Saksgrunnlag:
Framlegg til reguleringsplan for Nedstestølen har lege ute
til offentleg ettersyn i tida 23.02. – 22.03.05. Det er kome 3 merknader til saka.
Saksopplysningar:
Merknad 1. Statens vegvesen, Region
Midt
Ingen merknad.
Merknad 2. Styret i Fosselia
sameige
Merknadene er sett opp punktvis og refererer til
reguleringsføresegnene.
1.
Området ligg i Fosselia og er eigd i fellesskap (§ 1)
2.
Presisere at det gjeld stølsområdet på sørsida av elva (§ 2)
3.
§ 2 b bør gå ut. Det
er nok at sakene blir handsama lokalt.
4.
§ 2 c bør gå ut. Det
bør ikkje automatisk vere lov å sette opp nye hus på gamle tufter.
5.
Det kan vere uheldig at det står maks storleik 60 m2 for
gamlestølen (§ 2d).
6.
Presisere at byggeområde for hytter ligg i Fosselia (§ 3).
7.
Tomtene er ein rett til å ha hus ståande, men vert ikkje
frådelt sameiget (§ 3 b)
8.
Til § 3 e: Nytte
omgrepet bygningane og ikkje tomtene.
Ny § 3 e: Det er ikkje høve til
inngjerding av bygningane.
9.
Til § 4 om skredfare.
Take ut denne dersom det ikkje er eit krav at det skal stå der.
10.
Om parkering (§
5). Det er ikkje behov for meir
parkering. Gjesteparkering kan leggast
200 m lenger sør i felles grustak.
11.
Ny generell paragraf om at endringar skal godkjennast av
sameiget og kommunen.
12.
1 hytte som var med tidlegare er ikkje med på plankartet, men
bør inn.
Kommentar
Pkt.1 er greitt og kan takast inn i § 1.
Pkt.2 er greitt og kan takast inn i § 2.
Pkt.3 om § 2 b.
Dette gjeld sakshandsaminga der byggesaker skal leggast fram for
fylkeskonservatoren. Dette er etter
føresegnene til kommuneplanen og kan ikkje endrast i reguleringsplanen.
Pkt.4 om nye hus på gamle tufter. På møte med delar av styret var ein samde om at denne paragrafen
skal stå.
Pkt.5 om maks storleik 60 m2 treng ikkje stå under det gamle
stølsområdet. Det går ut.
Pkt.6. Byggeområde
ligg i Fosselia gnr 15 bnr 9.
Pkt.7. Formuleringa
blir knytt til § 3 b.
Pkt.8 blir endra i samsvar med merknaden.
Pkt. 9 må stå slik.
Kommunen kan vurdere om hus kan stå i skredområdet og kan ta det
atterhaldet at det berre skal vere for sommarbruk.
Pkt. 10 om parkering.
Dette vert teke ut av fellesføresegnene.
Pkt.11 i fellesføresegnene blir det teke inn om godkjenning
av bygg. Bruk av jordlova blir og lagt
inn her.
Til plankartet.
Dette blir kommentert under merknad frå fylket.
Merknad 3. Møre og Romsdal fylke
Det blir lagt fram forslag om at området blir teke ut av
landskapsvernområdet og heller blir styrt av reguleringsplanen.
Tre hytter bør trekkast lenger unna stølen.
Det må vere ei meir presis formulering enn ”sommarbruk” for
nye bygg i fareområde. Det er forslag
til endra formulering som går på grenseverdiar for skredfare.
Ut i frå at Valldøla er eit verna vassdrag bør elva og
kantsona mot elva vere regulert som friluftsområde.
Felles parkeringsplass bør visast i reguleringsplanen.
Kommentar
I tillegg til desse tre hyttene som må flyttast, peiker
styret i sameiget på at 1 annan hytte er ikkje kome med og bør inn i
planen. På møte var det semje om å
plassere 2 på det øvre byggeområdet opp langs elva , og vidare forlenge
byggeområdet sørover lengst nede til å omfatte 2 hytter til.
Om bygging i fareområde nyttar ein formuleringa i merknaden.
Elva langs med og kantsona blir regulert som friluftsområde.
Parkeringsplass går ut.
Saksvurdering og konklusjon:
Planframlegget blir lagt fram til handsaming i samsvar med
kommentarane til merknadene. Endringane
er så vidt omfattande at det krev ei ny utlegging.
