Rådmannen si innstilling:
1.
Det faste utvalet for plansaker har i samsvar med § 30 i plan-
og bygningslova vurdert privat forslag til reguleringsplan for Hytteområde
Gjerde gnr 11 bnr 2,3, og vil fremme dette som offentleg plansak, men med slik
endring:
a.
I § 4 pkt 4.3 vert takvinkel endra frå 15 – 35 gr til 27 – 35
gr.
2.
Med heimel i § 27-1 i plan- og bygningslova vedtek Det faste
utvalet for plansaker å legge forslag til reguleringsplan for Hytteområde
Gjerde gnr 11 bnr 2,3 ut til offentleg ettersyn i samsvar med plankart og
føresegner dagsett 25.01.06 og endring nemnt under pkt.1.
-----------------------------------------------------
Handsaming i Det faste utvalet for plansaker 20.06.06:
Rådmann la fram eit nytt pkt.1b til innstillinga:
§ 4.1 blir endra til 17 hytter.
Røysting:
Samrøystes i samsvar
med innstillinga med tillegg av nytt pkt. 1b.
--------------------------------Dette er slutten på
behandlingsteksten (denne teksten skrives ikke
ut)------------------------------------------------
1.
Det faste utvalet for plansaker har i samsvar med § 30 i plan-
og bygningslova vurdert privat forslag til reguleringsplan for Hytteområde
Gjerde gnr 11 bnr 2,3, og vil fremme dette som offentleg plansak, men med slik
endring:
a.
I § 4 pkt 4.3 vert takvinkel endra frå 15 – 35 gr til 27 – 35
gr.
b.
§ 4.1 blir endra til 17 hytter
2.
Med heimel i § 27-1 i plan- og bygningslova vedtek Det faste
utvalet for plansaker å legge forslag til reguleringsplan for Hytteområde
Gjerde gnr 11 bnr 2,3 ut til offentleg ettersyn i samsvar med plankart og
føresegner dagsett 25.01.06 og endring nemnt under pkt.1.
----------------------------------------------------------------------------
Saksgrunnlag:
Det ligg føre privat forslag til reguleringsplan for
hytteområde på Gjerde. Planen omfattar
17 hyttetomter på eigedom gnr 11 bnr 2,3 lengst aust på Gjerde. Av desse tomtene er 5 alt bebygde med 4 som
punktfeste og 1 som eigedom, 4 er som fortetting mellom eksisterande hytter, og
8 er utviding nedover.
Saksopplysningar:
Plansituasjon
På Omenås/Gjerde er det sett av eit stort hytteområde i
arealdelen til kommuneplanen. Nedanfor
dette området er arealet sett av som LNF-område som og inkluderer det alt
utbygde hytteområde. Her gjeld
imidlertid disposisjonsplanen av 1982 som var vedteke for hytteområdet sjølv om
dette ikkje går fram av oversiktsplanen.
Endring av plan
Det faste utvalet handsama førehandsvurdering av arealet i
sak 05/04 for det hytteområdet som det no er søkt om og såg positivt på
tiltaket, men ønska at det kunne vere etter ein samla plan for
Omenås/Gjerde. Det var skipa til møte
om dette, men det kom ikkje framt til nokon samla ståstad for gardsvalda. Gjerde har då hatt sitt eige møte og
skissert nytt byggeområde nedanfor det som er avsett i arealdelen, men som og
omfattar det eksisterande hytteområdet.
Dette er avmerkt på kart. Frå
Omenås er det ikkje kome noko samla, men Hallvard Omenås ynskjer å fremme
reguleringsplan for område på sin eigedom.
Dette var greitt for planutvalet, men utvalet ynskte framleis at det var
laga ein overordna plan for hytteområde for dei to gardane. Dette var teke opp med fylket som ikkje
hadde merknad til at kommuneplanen var endra gjennom ein overordna
reguleringsplan. Dette planarbeidet har
vore kunngjort oppstarta. Begge dei to
nemnde hytteplanane vil inngå og danne premiss for ein overordna plan. Den planen som her er omsøkt fremma ligg i
ytterkant av området, og vil knyte seg på eksisterande infrastruktur, og det er
eigentleg ikkje noko alternativ for utforming, avgrensing eller ekstern
tilknyting. Den bør kunne fremmast slik
den no ligg føre.
Førehandskunngjering
Oppstart av arbeidet med reguleringsplanen har vore
kunngjort, og det er kome x merknader.
Desse er oppsummert og kommentert i vedlegg til planforslaget. Ein har ikkje vidare merknader til dette ut
over kommentar til plansituasjonen slik det går fram ovanfor.
Planbeskrivelse
Planen omfattar 17 hyttetomter, av dette er 12 nye. Avgrensing er mot eksisterande veg mot
nord, naboeigedomanen på kvar side og mot ein høg hammar på nedsida mot
sør. Hovudtilkomst er eksisterande veg
gjennom hyttefeltet med ny, eigen veg til dei einskilde hyttene. Det ligg føre lengdeprofil for vegen, som
syner ei noko bratt stigning med 1:7,5.
Dette berører imidlertid ikkje kommunal veg. Det er vidare lagt ved normalprofil med køyrebanebreidde på 3
meter.
I reguleringsføresegnene er utnytting sett til BYA 90
m2. Takvinkel er sett til 15 – 35
gr. Dette er for vidt og bør
innskrenkast til 27 – 35 gr. Det er
opna for uthus med BYA 20 m2. Det kan
gå an med så vidt låg utnytting for hovudhuset.
Ut over det har ein ikkje merknader til forslaget.
Saksvurdering og konklusjon:
Med dei endringane som er nemnde ovanfor vil ein fremme
forslaget.
