Jakt på hjort år 2007. Bruk av areal og avskytingsmodell.

Vedtak i Viltnemnda - 04.06.2007:

Norddal viltnemnd gjer med heimel i forskrifta sin §6 utifrå skadepress og storleik på bestanden vedtak om å redusere og auke minstearealet for jakt på hjort i 2007 slik:

Valda 8-9-10-11-12-13-20-22-23-24-25-26-29, og 66 får sitt minsteareal redusert med 25% slik at desse får tildelt etter minsteareal på 750 da./dyr.

Valda 1-5-6-7-14-21-27-28-45-46-47-64-75 og 76 får tildelt etter minsteareal på 1000da./dyr.

Valda 11b- 15-16-17-18-36-37-40-41-42-44-49-50-52-53-90 og 95 får sitt minsteareal skrive opp med 25% til 1250da,/dyr.

Avskytingsmodell i valda etter forskrifta sin §15

Med slik tilnærma fordeling: Kalv 20% Vaksne hanndyr (1 ½ år og eldre) 40 %. Og vaksne hodyr (1 ½ år og eldre) 40 %.

Sak med tildeling til kvart einskild vald vert å leggje fram seinare.

Saksbakgrunn:

Forskrift om forvaltning av hjortevilt og bever frå 22.03.2002, rundskriv juli 2002

og forskrift om minsteareal frå 02.04.2002.

Saksopplysning:

Kvart år skal kommunen , innan 15.juni, sende ut fellingsløyva for hjort til alle vald som

er godkjent, forskrifta sin § 13.

Før dette kan skje må det gjerast politisk vedtak om avskytingsmodell og eventuell

Bruk av forskrifta sin § 6, fråvik av minstearealet.

Når dette er gjort skal det gjerast politisk vedtak på tildeling til kvart vald.

Teljing av hjort siste åra syner desse tala.

	¹⁹⁹⁹	²⁰⁰¹	²⁰⁰²	²⁰⁰³	²⁰⁰⁴	²⁰⁰⁵	²⁰⁰⁶	²⁰⁰⁷
Valldal	20	60	70	9	75	94	108	68
Fjørå	19	49	35	18	15	39	29	52
Norddal	9	7	4	2	9	12	11	22
Tafjord	13	16	15	0	13	4	4	31
Osvika mv. *	29	33	27	11	24	31	28	31
Eidsdal	69	90	129	113	172	195	227	191
SUM	159	255	280	153	308	375	407	395

* Kan leggast til Fjørå der dei krinsmessig høyrer heime.

Teljinga i år vart gjort 24.04. Valldal jeger og fiskeforeining trur at det kanskje var kome ein del gror i utmarka slik ein ikkje fekk med alle dyr i teljinga.

Vidare har VJFF fordelt dei observerte dyr i kategori, men strekar under at desse tala er usikre. Ein tek likevel tala med her.

Bygd	Kalv/Åring	Ung kolle	Spissbukk	Kolle	Vaksen bukk	Ukjent	Sum
Valldal	13	0	0	38	12	5	68
Fjørå + Osv.	8	0	1	8	0	66	83
Tafjord	7	0	1	7	7	9	31
Norddal	6	1	2	6	6	1	22
Eidsdal	63	18	1	76	26	7	191
SUM	97	19	5	135	51	88	395

Totalt så er observasjonane/teljinga for 2007 nokså lik teljinga i 2006, rett nok 12 dyr meir i fjor. Utifrå relativ god felling i 2006 rekna ein med ein reduksjon av hjortestamma i år, det ser ikkje ut til å halde stikk. Kommunen bør difor og i år bruke § 6 i forskrifta på slik måte at ein legg til rette for å felle hjort i den ordinære jakttid.

I 2006 hadde 46 vald jakt på hjort i kommunen, eit av desse hadde bestandsplan (forskrifta § 14))

Desse fekk tildelt 410 fellingsløyve og felte 233 dyr, fellingsprosent 57.

Forskrifta pålegg alle vald gjennom § 15 retta avskyting, dersom jaktsrettshavarane ikkje har bestandsplan..

