Møtebok
Namneendring frå Sylte til Valldal
|
Saksnr.
utval
|
Utval
|
Møtedato
|
|
048/07
|
Driftsutvalet
|
27.06.07
|
|
044/07
|
Kommunestyret
|
28.06.07
|
Utsendte saksdokument:
Brev frå Viktor Valdal (Aksjonslista), datert 04.10.06
Uttale frå Stadnamntenesta på Vestlandet, datert 17.04.07
E-post frå Stadnamntenesta, datert 29.05.07
Ikkje utsendte
saksdokument:
DU-sak 97/06
Lov om stadnamn
Norddal kommunestyre vedtek at den formelle nemninga på
sentrumsområdet i Valldal skal endrast frå Sylte til Valldal.
Saksgrunnlag:
Viktor Valdal bad i brev datert 04.10.06 om at det blir
vurdert å byte namn frå Sylte til Valldal. Det har no vore ein prosess slik at
det no er klart til endeleg vedtak om ønskja namn.
Saksopplysningar:
Saka var første oppe i Driftsutvalet 04.12.06. Deretter vart
det henta inn uttale frå Statens namnekonsulentar. Saka vart så sendt ut på
høyring. Det var annonsert i Storfjordnytt, og grunneigarane i sentrum vart
tilskrivne i eige brev med høve til å uttale seg. Det har ikkje kome merknader.
Statens namnekonsulentar v/Kjell Erik Steinbru skriv i mail datert 29.05.07 at
det ikkje er naudsynt med ny fråsegn frå Stadnamntenesta når det ikkje har kome
inn merknader.
Saksvurdering og konklusjon:
Stadnamntenesta skriv i brev datert 17.04.07 at det er
ganske innarbeidd å bruke dalnamnet utan bunden artikkel som namn på
tettstaden. Dei er ikkje heilt avvisande til å formalisere Valldal som namn på
kommunesenteret sidan det er ein nær 150-årig tradisjon på å nytte dalnamnet
som namn på postkontoret. Dei poengterer betydinga av at gardsnamna Sylte og
Muri blir gjort godt synlege i ettertid, både på skilt og i andre samanhengar.
Det har ikkje kome merknader på høyringa, og det skal difor
ikkje liggje føre motførestillingar mot ei formell endring av namn på
sentrumsområdet.
