|
|
NORDDAL KOMMUNE
|
Arkiv: A10
Sakshandsamar: Mette Hovden
Dato: 07.06.2007
|
Møtebok
Syltebøen barnehage -
ferieavvikling
|
Saksnr.
utval
|
Utval
|
Møtedato
|
|
046/07
|
Driftsutvalet
|
27.06.07
|
Utsendte saksdokument:
Brev frå Syltebøen til foreldra m/svarfrist 10.mars
Brev frå foreldrerådet til kommunen v/ordføraren datert
11.mars
Referat frå foreldremøte i Syltebøen 19.mars
Svar frå kommunen til foreldrerådet 14.mai
Brev frå Syltebøen til foreldra 15.mai
Brev frå Helge Svensvik til Foreldregruppa v/Johan Aklested
01. juni
Brev frå foreldregruppa til kommunen 05.juni
Barnehageruta 2007/2008
Vedtekter for barnehagane i Norddal kommune
Ikkje utsendte
saksdokument:
1.Barnehageruta vert ståande som vedteken i
samarbeidsutvalet 11.04.07.
2. For sommaren 2008 vert det i god tid gjort ei ny
behovsprøving av behovet for sommaropen barnehage.
Saksgrunnlag:
Samarbeidsutvalet sitt vedtak i høve barnehagerute.
Vedtekter for barnehagane i Norddal.
Klage på sommarstengt barnehage. Klage på saksbehandlingsarbeidet.
Saksopplysningar:
Som det kjem fram av vedlagte dokument har foreldra 3 gonger
( 10 mars, etter 19. mars og 21. mai) vore bedt om å svare på kor tid dei
ynskjer å ta barna ut i ferie. Heile tida har det vore snakk om mellom 4 og 6
barn pr. dag.
Vedlagte dokument syner også saksgangen.
Etter foreldremøtet 19. venta vi å få fleire som melde frå
om behov for open barnehage, og gav ekstra god tid slik at alle fekk lese
referatet og sjå på sin ferie ein gong til. Ingen melder frå.
Før feriesøknadane frå personalet blei behandla var
barnehageruta oppe til førehaving i Samarbeidsutvalet. Grunnlaget for å gjere
ei god vurdering måtte no vere tilstades. Konklusjonen var at grunna få born,
vart barnehagen stengt i to veker i juli.
Barnehageruta var sendt til alle foreldre omkring 20. april.
På bakgrunn av dette er også ferieplanen for personalet sett
opp, etter personalet sine søknader.
Saksvurdering og konklusjon:
Vi må halde oss til barnehagelova som definerer barnehage
som ”ei pedagogisk verksemd”. Vi har strenge retningslinjer for kvalitet og
tryggleik – både for borna og personalet. Dette gjeld heile året, og er eit konstant element for vurdering i
det daglege arbeidet og planlegginga. Såleis har det altså vore ein faktor i
ferieplanlegginga også frå dag ein.
Om vi skal endre på barnehageruta nå vil vi ikkje kunne
opprette ei fullt ut forsvarleg drift desse to vekene. Det er så få barn at det
kan ikkje forsvarast å ha meir enn ein person på jobb. Denne eine personen vil
nå verte ein relativt ukjent/utrent vikar. På denne måten vil vi heller ikkje
kunne halde opningstida.
Dette er også i tråd med måten td. ein av våre
samarbeids-kommuner, Ørskog, gjer det på. Dei har ei behovsprøving, og kravet
for å halde open barnehagen er 10 barn og 2 tilsette (kjende). Dette gjeld også
for jul og påske.
Ut frå dette er det ikkje noko som tilseier at det er nokon
feil med sakshandsaminga.
Konklusjonen er at vi ikkje kan gjere noko med saka i år,
men at det vert ny behovsprøving med tanke på sommarferien 2008.
Barnehageruta bør bli ståande som vedteken i
Samarbeidsutvalet