§ 15 har to modellar som kan nyttast for jakt på hjort, dei er slik utforma:

Kalv ( ½ år) Vaksne hodyr (1 ½ år og eldre) Vaksne hanndyr ( 1 ½ år og eldre)

Kalv ( ½ år) Vaksne hanndyr ( 1 ½ år og eldre), Frie dyr.

Vald med godkjent bestandsplan vil få sine løyver som ”frie dyr” for heile planperioden, og skal følgje vedteken avskytingsplan.

Vald 54 Eidsdal har fått sine løyver for ein 3-års bolk 2005-2006 og 2007, i alt 240 løyver.

Valdet har felt 138 dyr og har ein rest i år på 102 dyr.

Valda sine rapportering om hjortestamma si utvikling syner slike tal siste tre åra.

Som ein vil sjå av diagrammet er gruppa ??? monaleg større for 2006 enn tidlegare dei som kjem i denne gruppa er dei som ikkje har kryssa av i det heile. I 2006 hadde største valdet i kommunen gløymt avkryssing og det er vel mykje av årsaka til auken i denne gruppa.

Før hadde ein ikkje særleg anna å byggje på når det gjaldt stamma si utvikling, denne avkryssinga er viktig, men ikkje så mykje no som før når ein har ”SETT HJORT”, og teljing om våren

Skulle andre få godkjent bestandsplan innan fristen må vedtaket som vert gjort i denne saka eventuelt justerast.

Når det gjeld vurdering av utvikling av hjortestamma i kommunen vert valda sine rapportar på Sett-Hjort, valdskjema og teljingar lagt til grunn.

Utanom jakt er det i jaktåret 2006/2007 registrert 7 daude dyr av hjort, 1 bukk, 1 kalv og 5 koller. I tillegg er det gjeve løyve på felling av 3 skadedyr, 2 av desse vart felt begge koller.

Saksvurdering:

Alternativ til bestandsplan kan vere samanslåing av vald, utan bestandsplan.

Heilt sidan 1988 har ein informert om denne mogelegheita for betre utnytting av jakta, det skal vere rimeleg godt kjent mellom valda i kommunen.

Som nemnt er kommunen si målsetting er å felle hjort i jakttida og ikkje som skadedyr. Då må hjorten fellast der den er denne tida. Viltnemnda må ha dette i tankane når vedtak om arealbruk vert gjort.

Vedtaket må vere innafor rammene av minsteareal og § 6 i forskrifta, då kan arealet vere differensiert mellom 500 da./dyr og 1500 da/dyr, og med variasjon mellom desse to.

Det ideelle er balanse mellom opp og nedskriving av arealet. Slik opp eller nedskriving innafor § 6 skal vere tidsavgrensa. Bruk av § 6 skal grunngjevast i ein eller fleire av tre faktorar. Ulike levevilkår- storleik på bestanden og utvikling- skadepress.

Viltnemnda er suverene i sitt vedtak om på kva måte arealet vert nytta år for år, så framt det vert halde innafor forskrift og kommunen si hovudmålsetjing.

Siste åra har ein skrive ned minstearealet med 25 % i ein del vald og halde på 1000 da. i dei andre. Viltnemnda har ikkje nytta seg av retten til å skrive arealet opp, ein er komen til at for 2007 vil ein rå til 3 grupperingar 750 da/dyr – 1000 da/dyr og 1250 da/dyr. Og legg til grunn den kunnskap ein har vedkomande skadepress og storleik på bestanden.

Utifrå slik tildeling vert det i år høve til å felle om lag 370 hjortar medrekna bestandsplanområdet, det er 40 færre enn i 2006, ein kan likevel ikkje sjå at noko vald skal tape på slik tildeling vurdert utifrå felling tidlegare år.

Vald som er under revisjon eller nye vald er ikkje med i denne utrekninga.

Modell for målretta avskyting forskrifta sin § 15, vil ein rå til vert nytta den same som siste åra då ein synes denne er den mest optimale ein kan få, mange av grunneigarane synes og det.

Stig Holmstrøm
rådmann

Saksnr. utval	Utval	Møtedato
017/07	Viltnemnda	04.06.07

NORDDAL KOMMUNE

Arkiv: K46

Saksmappe: 07/00109-6

Møtebok

Rådmannen si innstilling:

Vedtak i Viltnemnda - 04.06.2007: