NORDDAL KOMMUNE

Arkiv: L82 Saksmappe: 06/00088-17 Sakshandsamar: Stig Holmstrøm Dato: 11.06.2006

Møtebok

Økonomisk vurdering for vidare utvikling Remseth Maskin AS/Valldal Auto AS

Saksnr. utval	Utval	Møtedato
067/06	Formannskapet	20.06.06

Utsendte saksdokument:

Ikkje utsendte saksdokument:

Rådmannen si innstilling:

1. Formannskapet gir ordførar og rådmann fullmakt til i samråd med Remseth Maskin AS/Valldal Auto AS å innhente tilbod på ekstern konsulentbistand for vurdering av økonomiske konsekvensar for bedriftene ved evt. flytting av Remseth Maskin si verksemd på Murigrandane.
2. Mandat for den økonomiske utgreiinga skal på førehand utarbeidast i samråd med dei to bedriftene.
3. Kostnader ved slik konsulentbistand vert å dekkje over næringsfondet.

-----------------------------------------------------

Handsaming i Formannskapet 20.06.06:

Svein Linge, Al kom med slikt forslag til vedtak:

Forhandlingsutvalet skal snarast råd gå i forhandlingar med Remseth Maskin AS for å få ei avklaring med omsyn til tomteareal for bedrifta. Det skal forhandlast om arealstorleik og ein pris. Det er ein føresetnad at ein får avklart alle aktuelle spørsmål innan utgongen av juni 2006.

Røysting:

7 røysta for Linge sitt forslag

0 røysta for innstillinga.

--------------------------------Dette er slutten på behandlingsteksten (denne teksten skrives ikke ut)------------------------------------------------

Vedtak i Formannskapet - 20.06.06:

Forhandlingsutvalet skal snarast råd gå i forhandlingar med Remseth Maskin AS for å få ei avklaring med omsyn til tomteareal for bedrifta. Det skal forhandlast om arealstorleik og ein pris. Det er ein føresetnad at ein får avklart alle aktuelle spørsmål innan utgongen av juni 2006.

----------------------------------------------------------------------------

Saksgrunnlag:

I f-sak PS /06 vart det gjort slikt vedtak:

1. Formannskapet viser til dei vedtak som er gjort m.o.t. utvikling av Muriparken når det gjeld reguleringsføremål og nedlegging av byggje- og deleforbod.

2. Ordføraren og rådmannen får fullmakt til å gå kartleggje behov og ønskje med Valldal Auto og Remseth Maskin med sikte på å få fram gode alternativ som sikrar vidare framhald av drifta i begge bedriftene, også planlagt utviding av verksemda.

3. Remseth Maskin vert stilt i utsikt ei industritomt på om lag 4 mål i Djupøyna industriområde etter nærare avtale.

4. Evt. avtalar av økonomisk karakter eller forhandlingar om grunnkjøp/grunnavståing skal fremjast til politisk avgjerd, og forhandlingsutvalet skal koplast inn der dette er naturleg.

Saksopplysningar:

I etterkant av formannskapet sitt vedtak, vart det halde eit førebels drøftingsmøte mellom ordførar og rådmann og representantar for bedriftene. Målet var å bli samde om evt. forhandlingstema som Forhandlingsutvalet på eit seinare tidspunkt må handtere.

Ordførar/rådmann gjorde greie for dei vedtak som er fatta i saka og muleg framdrift m.a. i høve klargjøring flodbølgjeproblematikk og reguleringstilhøve. Kommunen og bedriftene hadde saman og kvar for seg ei rekkje spørsmål som vart forsøkt klarlagt, m.a. om når evt. tomt i Djupøyna kan stå klar, muleg arrondering, sambruksmulegheiter i høve andre bedrifter, evt. sal/kjøp av areal på Murigrandane, o.a.

Saksvurdering og konklusjon:

Gjennom diskusjonen/drøftingane mellom kommunen og bedriftene kom det fram ønske frå begge partar om å få gjort ein økonomisk analyse for å sjå heilskapen i dei økonomiske konsekvensane for bedriftene. Kort oppsummert vart ein samd i at rådmannen skulle leggje fram sak for formannskapet om kommunal medverknad og finansiering av ekstern konsulentbistand for ein slik analyse. Ein føresetnad frå bedriftene si side var at dei fekk vere med og utarbeide mandat for ein slik analyse, og at dei vart trekt inn i dei vurderingane som skulle gjerast. Målsettinga for ein økonomisk analyse må vere å finne grunnlag for reelle forhandlingar mellom bedriftene og Norddal kommune m.o.t. vidare samhandling/samarbeid og kommunal medverknad for vidareutvikling av bedriftene. Det er vanskeleg å tidfeste når ein slik analyse kan ferdigstillast, men det bør vere ei målsetting å ha denne klar tidleg i haust.

Stig Holmstrøm

rådmann