NORDDAL KOMMUNE

Arkiv: L12

Saksmappe: 06/00811-9

Møtebok

Bruksendring/omlegging til veg m/parkering gnr 37, bnr 36

Olagarden i Tafjord

Saksnr. utval	Utval	Møtedato
033/07	Det faste utvalet for plansaker	06.06.07

Utsendte saksdokument:

Førespurnad dagsett 27.11.06 frå SR Eigedom AS

Søknad i brev av 19.12.06 m/kartutsnitt frå SR Eigedom AS

Merknad frå Else Muldal dagsett 02.01.07

Merknad frå Elsa T. Muldal dat. 30.12.06

Søknad i brev av 06.01.07 (28.02.07) frå Jostein Tafjord

Utsnitt av reguleringsplanen Tafjord

Fråsegn frå Fylkeskonservatoren dat. 19.03.07

Brev frå Elsa Muldal dagsett 11.03.07

Brev frå Else Muldal av 14.03.07

Ikkje utsendte saksdokument:

Søknad (skjema) frå SR Eiendom AS av 19.12.06

Gjenpart av nabovarsel dat. 19.12.06

Vedtak i Det faste utvalet for plansaker - 06.06.07:

Saka blir utsett.
Det blir innhenta uttale frå fylkeskonservatoren før saka blir lagt fram for ny førehaving.

Saksgrunnlag:

Saka gjeld søknad om å kunne utbetre vegen (Olavegen) slik at fritidseigedomen gnr. 37/36 får biltilkomst ovanfrå og naudsynt parkeringsareal; jfr. saksvedlegg.

Den aktuelle vegen er på reguleringsplanen avsett til gangveg og er ein delvis bratt gamal kjerreveg som går gjennom Olagarden og bind saman Trøene og Geilen.

Det ligg føre merknad frå Else Muldal, Elsa Muldal og fråsegn frå Fylkeskonservatoren i saka.

Saksopplysningar:

Fylkeskonservatoren, fråsegn dat. 19.03.07

Fylkeskonservatoren konkluderar med at på grunn av verneverdi og vegen sin standard og utforming oppmodar han sterkt om at denne vegen vert liggjande uendra og at ein finn andre løysingar for tilkomst til eigedomen gnr. 36/37.

Elsa T. Muldal, merknadar av 11.03.07, 30.12.06

Muldal tek fram at Trøvegen (Olavegen) er ein gamal kjerreveg som vart bruk til transport av høy med hest og kjerre frå slåttemarka i gamle dagar. Vegen er truleg bygd på 1800-talet og den einaste vegen som er att av dei gamle gardsvegar i Tafjord. Vegen har aldri vore nytta til bilkøyring, og er ikkje eigna til det. Det vert hevda tiltenkt utbetring/utviding av vegen og parkeringsplass vil kunne få negative konsekvensar for sin bustadeigedom gnr. 37/62.

Else Muldal, merknadar dagsett 14.03.07, 02.01.07

Det vert sett positivt på at hus som står tomme i bygda vert tekne i bruk att, og uttrykker at fritidseigedomen bør få ein fornuftig tilkomstveg. Muldal ser det føreslege alternativet som lite teneleg. Det enklaste må vere at vegen går slik den alltid har gjort, frå Geilen gjennom tunet i Olagarden over kloppa og opp til gnr. 37/36.

Alternativt kan vere syd for gnr. 37/32, krysse elva og sørenden av Ekremarka gnr. 37/8 utanfor dyrkamarka, vidare innunder bakken gnr. 37/63 i ein sving rett inn på tunet til gnr. 37/36.

Saksvurdering og konklusjon:

Det synest rimeleg klart at fritidseigedomen gnr. 37/36 har vegrett over Olagarden, gnr. 37/7.

Kva type vegrett dette er kanskje ikkje like klart.

Dei fleste eigedomar i dag har gjerne tilkomst for bil, men det er ingen krav etter Plan- og bygningslova om anna enn gangtilkomst for fritidseigedom.

At vegen som går mellom Trøene gjennom Olagarden og til Geilen er utan tvil eit kulturminne og såleis må ein vise stor varsemd med eventuelle endringar her, noko også Fylkeskonservatoren i si fråsegn i saka understrekar.

Reint praktisk sett vert det ikkje nokon god tilkomst for gnr. 37/36 over vegen frå Trøene, då den gamle kjerrevegen er relativ bratt.

Slik ein ser dei beste alternativa i saka for tilkomsten til fritidseigedomen:

-eigedomen har gangtilkomst over Olavegen

-eigedomen får gjennom omregulering etablert tilkomst over sydenden av Ekremarka

Det må skytast inn at å foreta ei omregulering i Tafjord sentrum vil innlemme fleire eigendomar og nødvendigvis ta noko tid. Sjølvsagt vil ein eventuell ny veg her utløyse relativt store kostnader.

Utvalet må foreta synfaring på området.

Stig Holmstrøm
rådmann