NORDDAL KOMMUNE

Arkiv: K40

Saksmappe: 07/00383-3

Møtebok

Skiping av vald for rådyrjakt på Hjelle , gnr. 57-58 og 59

Saksnr. utval	Utval	Møtedato
019/07	Viltnemnda	04.06.07

Utsendte saksdokument:

Søknad mottatt 20.04.07

Skriv frå kommunen datert 23.04.07

Ikkje utsendte saksdokument:

Rådmannen si innstilling:

1. Viltnemnda gjer med heimel i Forskrift om forvaltning av hjortevilt og bever frå

22.03.2002 vedtak om skiping av vald for rådyrjakt på Hjelle gnr. 57-58 og 59.

2. Det teljande arealet vert sett til 2000 da, med ansvarleg for valdet Elin Smogeli Homlong

6215 Eidsdal. Valdet får l.nr. 57 i kommunen sitt register.

Vedtak i Viltnemnda - 04.06.2007:

1. Viltnemnda gjer med heimel i Forskrift om forvaltning av hjortevilt og bever frå

22.03.2002 vedtak om skiping av vald for rådyrjakt på Hjelle gnr. 57-58 og 59.

2. Det teljande arealet vert sett til 2000 da, med ansvarleg for valdet Elin Smogeli Homlong

6215 Eidsdal. Valdet får l.nr. 57 i kommunen sitt register.

Saksgrunnlag:

Søknad frå eigarane av Gnr57-58 og 59, motteke 20.04.2007.

Saksopplysning:

Forskrift om forvaltning av hjortevilt og bever stiller i § 8 opp krav til valdet. I § 9 vert det lista opp dei krav ein søknad skal innehalde.

Gardane på Hjelle g.nr.57-58 og 59 har vore samanslegne som eit vald for jakt på hjort. I viltnemdssak 15/92 vart det teljande arealet sett til 2000 da.

Gjennom forskrift er minstearealet for jakt på rådyr sett til 700 da./dyr i Norddal kommune.

Saksvurdering:

Søknaden er grei på alle måtar og inneheld krava som vist til i §§ 8 og 9.

Ein må ta eit atterhald dersom eigaren av 58/1 ikkje vil vere med i så fall må ein kome attende til det. Som det går fram av søknaden så er han på sjøen no.

Det teljande arealet vert sett til det same som i valdet for jakt på hjort då ein ikkje kan sjå at det er gjort endringar i noko form for omdisponering av areal sidan 1992.

Stig Holmstrøm
rådmann