NORDDAL KOMMUNE

Arkiv: K40 Saksmappe: 05/00424-9 Sakshandsamar: Inge Lilleås Dato: 24.05.06

Møtebok

Samanslåing av vald - Sylte/Muriås

Saksnr. utval	Utval	Møtedato
017/06	Viltnemnda	01.06.06

Utsendte saksdokument:

Søknaden – vert lagt fram i møtet

Ikkje utsendte saksdokument:

Forskrift om forvaltning av hjortevilt og bever

Rådmannen si innstilling:

Viltnemnda viser til forskrift om forvaltning av hjortevilt og bever og gjer vedtak om samanslåing av Muriås, Muri og Sylte

Muriås sitt areal er 2000 dekar, Muri sitt areal vert sett ned med 150 dekar til 729 dekar og Sylte sitt teljande areal vert sett ned frå 1650 dekar til 1500 dekar.

Det samla teljande areal vil då verte 4229 dekar.

Valdet vil ha nr. 27 i viltnemnda sitt register.

Valdansvarleg vert Peter Melchior 6210 Valldal.

-----------------------------------------------------

Handsaming i Viltnemnda 01.06.06:

Karl Jostein Rødset gjekk frå som ugild – no 4 representantar.

Røysting:

Samrøystes i samsvar med innstillinga.

Karl Jostein Rødset tok sete att – no 5 representantar.

--------------------------------Dette er slutten på behandlingsteksten (denne teksten skrives ikke ut)------------------------------------------------

Vedtak i Viltnemnda - 01.06.06:

Viltnemnda viser til forskrift om forvaltning av hjortevilt og bever og gjer vedtak om samanslåing av Muriås, Muri og Sylte

Muriås sitt areal er 2000 dekar, Muri sitt areal vert sett ned med 150 dekar til 729 dekar og Sylte sitt teljande areal vert sett ned frå 1650 dekar til 1500 dekar.

Det samla teljande areal vil då verte 4229 dekar.

Valdet vil ha nr. 27 i viltnemnda sitt register.

Valdansvarleg vert Peter Melchior 6210 Valldal.

----------------------------------------------------------------------------

Saksgrunnlag:

Søknad frå grunneigarane i Muriås datert 28.04.06.om valdsamanslåing for hjort og rådyr.

Saksopplysningar:

G.nr. 4 Muri vart i 2005 slege saman med vald 27 Sylte. Dette vart gjort i viltnemndssak 25/05 og det teljande arealet sett til 2529 dekar.

Det synte seg seinare at det som vert kalla Kvitla hang ikkje saman med Muri eller Sylte, arealet vart av dette redusert til 2410 dekar i viltnemndssak 29/05.

I søknaden om samanslåing no er Muriås sine 2000 dekar med og dei 119 dekar i Kvitla, dette arealet heng saman med Muriås og vil kunne gå inn i valdet.

Vald 3 Muriås sitt teljande areal vart i viltnemndssak 16/94 fastsett til 2000 dekar.

Arealet det vert søkt om samanslåing på er slik:

Gnr 3 Muriås 2000 dekar

Gnr 4 Muri 879,5 dekar

Gnr 27 Sylte 1650 dekar

I alt 4529,5 dekar.

Saksvurdering:

Halvedekar tek ein ikkje med ein rundar ned til heilt tal.

Kommunen burde sist sak om samanslåing av Muri og Sylte var oppe sett på arealet, det var likevel til grunneigarane sin gunst, at dette ikkje vart gjort.

Med den sterke utbygging det har vore i kommunesenteret siste 20 åra spesielt på Muri og Sylte må viltnemnd skjønsmessig vurdere dei utbygde areal og sjå om dei stettar kravet i forskrifta. Ein vil her vise til § 8 der det mellom anna står slik: ”Valdet skal være samenhengende og ha en avgrensing og en form som gjør det egnet til jakt på vedkommende viltart eller viltarter og som gjør det sikkerhetsmessig forsvarlig å utøve jakt og fangst. O.s.v. ”

Det er neppe tvil om at det ikkje er råd nettopp utifrå refererte ledd i §8 at det kan drivast forsvarleg jakt i sentrum eller i bustadfelta. Det same vil vere tilfelle i store hyttefelt.

Eg er komen til at det vil vere rett å trekkje ut eit areal på 150 dekar både på Muri og Sylte, det er neppe for mykje. Ein vil då få slikt oppsett over det teljande arealet:

Gnr 3 Muriås 2000 dekar 2000 dekar 2000 dekar

Gnr 4 Muri 879,5 dekar 879 dekar – 150 dekar 729 dekar

Gnr 27 Sylte 1650 dekar 1650 dekar – 150 dekar 1500 dekar

I alt 4529,5 dekar. 4229 dekar

Kommunen si vurdering av ei kvar samanslåing av vald er udelt positiv.

Stig Holmstrøm

rådmann