og landbruk.
